Éxodo 14:25 - Bible in Tzotzil de Chenalhó with Deuterocanon25 Xchi'uc laj yac' noxtoc ti mu xa xjoyibaj lec yacan li scaretaique, jech solel mu xa xanov lec yu'unic. Ja' yu'un li egiptoetique jech laj yalic: —Jatovcutic loq'uel ta stojol li israeletique. Yu'un li Muc'ul Diose ja' ta scolta ta pleito li israeletic sventa chiscontrainutic li vu'utique —xiic. Faic an caibideilBible in Tzotzil de Chamula25 Soquesbat scarosal ti carretaetic yu'unique. Mu xa xu' xanavic lec. Ja' yu'un un, ti egipcioetique xi laj yalbe sbaique: —Jatavcutic, quictatic comel ti israeletique. Yu'un ja' ta xistsacotic ta leto stuc ti Diose. Ta spoj ti israeletique. Faic an caibideil |
C'alal laj quil ti chi'ique, la jva'an jba, jech laj calbeic li banquilaletic, li jpasmantaletic, xchi'uc scotol li jchi'iltactique: “Mu xaxi'ic. Na'ic me ti ech'em smuc'ul, ti ech'em xi'elal li Diose. Cac'tic persa scoltael li cuts' calaltique, li cajnil jnich'nabtique, xchi'uc li jnatique”, xcutic.
Li Muc'ul Diose jech laj yalbun chac li'i: “Jech chac c'u cha'al león xchi'uc yalab ti xlaquet no'ox c'alal me smilojic jcot chije, ac'o me tstsob sbaic li jchabichijetique, ac'o me x'avlajetic no'ox tsibtasic batel yalojic, pero mu xi' yu'unic. Ja' jech li Muc'ul Dios ti ech'em stsatsale, chyal tal, chtal scolta ta pleito li yu'untac te ta vits Sione.
Li Muc'ul Diose laj quil te va'al ta sts'el scajleb matanal, jech laj yalbun: “Bat lilino ta voq'uel li xlechlechil sjol oye; ac'o nicuc c'alal ta snacleb, ac'o lilijuc yalel ta sjolic li achi'iltaque. Li boch'otic cuxul to chcomique ta jmilic ta espada. Me junuc mu'yuc boch'o ta xcol; mu'yuc boch'o ta xjatov.