Éxodo 14:4 - Bible in Tzotzil de Chenalhó with Deuterocanon

⁴ Jech li vu'une ta jtsatsubtasbe yo'nton li faraone yu'un jech ac'o bat snutsoxuc ta be, jech te chcac'be yil xchi'uc yajsoldadotac ti c'u x'elan jtsatsale. Jech scotol egiptoetic chlic sna'ic ti vu'un Muc'ul Diosune”, xut. Li israeletique te la sjoyic batel.

Bible in Tzotzil de Chamula

⁴ Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Éxodo 14:4 Iomraidhean Croise

Nehemías 9:10

Laj avac' ta ilel muc'tic sq'uelubil atsatsal ta stojol li Faraone xchi'uc li xchi'iltac ta abtele xchi'uc scotol li egiptoetique, yu'un laj avil ti toj abul sbaic ta uts'intael yu'unic li israeletique. Ja' jech laj avac' muq'uibuc batel ac'oplal jech chac c'u cha'al li' ta orae.

Éxodo 10:2

Jech li vo'oxuque xu' chavalbe ya'yic anich'nabic xchi'uc amomnich'nabic c'u x'elan laj cac'be svocolic li egiptoetique xchi'uc c'u x'elan li muc'tic sq'uelubil jtsatsal la jpas ta stojolique. Yu'un jech ac'o sna'ic ti ta melel vu'un Muc'ul Diosune —xut.

Éxodo 10:27

Pero li Muc'ul Diose la stsatsubtasbe yo'nton li faraone, jech mu'yuc la scolta batel li israeletique.

Éxodo 12:28

Scotol li israeletique ibatic, la spasic jech chac c'u cha'al i'albatic yu'un Muc'ul Dios li Moisés xchi'uc Aarone.

Éxodo 14:23

Scotol li egiptoetique i'ochic tal ta yut nab xchi'uc li ca'etic li caretaetic yu'un faraone. Te nabalic tal ta spat li israeletique; la snutsic tal c'alal ta o'lol nab.

Éxodo 14:25

Xchi'uc laj yac' noxtoc ti mu xa xjoyibaj lec yacan li scaretaique, jech solel mu xa xanov lec yu'unic. Ja' yu'un li egiptoetique jech laj yalic: —Jatovcutic loq'uel ta stojol li israeletique. Yu'un li Muc'ul Diose ja' ta scolta ta pleito li israeletic sventa chiscontrainutic li vu'utique —xiic.

Éxodo 14:3

Yu'un jech ac'o snop li faraone: ‘Li israeletique mu sna' bu chbatic. Te chch'ayic ta be ta xocol banamil’, ac'o xiuc.

Éxodo 14:5

C'alal laj ya'ay faraón xchi'uc xchi'iltac ta abtel ti iloq'uic xa batel li israeletique, lic yanijuc yo'ntonic ta stojol li israeletique. Jech laj yalbe sbaic: “¿C'u yu'un laj cac'tic loc'uc batel li israeletique yu'un laj xa scomtsanic li cabteltique?”, xut sbaic.

Éxodo 14:8

Li Muc'ul Diose la stsatsubtasbe yo'nton li faraone, jech bat snuts ta anil li israeletic ti c'alal iloq'uesatic batel ta svu'el stsatsal Muc'ul Diose.

Éxodo 18:11

Li' ta orae ta jna' ti ja' no'ox stuc ech'em smuc'ul li Muc'ul Diose ti mu xco'laj xchi'uc li yantic diosetique. Yu'un la scoltaoxuc vo'oxuc ti mu'yuc atuic la'ilatique —xi.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Éxodo 7:17

Ja' yu'un li Muc'ul Diose jech laj yal: Li' tanae chavil ti vu'un Diosune. C'alal ta jmaj ta jnamte' li uc'ume, li vo'e ta xc'ataj ta ch'ich'.

Éxodo 7:3

Pero vu'un ta jtsatsubtasbe yo'nton li faraone, jech ta xlic jpas ep senyailtac sq'uelubiltac te ta Egipto ti toj ch'ayel chc'ot yo'ntonic yu'une.

Éxodo 7:5

C'alal me laj xa cac' ta ilel jvu'el te ta Egiptoe, xchi'uc me loq'uemic xa batel cu'un li israeletique, li egiptoetique jech chlic sna'ic ti vu'un Muc'ul Diosun ta melele —x'utat li Moisese.

Éxodo 9:16

Pero li' to cuxulot cu'un, yu'un jech chcac'bot avil c'u x'elan li jvu'ele, yu'un jech ac'o vinajuc batel jbi ta scotol banamil.

Ezequiel 20:9

Pero ja' la jpas li c'usi sventa chi'ich'at ta muq'ue, yu'un jech mu me soc batel jc'oplal ta yantic banamil ti bu nacalique, yu'un ya'yojic scotolic ti caloj ta jloq'uesic tal ta Egiptoe.

Ezequiel 28:22

jech xavalbe: ‘Jech chal li Muc'ul Diose, ja' li Cajvaltique: Sidón, a'yo ava'ay, vu'un chajcontrainot. Vo'ot ta aventa chlic ich'atcun ta muc'. C'alal ta jchapan c'u x'elan chacom ta sventa li amule, jech chlic sna'ic o ti vu'un Muc'ul Diosune, jech chvinaj ti vu'un Ch'ul Diosune.

Ezequiel 32:15

C'alal chlic jyavnaijes li Egiptoe, xocol chcom o cu'un jech chac c'u cha'al xocol banamil. Ta jmilbe scotol li yajvale, jech tsna'ic o ti vu'un Muc'ul Diosune’, uto.

Ezequiel 38:16

Ja' chtal acontrainic li jteclum cu'une, ja' li smomnich'nabtac Israele. Ic'uben banamil chc'ot avu'unic jech chac c'u cha'al lumaltoc. Ja' slajebtic xa batel c'ac'al ti chaquic'ot batel ta scontrainel li banamil cu'une, yu'un jech vo'ot ta aventa tsna'ic yantic banamil c'alal chcac' ta ilel ti vu'un Ch'ul Diosune.

Ezequiel 38:23

Jech chcac'be yilic c'u x'elan jmuc'ul, c'u x'elan jlequil jtuq'uil li epal cristianoetic ta yantic banamile. Jech tsna'ic o ti vu'un Muc'ul Diosune”, xi li Diose.

Ezequiel 39:13

Scotol jteclum ta xlic muclumajicuc. Ja' jna'ubil chc'ot ta sventaic, yu'un chilic jlequilal cutsilal, vu'un li Muc'ul Diosune.

Levítico 10:3

Li Moisese jech laj yalbe li Aarone: —Le'e ja' jech smelol ti c'alal jech laj yal li Muc'ul Diose: ‘Li boch'otic ta xnopaj tal ta jtojole ta xcac' ta ilel ti tuc' co'ntone. Scotol israeletic ta xcac'be yilic ti tsc'an chiyich'icun ta muq'ue’, xi li Muc'ul Diose —xut Aarón li Moisese. Li Aarone mu'yuc c'usi laj yal.

Romanos 11:8

Yu'un jech ono'ox ts'ibabil sc'oplalic ta sc'op Dios: “Li Diose la xch'aybe yo'ntonic. Ac'o me oy satic mu xilic; ac'o me oy xchiquinic mu xa'yic. Ja' jechic o c'alal to tana”, xi ts'ibabil.

Romanos 9:17

Yu'un jech ts'ibabil ta sc'op Dios ti jech i'albat li Faraone: “La jtic'ot ta ajvalilal sventa ac'o avil c'u x'elan li jvu'ele, yu'un jech ac'o vinajuc batel jbi ta sbejel banamil”, x'utat.

Romanos 9:18

Ja' yu'un lec chvinaj ti xu' chc'uxubin boch'o tsc'an chc'uxubin li Diose; xu' tstsatsubtasbe yo'nton li boch'o tsc'an tstsatsubtasbe yo'ntone.

Josué 11:20

Yu'un li Muc'ul Diose la spasbe ta tsots yo'ntonic scotol li yajcontra israeletique yu'un jech ac'o scontrainic li israeletique. Ja' yu'un li israeletique laj yulesic o scotol; mu'yuc abul sba laj yilic, yu'un jech ono'ox albil yu'un Muc'ul Dios li Moisese.

Jueces 4:7

Vu'un ta xquic' tal te ta bevo' Cisón li Sisarae, ja' li banquilal soldado yu'un Jabine. Te ta xtal xchi'uc scareta xchi'uc yajsoldadotac. Pero vu'un ta xcac'bot ta ac'ob’, xayutot li Diose —xut.