Éxodo 15:11 - Bible in Tzotzil de Chenalhó with Deuterocanon

¹¹ Muc'ul Dios, me junuc yan dios mu xco'laj jech chac c'u cha'al vo'ot. Mu'yuc boch'o yan toj muc', toj tuc' jech chac c'u cha'al li vo'ote. Yu'un toj labalic sba, toj xi'balic sba li c'usitic chapase. Lec snup o ti ep chavich' q'uejintabel alequilale.

Bible in Tzotzil de Chamula

¹¹ Le' une, Cajval, mu junuc dios xco'olaj jech c'u cha'al ti vo'ote. Mu'yuc buch'u xco'olaj xch'ul talel jech c'u cha'al ti vo'ote. Xi'bal sba ti c'usitic ti jun yutsiquil ta xapase. Ac'oteb o ti ac'bil ta toyol ac'oplale.

Éxodo 15:11 Iomraidhean Croise

2 Samuel 7:22

Ja' yu'un toj ech'em amuc'ul Muc'ul Dios cu'un. Mu'yuc boch'o yan jech chac c'u cha'al vo'ot. Mu'yuc yan Dios jech chac c'u cha'al ca'yojcutic ono'ox ta jchiquincutique.

1 Reyes 8:23

jech laj yal: “Muc'ul Dios yu'un Israel, mu'yuc yan Dios ta vinajel, me li' ta banamil jech chac c'u cha'al vo'ot, yu'un laj ac'otes li c'usi chapanbil avu'une, xchi'uc chavac' ta ilel slequil avo'nton ta stojol li boch'o scotol yo'nton chtunic avu'une.

1 Crónicas 16:25

Yu'un ja' toj ech'em smuc'ul li Muc'ul Diose. Ja' no'ox stuc oy ta ich'el ta muc'; ja' no'ox stuc xi'bil ta scotol li yantic diosetique.

2 Crónicas 2:5

Li Ch'ulna ti tsc'an ta jpase tsc'an lec muc', yu'un li Dios cu'uncutique ja' toj muc' yu'un scotol li yantic diosetique.

2 Crónicas 6:14

“Muc'ul Dios yu'un Israel, mu'yuc yan Dios ta vinajel, o me ta banamil jech chac c'u cha'al vo'ot. Laj ac'otes li c'usi achapanoje, xchi'uc laj avac' ta ilel slequil avo'nton ta stojol li boch'o scotol yo'nton chtunic avu'une.

Salmos 113:5

Mu'yuc boch'o xco'laj jech chac c'u cha'al li Muc'ul Dios cu'untic, ti te chotol tspas mantal ta toyole,

Salmos 119:120

Li jbec'tale ta xnic ta xi'el ta atojol, jech ta xquich' lec ta muc' li mantaletic avu'une.

Salmos 136:4

Ja' no'ox stuc xu' yu'un tspas muc'tic sq'uelubiltac, yu'un sbatel osil mu xlaj o li c'uxubinel yu'une.

Salmos 145:17

Li Muc'ul Diose stalel tuc' scotol c'usi tspas, stalel c'ux ta yo'nton scotol li yabtele.

Salmos 22:23

Vo'oxuc ti avich'ojic ta muc' li Muc'ul Diose, albeic slequilal. Ich'ic ta muc' acotolic vo'oxuc li smomnich'naboxuc Jacobe. Nijan abaic ta stojol acotolic vo'oxuc li sts'unubaloxuc Israele.

Salmos 35:10

Ta scotol co'nton, ta scotol jbec'tal jech chcal: “Muc'ul Dios, mu'yuc boch'o yan jech chac c'u cha'al vo'ot ti chacolta li boch'o abul sba ti mu'yuc c'usi oy yu'une. Vo'ot chacolta loq'uel ta sc'ob li boch'o toj ech'em xu' yu'unique, ti chuts'intaic li boch'o abul sbae”, xichi.

Salmos 60:2

Laj avac' nicuc li banamile, xchi'uc laj avac' javuc ya'yel; ac'o snu'p sba yan velta, yu'un ta xa xjem yalel scotol.

Salmos 66:5

La'ic, la' q'uelbeic yabtel li Diose; la' q'uelic ti toj labalic sba c'usi la spas ta stojol cristianoetique.

Salmos 77:11

Ta to jna' c'u x'elan yabtel li Boch'o te oy ta vinajele; ta to jna'ilan ti ep sq'uelubiltac la spas ta vo'onee.

Salmos 77:14

Vo'ot Diosot ti xu' avu'un chapas c'usi toj labalic sbae; laj avac' ta otquinel ta ep lumetic li avu'ele.

Salmos 77:19

Ja' abe ic'ot li yut nabe; ja' te lajelov tal ta pimil nab, mu'yuc boch'o laj yilbot yav avacan.

Salmos 86:10

Yu'un vo'ot toj ech'em amuc'ul, xchi'uc toj labalic sba c'usi chapas; vo'ot no'ox atuc jech Diosot.

Salmos 86:8

Cajval, mu'yuc boch'o yan dios jech chac c'u cha'al vo'ot; mu'yuc boch'o yan jech yabtel jech chac c'u cha'al avabtel li vo'ote.

Salmos 89:18

Li jmacubbailtique ja' li Muc'ul Diose, Li Ajvalil cu'untique ja' li Muc'ul Dios yu'un Israele.

Salmos 90:11

¿Boch'o xotquin c'u x'elan stsatsal ti c'alal cha'iline? ¿Boch'o sna' c'u yalal li sc'ac'al avo'ntone?

Éxodo 18:11

Li' ta orae ta jna' ti ja' no'ox stuc ech'em smuc'ul li Muc'ul Diose ti mu xco'laj xchi'uc li yantic diosetique. Yu'un la scoltaoxuc vo'oxuc ti mu'yuc atuic la'ilatique —xi.

Éxodo 20:3

“Mu me xavich'ic ta muc' yan diosetic. Jtuc no'ox xavich'icun ta muc'.

Éxodo 3:20

Ja' yu'un vu'un ta xcac' ta ilel jvu'el jtsatsal. Li Egiptoetique ta xcac'be stojic ta sventa li sq'uelubiltac jtsatsal ta jpas ta stojolique: ja' to jech chayac'oxuc loq'uel tal li faraone.

Éxodo 8:10

—Oc'om no'ox —xi li faraone. Itac'ov li Moisese: —Jech ac'o c'otuc ta pasel, yu'un jech chana' o ti mu'yuc boch'o yan jech chac c'u cha'al li Muc'ul Diose ja' li Dios cu'uncutique.

Éxodo 8:6

Li Aarone la stoy snamte' ta scotol li vo' ta Egiptoe, jech iloc' tal epal xch'uch'etic. Inoj ta xch'uch' scotol ti c'u smuc'ul li Egipto banamile.

Éxodo 9:14

Ta to me xcac' taluc yan vocol ta atojol, xchi'uc ta stojol li achi'iltac ta abtele, xchi'uc ta scotol li achi'iltaque, yu'un jech chana' o ti mu'yuc yan Dios ta scotol banamil jech chac c'u cha'al vu'une.

Isaías 30:11

Mu me xamacuncutic ta be; jambun li jbecutique; mu xavic'uncutic batel ta stojol li Ch'ul Dios yu'un Israele”, xutic.

Isaías 40:18

¿Boch'o xu' chaco'oltsanic jech chac c'u cha'al li Diose? ¿C'usi sloc'obal ti xu' chaloc'taic ta Diose?

Isaías 40:25

Ja' yu'un li Ch'ul Diose jech chal: “¿Boch'o chaco'oltsanic jech chac c'u cha'al vu'un? ¿Boch'o xico'laj jchi'uc chavilic?”, xi.

Isaías 46:9

Vuleso ta ajolic li c'usitic ic'ot tal ta pasel ta vo'onee. Vu'un no'ox jtuc Diosun; mu'yuc yan dios ti xco'laj jech chac c'u cha'al vu'une.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 6:3

Jech laj yalbe sbaic jujunic: “Ja' Ch'ul Dios, Ja' Ch'ul Dios, Ja' Ch'ul Dios li Muc'ul Dios ti ech'em svu'ele. Nojem ta slequilal scotol li banamile”, xiic.

Jeremías 10:16

Mu jechuc li Dios yu'un Jacobe, yu'un li stuque ja' spasoj scotol li c'usitic oye. Li Israele st'ujoj sventa chu'unin o. Ja' Muc'ul Dios tspas ta mantal scotol te ta vinajel, xi sbi.

Jeremías 49:19

Ta xital jech chac c'u cha'al jcot león chloc' tal ta toyolal te'tic ta uc'um Jordán, ti chbat yo' bu lec sve'el li chijetique. Ta xcac' jatovicuc loq'uel ta anil li edometique, xchi'uc ta xcac' pasaticuc ta mantal yu'un li boch'o t'ujbil cu'un ch-och ta ajvalilale. ¿Me oy boch'o xco'laj jech chac c'u cha'al li vu'une? ¿Me oy boch'o xu' chistsalun? ¿Me oy junuc jchabichij ti xu' yu'un chtal sva'lebinune?

Levítico 19:2

“Jech xavalbe ya'yic scotol li achi'iltac ta israelale: “Tuc'uc me avo'ntonic, yu'un vu'un li Muc'ul Diosun avu'unique tuc' co'nton.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

San Lucas 12:5

Chacalboxuc ava'yic li boch'o tsc'an chaxi'ic yu'une. Ja' xi'anic yu'un li Boch'o xu' yu'un chmilvan, ti oy svu'el sventa chjipvan ochel ta muc'ta c'oq'ue. Melel chacalboxuc tsc'an ja' chaxi'ic yu'un.

Deuteronomio 1:30

Ja' ba'yucbe chbat avu'unic li Muc'ul Dios cu'untique. Ja' stuc ta stsalboxuc batel avajcontraic jech chac c'u cha'al laj avilic la spas ta atojolic te ta Egipto,

Deuteronomio 3:24

‘Cajval, Muc'ul Dios, laj xa avac'bun quil ep avu'el atsatsal, vu'un li avajtunelune. Mu'yuc yan Dios me ta vinajel, o me ta banamil, ti xu' yu'un tspas jech chac c'u cha'al chapas ta avu'el atsatsal li vo'ote.

Deuteronomio 33:26

“Mu'yuc boch'o jech yan Dios jech chac c'u cha'al li Dios yu'un Jesurune. Li stuque cajal chtal ta anil ta ba toc xchi'uc svu'el sventa chtal scoltaot.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.

Apocalipsis 13:4

Xchi'uc la squejan sbaic ta stojol li dragón ta sventa ti ja' laj yac'be tsots svu'el li jti'vanej bolome, xchi'uc la squejan sbaic ta stojol ec li jti'vanej bolome. Jech laj yalic: “Mu'yuc boch'o yan jech tsots svu'el jech chac c'u cha'al li jti'vanej bolome. Mu'yuc boch'o xu' tstsal”, xiic.

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Apocalipsis 4:8

Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.

1 Samuel 2:2

Mu'yuc yan ch'ul Muc'ul Dios jech chac c'u cha'al vo'ot. Dios cu'un, mu'yuc yan jpojubbail jech chac c'u cha'al vo'ot. Mu'yuc boch'o yan jech chac c'u cha'al vo'ot.