Éxodo 15:14 - Bible in Tzotzil de Chenalhó with Deuterocanon

¹⁴ Li muc'tic lumetique toj ep ta xi'ic ti c'alal cha'yique; li filistaetique mu xa xcuch yu'un cha'yic li vocole.

Bible in Tzotzil de Chamula

¹⁴ Ti muc'tiquil lumetique ta xniquic ta xi'el ti c'alal ta xa'iique; ti filisteoetique xmich' xa yo'nton ta xa'iic yu'un ti yipale.

Éxodo 15:14 Iomraidhean Croise

1 Crónicas 14:17

Li Davide ipuc batel sc'oplal ta buyuc no'ox. Li Muc'ul Diose laj yac' xi'icuc yu'un David scotol li muc'tic lumetique.

Salmos 48:6

Iventainatic o yu'un li xi'ele; xbaletic xa ta xc'uxul ya'yel jech chac c'u cha'al jun ants ti ta xa xcuxe.

Salmos 48:7

Toj xi'bal sba laj ya'yic jech chac c'u cha'al ic' chtal ta sloq'ueb c'ac'al ti chvoc' yu'un li barcoetic chliquic tal ta namal banamile.

Isaías 14:29

“Filistea, mu me xcuxetuc xa avo'nton ti ic'as xa li te' laj avich' o majele, yu'un ti bu iloc' tal jcot ts'inte' ta yibel te'e, orachon xa te chloc' tal; li sat te'e chc'ataj ta muc'ta jmilvanej chon ti lec sna' xvile.

Isaías 14:31

Vo'oxuc coraltonetic, me'on-oc'anic. Vo'oxuc lumetic, avananic ta oq'uel. Vo'ot Filistea, chapal xa ac'oplal chavich'. Yu'un ta xtal muc'ta ch'ayil ta stuq'uil norte; jmoj xtomet chloc' tal, me junuc mu'yuc bu jeltos ta xtal.

Isaías 23:5

C'alal cha'yic li egiptoetique, sibluj to yo'ntonic ta xi'el ta scoj li c'usi ic'ot ta pasel ta stojol li Tiroe.

Ezequiel 32:9

‘C'alal chc'ot a'yej ta stojol yantic banamil ti laj avich' chuquel batele, ja' li banamiletic ti mu xavotquinane, ta xlic yat yo'ntonic epal lumetic avu'un, yu'un cha'yic ti lalaj oe.

Habacuc 3:6

Chva'i, tsniques li banamile. C'alal tsq'uel osile, ta xnic li jujun banamile. Li muc'tic vits ti te ono'ox oy tal ta vo'onee chlilij scotol. Li stselejtic ti te ono'ox tselajtic oe ta x'ulan scotol. Yan li c'usitic tspas Diose mu sna' xlaj sc'oplal.

Habacuc 3:7

Li cristianoetic ta Cusane toj abul sbaic laj quil; li jnaclumetic ta Madiane chniquic ta xi'el.

Números 14:14

xu' chlic yalbe ya'yic li jnaclumetic te ta Canaán banamile. Yu'un li stuquique ya'yojic ti li' oyot ta o'lol yu'unic li jchi'iltac, vo'ot li Muc'ul Diosote. Xchi'uc ya'yojic ti chavac' aba lec ta ilel ta stojolique, xchi'uc ti li' oy ta stojolic li toc avu'une. Xchi'uc ya'yojic ti ba'yucbe chabat ta toc yu'unic ta c'ac'altique xchi'uc ti chc'ataj ta c'oc' ta ac'ubaltic sventa tsna' bu chbatique.

Números 22:5

Ja' yu'un li ajvalil Balaque la stac ta iq'uel li Balaame, ja' li xnich'on Beor, te nacal ta Petor ta nopol uc'um Éufrates ta yosilal Amave. Li ajvalil Balaque jech laj yalbe batel li svinictaque: —Jech xc'ot avalbeic li Balaame: ‘Oy iloq'uic tal ta Egipto epal cristianoetic spucoj sbaic ta scotol banamil. Li' ta orae, li' xa nopol oyic tal ta jtojol.

Deuteronomio 2:25

Tana ta xcac' ti chlic xi'icuc avu'unic scotol li cristianoetic li' ta banamile. C'alal cha'yic ac'oplalique ta xlic nicuc yo'ntonic ta xi'el’, xi li Muc'ul Diose.

Josué 2:11

C'alal laj ca'icutique, bats'i ep chixi'cutic avu'unic yu'un laj ca'icutic ti mu'yuc boch'o xu' chastsaloxuque. Yu'un li Muc'ul Diose, ja' li Dios avu'unique, ja' Dios yu'un li vinajele xchi'uc li banamile.

Josué 9:24

Jech itac'ovic: —Jech la jpascutic, yu'un lixi'cutic avu'unic ti me chbat amiluncutique. Yu'un laj ca'icutic ti albil ono'ox yu'un Muc'ul Dios li Moisés yajtunel Diose ti vo'oxuc chavich'ic scotol li banamil li'i, xchi'uc ti persa chavulesbeic scotol li yajvaltaque.

Josué 9:9

Itac'ovic: —Nom liquemuncutic tal, yu'un laj ca'icutic sc'oplal li Muc'ul Dios avu'unique. Laj ca'icutic c'usi la spas te ta Egipto,

1 Samuel 4:7

Jech lic xi'icuc, jech laj yalic: “Ital xa Dios te ta scarpanaic li israeletique. Toj abul jbatic, yu'un mu'yuc ono'ox baq'uin jech xc'ot ta pasel.

1 Samuel 4:8

Toj abul jbatic. ¿Boch'o xu' chiscoltautic loq'uel ta sc'ob li Dios ti ech'em stsatsale? Yu'un ja' li Dios ti la smil ta tsatsal chamel li egiptoetic te ta xocol banamile.