Éxodo 14:8 - Bible in Tzotzil de Chenalhó with Deuterocanon

⁸ Li Muc'ul Diose la stsatsubtasbe yo'nton li faraone, jech bat snuts ta anil li israeletic ti c'alal iloq'uesatic batel ta svu'el stsatsal Muc'ul Diose.

Bible in Tzotzil de Chamula

⁸ Jech ti Diose laj yac' pucujibuc yo'nton ti faraone yo' jech ta snuts batel ti israeletique. Ja' no'ox un, ti israeletique, ta smuc'ul stsatsal xa Dios ti jech loq'uic batele.

Éxodo 14:8 Iomraidhean Croise

Salmos 105:43

Xcuxet no'ox yo'nton la sloq'ues tal li steclumale; x'avlajetic no'ox loq'uel tal, yu'un toj xcuxet yo'nton laj ya'yic.

Salmos 86:13

Yu'un toj ep xc'uxul avo'nton ta jtojol, yu'un laj acoltaun loq'uel ta sventa ti jech muc xi'och ta yavil animaetique.

Éxodo 10:27

Pero li Muc'ul Diose la stsatsubtasbe yo'nton li faraone, jech mu'yuc la scolta batel li israeletique.

Éxodo 13:16

Ti jech chich' pasele, ja' svulesubil ta avo'ntonic ec ti ta svu'el stsatsal Muc'ul Dios la sloq'uesuncutic tal ta Egiptoe. Jech xco'laj xchi'uc oy smarcail ta jc'obtic, o me ta jti'batic ya'yel’, uto li anich'nabique”, xut xchi'iltac li Moisese.

Éxodo 13:18

Ja' yu'un xi to bat yac'be spasic tal velta ta sbelal xocol banamil ti xc'ot ta Tsajal Nabe. Li israeletique lec chapal xchi'uc yabtejebic c'alal iloq'uic tal ta Egipto.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 14:17

Li vu'une ta jtsatsubtasbe yo'nton li egiptoetique yu'un ac'o snutsoxuc batel. Jech xu' chcac'be yil jvu'el jtsatsal li faraone, xchi'uc li yajsoldadotaque, xchi'uc li scaretaique, xchi'uc li sca'ique.

Éxodo 14:4

Jech li vu'une ta jtsatsubtasbe yo'nton li faraone yu'un jech ac'o bat snutsoxuc ta be, jech te chcac'be yil xchi'uc yajsoldadotac ti c'u x'elan jtsatsale. Jech scotol egiptoetic chlic sna'ic ti vu'un Muc'ul Diosune”, xut. Li israeletique te la sjoyic batel.

Éxodo 14:7

La st'ujic batel vaquib ciento (600) ta cot caretaetic ti ven lequique xchi'uc scotol scaretaic li egiptoetique. Jujun banquilal soldado icajiic batel ta jujun careta.

Éxodo 15:9

Li jcontrainvaneje jech la snop: ‘Chbat jnuts, ja' to me la jtae. Ta jpuc li c'usi ta jpojbee; ja' cux xi co'nton me ivu' cu'une. Ta jloq'ues li espada cu'une; ta to xac' lec ca'tic li jc'obe’, xi.

Éxodo 4:21

Li Muc'ul Diose jech laj yalbe li Moisese: —C'alal chac'ot ta Egiptoe, xc'ot apas scotol ta stojol faraón li sq'uelubiltac jtsatsal chacac'bot apase. Yu'un li vu'une ta jtsatsubtasbe yo'nton li faraone, jech mu xac' loc'uc batel li achi'iltaque.

Éxodo 6:1

Itac'ov li Muc'ul Diose: —Tana chavil c'usi ta jpas ta stojol li faraone. Yu'un me tsots c'usi ta jpasbee, ja' to jech xu' ch-ac'van loq'uel li' ta slumale. Stuc xa chlic yal ti ac'o loc'anic batele —xi.

Éxodo 9:12

Pero li Muc'ul Diose la stsatsubtasbe yo'nton li faraone yu'un mu me xich'be ta muc' sc'opic li Moisés xchi'uc Aarón jech chac c'u cha'al albil ono'ox yu'un Dios li Moisese.

Lamentaciones 3:65

Pasbo ta tsots yo'ntonic, yu'un jech ac'o c'otuc ta stojolic li c'usi chopole.

Levítico 26:13

Vu'un Muc'ul Diosun avu'unic ti la jloq'uesoxuc tal ta Egiptoe yu'un mu jc'an ti te tiq'uiloxuc o ta mozoil yu'unique. Jech vu'un la jtuch' ya'yel li slasual yabtejeb vacax ti acuchojic ti toj ole. Laj cac' ti jun xa avo'nton tuc' xateltun chaxanovique.

Números 33:3

Li israeletique iloq'uic tal ta Ramsés ta svo'lajunebal c'ac'al yochel li sba u ta sliquebal jabile. Ja' ta yoc'omal no'ox ti c'alal la spasic li q'uin Coltaele. Ta smuc'ul stsatsal Dios iloq'uic tal, xchi'uc ta sat scotol li egiptoetique.

Hechos 13:17

Li Dios cu'untic, vu'utic li israelutique, ja' la st'uj li jmoltot jyame'tic ta vo'onee. C'alal te oyic ta Egipto banamile, laj yac' c'oticuc ta jun muc'ta lum. Ts'acal to iloq'uesatic tal ta stsatsal Dios, yu'un muc ja'uc ono'ox slumalic.

Deuteronomio 26:8

Jech laj aloq'uesuncutic tal ta Egipto ta avu'el ta atsatsal, xchi'uc ta sventa ti toj tsots c'usitic laj avac' c'otuc ta pasele xchi'uc ti toj xi'balic sbae.

Deuteronomio 32:27

Pero mu jc'an ti stse'inic xa li boch'o ch-ilinic cu'une; mu jc'an chlic stoy sbaic ta jtojol li cajcontrataque. Naca me jech chalic: ‘Mu ja'uc Muc'ul Dios la spas jech chac le'e; ja' vu'utic la jpastic ta jvu'eltic’, naca me xiic.

Josué 11:20

Yu'un li Muc'ul Diose la spasbe ta tsots yo'ntonic scotol li yajcontra israeletique yu'un jech ac'o scontrainic li israeletique. Ja' yu'un li israeletique laj yulesic o scotol; mu'yuc abul sba laj yilic, yu'un jech ono'ox albil yu'un Muc'ul Dios li Moisese.

Jueces 4:7

Vu'un ta xquic' tal te ta bevo' Cisón li Sisarae, ja' li banquilal soldado yu'un Jabine. Te ta xtal xchi'uc scareta xchi'uc yajsoldadotac. Pero vu'un ta xcac'bot ta ac'ob’, xayutot li Diose —xut.