Éxodo 14:21 - Bible in Tzotzil de Chenalhó with Deuterocanon

²¹ Li Moisese la stoy sc'ob ta sba li nabe, jech li Muc'ul Diose laj yac' taluc tsots ic' ta sloq'ueb c'ac'al. Sbejel ac'ubal ven tsots li iq'ue. Jech la svoc' sba ta o'lol li nabe. Taquin icom li banamil ta yut nabe.

Bible in Tzotzil de Chamula

²¹ Jech ti Moisese laj xlich' batel sc'ob ta sba ti nabe. Jech ti Diose laj yac' taluc tsots ic' ti xjumet sjunul ac'ubal ti lic talel ta sloq'ueb c'ac'ale. Jech ti nabe laj spas sba ta cha'ch'ac. Ja' yu'un un, ti Diose joybij yu'un ta taquin banomil ti nabe.

Éxodo 14:21 Iomraidhean Croise

Génesis 8:1

Li Diose it'ab ta yo'nton ti te tic'ajtic ta barco li Noee xchi'uc li chonbolometique, jech te laj yac' taluc tsots ic' ta banamil, jech lic yaluc li vo'e.

2 Reyes 2:8

Li Eliase la sloc' li sc'u'e; la sbal lec. Ja' la smaj o li uc'ume, jech la svoc' sba o. Ja' te ijelovic batel xchibalic ti bu taquin icome.

Nehemías 9:11

Laj ach'ac ta o'lol li nabe, jech ta taqui banamil xa ijelovic tal avu'un. Li jnutsvanejetique laj amuc ochel ta chac nab jech chac c'u cha'al ton ti ta chac nab to mucule.

Job 26:12

Ta svu'el tspas ta mantal li nabe; ta sbijil la stsal li smuc'ta chanul nabe.,

Job 38:24

¿Bu sbeic li saquil osil c'alal tspuc sbaic batel ta banamile? ¿C'u x'elan tspuc sbaic ta sba banamil li ic' chtal ta sloq'ueb c'ac'ale?

Salmos 136:13

Ja' la svoc' ta o'lol noxtoc li Tsajal Nabe, yu'un sbatel osil mu xlaj o li c'uxubinel yu'une.

Salmos 148:8

vo'oxuc c'oq'uetic ta vinajel, botetic, tayoetic, job osiletic, xchi'uc vo'oxuc muc'tiquil iq'uetic, chauquil vo'etic ti chapasbeic c'usi tsc'an li Muc'ul Diose.

Salmos 66:6

La sc'atajes ta taqui banamil li muc'ta nabe; c'alal italic ta vo'onee, ta yacan ijelovic tal ta uc'um. Cuxetuc no'ox co'ntontic ta stojol li Diose.

Salmos 74:13

Ta atsatsal laj avoc' li muc'ta nabe; laj avoc'be sjolic li smuc'tiquil chanul nabe.

Salmos 78:13

La svoc' li nabe, te laj yac' jelovicuc tal; la spajes ta jujujot li vo'e, jech la stselan sba muyel.

Éxodo 14:16

Li vo'ote toyo li anamte'e, becho ac'ob ta sba li nabe, voc'o ta cha'voc'. Ja' te ac'o jelovicuc batel achi'iltac ta o'lol nab ti bu taquin chcome.

Éxodo 14:20

Li toque te laj yac' sba ta o'lol yu'un li egiptoetic xchi'uc li israeletique. Li yeloval toc ta stojol egiptoetique ic' ta jyalel. Yan te ta stojol israeletique lec yac'oj xojobal. Ja' yu'un li egiptoetique mu'yuc c'usi laj yut tal staic li israeletique, yu'un sbejel ac'ubal toj ic' li osile.

Éxodo 15:8

Laj ajuch'ta ta yic'al ave li vo'e jech la stsob sba; li yip nabe la sva'an sba muyel jech chac c'u cha'al ton. Li o'lol ya'lel natil nabe la spat sba.

Éxodo 7:19

Li Muc'ul Diose jech laj yalbe noxtoc li Moisese: —Albo Aarón ti ac'o stsac li snamte'e. Ac'o stoy sc'ob ta sba uc'umetic, ta bevo'etic, xchi'uc bu ts'anajtic bic'tal nabetic, xchi'uc ta buyuc no'ox ts'anajtic vo' te ta Egipto banamil, xchi'uc ta scotol li yav ya'alique, yu'un jech ac'o c'atajuc ta ch'ich' scotol. Jech puru ch'ich' xa te ts'anajtic tstaic ta yavil ya'alic ti pasbil ta te', o me ta tone —x'utat li Moisese.

Isaías 23:11

Li Muc'ul Diose la stoy sc'ob ta sba li nabe; la sniques li jujun banamile; laj yal mantal ti ac'o yich' vuq'uesel li tsatsal coralton yu'un Canaane.

Isaías 43:16

Li Muc'ul Diose la sjam jelovel be ta o'lol nab; la xch'ac jelovel be ti bu toj tsots yipe.

Isaías 44:27

Vu'un jech ta xcalbe li muc'tic nabe: ‘Ta xcac' taquijanic, ta xcules li ava'lelique’, chcut.

Isaías 50:2

¿C'u yu'un ti mu junuc boch'o la jta ti c'alal litale? ¿C'u yu'un ti mu'yuc boch'o itac'ov ti c'alal li'ic'vane? ¿Me yu'un chanopic ti mu xu' cu'un chajcoltaoxuque? ¿Me yu'un chanopic ti mu xu' cu'un chajpojoxuc sutel tale? Li vu'une ta jbel no'ox jc'op xu' ta jtaquijes li nabe; xu' ta jc'atajes ta taqui banamil li uc'umetique. Jech te chc'a'ic o li choyetique; te chchamic o ta taqui-o'nal ta scoj ti mu'yuc ya'lele.

Isaías 51:10

Vo'ot ono'ox laj ataquijes li nabe; vo'ot laj avules li natil nabe; vo'ot laj ajam lec be ta o'lol li natil nabe, yu'un jech ijelovic tal li boch'otic laj apoj tale.

Isaías 51:15

“Vu'un Muc'ul Diosun avu'un; Muc'ul Dios ech'em stsatsal, xi li jbie. Vu'un la jyuc' li nabe; laj cac' vo'etuc li yip ti xyuc'lajet no'oxe.

Isaías 63:12

xchi'uc ti ta svu'el stsatsal la xchi'in ta yalel muyele, ti la svoc' li muc'ta nab ta stojol steclumal, yu'un jech ac'o yich' albel slequilal sbatel osile.

Isaías 63:13

¿Bu oy li boch'o laj yac' jelovicuc tal ta o'lol natil nab li steclumale, ti muc xac' jaxbujuc yacanic jech chac c'u cha'al ca' ti mu xjaxbuj yacan c'alal lec taquin banamile?

Habacuc 3:8

Muc'ul Dios, ¿me la'ilin ta stojol li uc'umetique? ¿Me ilic sc'ac'al avo'nton yu'un li nabetic yo' ti lacaji ta ca'etic xchi'uc ta caretaetic avu'un sventa pasc'ope?

Hechos 7:36

Ja' la sloq'ues tal ta Egipto li jmoltotactic ta vo'onee. La spas ep sq'uelubil stsatsal Dios te ta Egipto banamil xchi'uc ta Tsajal Nab xchi'uc ta xocol banamil cha'vinic (40) jabil.

Josué 2:10

Yu'un ca'yojcutic ti Muc'ul Dios la staquijesboxuc li Tsajal Nab c'alal laloq'uic tal ta Egipto banamil yu'un lajelovic tal li'i. Xchi'uc ca'yojcutic noxtoc ti laj avulesic o ta j'ech'el li chib ta lum cristianoetique xchi'uc li chib ajvalil yu'unic te oyic ta jot uc'um Jordane, ja' li Sehón xchi'uc Oge; ja' li ajvaliletic yu'un amorretique.

Josué 3:17

Scotolic lec taquin laj ya'yic li uc'um Jordán c'alal ijelovique. Li paleetic ti yich'ojic jelovel li xcaxail smantal Muc'ul Diose te iva'iic ta o'lol uc'um scotolic, pero lec taquin li banamil bu va'alique.

Josué 4:23

Albeic c'u x'elan la staquijes Muc'ul Dios cu'untic li uc'um c'alal ja'o lijelovutic tale. Albeic ti co'ol jech la spas jech chac c'u cha'al la staquijes Tsajal Nab ti c'alal lijelovcutic tale.