Éxodo 15:10 - Bible in Tzotzil de Chenalhó with Deuterocanon

¹⁰ Pero li vo'ote laj ajuch'ta, jech ibic'atic ochel yu'un li nabe; imuctsajic yalel ta muc'ul nab jech chac c'u cha'al ton.

Bible in Tzotzil de Chamula

¹⁰ Ja' no'ox un, laj avuch'ta ti nabe, tey mucul com, co'ol s'elan plomo yalic batel c'alal to snabil ti vo'e.

Éxodo 15:10 Iomraidhean Croise

Génesis 8:1

Li Diose it'ab ta yo'nton ti te tic'ajtic ta barco li Noee xchi'uc li chonbolometique, jech te laj yac' taluc tsots ic' ta banamil, jech lic yaluc li vo'e.

2 Samuel 18:8

Li pleitoe i'epaj batel ta scotol yosilalic. Ja' toj ep ichamic ta scoj li te'etique; ja' mu sta jech yepal ti ichamic ta espadae.

Nehemías 9:11

Laj ach'ac ta o'lol li nabe, jech ta taqui banamil xa ijelovic tal avu'un. Li jnutsvanejetique laj amuc ochel ta chac nab jech chac c'u cha'al ton ti ta chac nab to mucule.

Salmos 135:7

Ja' chac' toyuc muyel li toquetic te oy ta jujujot sti' banamile; ja' chac' bac'uc noxtoc li chauquetic li sacsevuletic sventa chtal vo'e; ja' tsloq'ues tal ta yavil noxtoc li muc'tic iq'ue.

Salmos 147:18

C'alal chal mantale, ch-ul batel; c'alal chac' tal iq'ue, chbein batel li ya'lele.

Éxodo 14:21

Li Moisese la stoy sc'ob ta sba li nabe, jech li Muc'ul Diose laj yac' taluc tsots ic' ta sloq'ueb c'ac'al. Sbejel ac'ubal ven tsots li iq'ue. Jech la svoc' sba ta o'lol li nabe. Taquin icom li banamil ta yut nabe.

Éxodo 15:5

Its'untsajic yalel c'alal ta chac nab jech chac c'u cha'al tonetic; te imucatic o yu'un li natil nabe.

Proverbios 30:4

¿Me oy boch'o ayem tal ta vinajel ti ts'acal iyal tale? ¿Boch'o xu' yu'un tstsac ta sc'ob li iq'ue? ¿Boch'o xu' yu'un chchup ta sc'u' li nabe? ¿Boch'o laj yac'be sti'iltac li banamile? ¿Me xu' chavalbicun c'usi sbi xchi'uc c'usi sjol sbi?

Isaías 11:15

Li Muc'ul Diose ta staquijes o li nab ta nopol Egiptoe; ta stoy sc'ob ta sba li muc'ta uc'um Eufratese; ta sliques jun muc'ta ic' ti toj xi'bal sbae; ta spas ta vucxol yu'un li uc'ume; ja' te chac' jelovicuc batel xchi'uc xonobic li steclumale.

Jeremías 10:13

Ta sc'op no'ox ta xbac' li chauque, jech ta stsob sba li epal vo' ta vinajele; ja' ta xac' muyuc li toquetic oy ta jujujot sti' banamile. Ja' ta xac' noxtoc li sacsevuletic c'alal chac' vo'e. Ja' ta sloq'ues tal noxtoc li iq'uetic ti bu tsobol yu'une.

Jeremías 46:17

“Jech ta x'avanic, jech ta xalbeic sc'oplal li faraone: ‘Li ajvalil ta Egiptoe tsots chc'opoj, pero mu'yuc c'usi xu' yu'un’, xiic.

Amós 4:13

Yu'un li Boch'o la sva'an li vitsetic xchi'uc ti laj yac' li iq'ue, xchi'uc ti chac'be sna' cristianoetic li c'usi snopoj ta sjol ta yo'ntone, ti xu' yu'un ta sc'atajes ta ic' osil li sac osile, ti oy ta sc'ob scotol li c'usitic oy ta banamile, ja' Muc'ul Dios sbi ti tspas ta mantal scotol te ta vinajele.

San Mateo 8:27

Toj labal laj ya'yic li yajchanc'optaque, jech laj yalbe sbaic: —¿Boch'o vinical li'i ti c'alal ta ic', c'alal ta nab ta xch'unbat smantale? —xut sbaic.

Deuteronomio 11:4

Xana'ic noxtoc c'usi la spasbe xchi'uc sca'ic xchi'uc scaretaic sventa pleito li egipto soldadoetique, xana'ic ti laj yac' muquicuc ta vo' te ta Tsajal Nab c'alal la snutsoxuc tal ta anile, laj yules o ta j'ech'el.