Éxodo 14:5 - Bible in Tzotzil de Chenalhó with Deuterocanon

⁵ C'alal laj ya'ay faraón xchi'uc xchi'iltac ta abtel ti iloq'uic xa batel li israeletique, lic yanijuc yo'ntonic ta stojol li israeletique. Jech laj yalbe sbaic: “¿C'u yu'un laj cac'tic loc'uc batel li israeletique yu'un laj xa scomtsanic li cabteltique?”, xut sbaic.

Bible in Tzotzil de Chamula

⁵ Ti yorail taje, ti ajvalil yu'un ti Egiptoe laj yich' albel ya'i ti jatavic xa loq'uel ti israeletique. Ja' yu'un un, ti ajvalile xchi'uc ti yajtuneltaque lic sjelic ti c'usi yalojic ta stojolique, ti xi lic yalbe sbaique: “¿C'u no'ox cha'al laj cac'tic baticuc ti israeletique, ti laj yictabotic comel ti cabteltique?”

Éxodo 14:5 Iomraidhean Croise

Génesis 31:22

C'alal i'ech' xa'ox oxib c'ac'ale, li Labane laj ya'ay ti jatoven xa batel li Jacobe.

Salmos 105:25

Li Diose lic syanijesbe yo'ntonic li egiptoetique, yu'un ac'o yich' contrainbel li steclumale, jech lic yich' uts'intabel li yajtuneltaque.

Éxodo 12:33

Li egiptoetique la sujic israeletic ti ac'o loq'uicuc batel ta anil ta yosilalique, yu'un la snopic ti ta xcham scotolique.

Éxodo 14:4

Jech li vu'une ta jtsatsubtasbe yo'nton li faraone yu'un jech ac'o bat snutsoxuc ta be, jech te chcac'be yil xchi'uc yajsoldadotac ti c'u x'elan jtsatsale. Jech scotol egiptoetic chlic sna'ic ti vu'un Muc'ul Diosune”, xut. Li israeletique te la sjoyic batel.

Éxodo 14:6

Ta ora lic yal mantal ti ac'o xchapanic caretaetic sventa pleitoe, jech laj yic' batel ta ora yajsoldadotac.

Éxodo 15:9

Li jcontrainvaneje jech la snop: ‘Chbat jnuts, ja' to me la jtae. Ta jpuc li c'usi ta jpojbee; ja' cux xi co'nton me ivu' cu'une. Ta jloq'ues li espada cu'une; ta to xac' lec ca'tic li jc'obe’, xi.