Éxodo 14:13 - Bible in Tzotzil de Chenalhó with Deuterocanon

¹³ Itac'ov li Moisese: —Mu xaxi'ic. Junuc avo'ntonic. Tana li'i chavilic c'u x'elan chascoltaoxuc li Muc'ul Diose. Li egiptoetic ti chavilic le' xa xtalique, mu'yuc xa bu chavilic o yan velta.

Bible in Tzotzil de Chamula

¹³ Ti Moisese xi laj staq'ue: —Mu xaxi'ic. Tsots xavac' abaic. Q'uelic c'u s'elan ta stic' sba ta apojelic ti Dios avie. Yu'un ti egipcioetic ti ta xavilique, mi ja'uc xa ti ta to xtal avilbeic sat yelov yan veltae.

Éxodo 14:13 Iomraidhean Croise

Génesis 15:1

Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 46:3

Jech i'albat yu'un li Diose: —Vu'un Diosun, ja' li Dios yu'un atote. Mu me xaxi' ti chabat ta Egiptoe yu'un te chc'ot jboles ep amomnich'nab. Jun muc'ta lum ta xbat cu'un.

Génesis 49:18

“Muc'ul Dios, li' ta jmala ti ac'o acoltaune.

2 Reyes 6:16

Itac'ov li Eliseoe: —Mu xaxi', yu'un ja' epic li boch'otic li' jchi'uctique; ja' mu'yuc ep xchi'iltaquic li stuquique —xi.

1 Crónicas 11:14

Ja' te la sva'an sbaic lec li svinictac Davide; la spoj sbaic, jech tsalbil ic'ot yu'unic li filistaetique yu'un icoltaatic yu'un li Muc'ul Diose.

2 Crónicas 20:15

jech laj yal: “A'yo ava'yic judaetic, xchi'uc vo'oxuc ti yajvaloxuc Jerusalene, xchi'uc vo'ot, ajvalil Josafat. Li Muc'ul Diose jech chijyalbutic: ‘Mu me xaxi'ic yu'un li epal soldadoetic le'e, yu'un muc vo'coxuc chapasic li pleitoe; ja' vu'un ta jpas jtuc.

2 Crónicas 20:17

Mu persauc chapasic pleito li vo'oxuque; te no'ox va'ano abaic, ch'anchanic. Q'uelavilic c'u x'elan chajcoltaoxuc, vu'un li Muc'ul Diosune. Yajvaltac Judá xchi'uc Jerusalén, mu me xaxi'ic; mu me xchibaj avo'ntonic. Loc'anic batel oc'om, bat ac'beic; te chajchi'inoxuc’, xijyututic li Muc'ul Diose”, xi li Jahaziele.

Nehemías 9:9

Laj avil ti toj ep svocolic te ta Egipto li jmoltot jyame'cutic ta vo'one, xchi'uc laj ava'ibe li yoq'uel yavanelic c'alal te oyic ta Tsajal Nabe.

Salmos 3:8

Muc'ul Dios, vo'ot no'ox xu' chacoltavan. Ac'bo bendición li jteclum avu'une.

Salmos 68:21

Li Diose ta xvoch'be sjol li yajcontrae, ja' sjol li boch'otic te tspasic o c'usitic chopole.

Salmos 78:53

Lec la xchabi tal, jech mu'yuc xi'el laj ya'yic; yan li yajcontraique te imuc ta nab scotol.

Salmos 91:8

Ja' no'ox chavil lec ta asat atuc c'usi chc'ot ta pasel; chavil chich' stojolic li boch'otic chopolique.

Éxodo 14:30

Li Muc'ul Diose ja' jech ora la scolta loq'uel ta sc'ob egiptoetic li israeletique. Li israeletique laj yilic ti te xcajtecajte ta ti'ti' nab li egiptoetique, puru animaetic xa.

Éxodo 20:20

Itac'ov li Moisese: —Mu xaxi'ic. Ja' no'ox sventa tal sq'uelboxuc avo'ntonic li Diose xchi'uc c'u cha'al mu xch'ay ta avo'ntonic yich'el ta muc', jech mu xasa' amulic ta stojol —xi.

Isaías 26:3

Muc'ul Dios, vo'ot ta aventa lec jun yo'nton cha'yic li boch'otic ja' no'ox laj yac' yo'ntonic ta atojole, yu'un ja' no'ox chch'unic ti vo'ot chacoltaique.

Isaías 30:15

Li Cajvaltique, ja' li Ch'ul Dios yu'un Israele, jech chal: “Sutanic tal, paso ta jun avo'ntonic, jech chacolic; me jun avo'ntonic, me ja' chapat avo'ntonic ta jtojole, ja' atsatsalic chc'ot”, xayutoxuc. Pero muc xach'unic.

Isaías 35:4

Jech xavalbeic li boch'o ep xi'el cha'yique: “Tsatsubtaso avo'ntonic, mu xaxi'ic; q'uelavil li Dios cu'untique ta xtal scoltaoxuc, ta xtal xchi'uc spacol, xchi'uc stojol li avajcontraique”, utic.

Isaías 43:11

Vu'un no'ox jtuc Diosun, mu'yuc boch'o yan chcoltavan jech chac c'u cha'al vu'un”, xi.

Isaías 7:4

Jech xavalbe: ‘Q'uelo me aba, cuxuluc lec avo'nton; mu me xaxi'. Mu me xlo'ilaj avo'nton yu'un li chib xupet c'oc' ti xtomet loq'uel xch'ayilalique, ja' li Rezín xchi'uc li siria soldadoetic yu'une, xchi'uc li xnich'on Remalías ti tsanem sc'ac'al yo'ntonique.

Jeremías 3:23

Ta melel altic no'ox ti chibatcutic ta vitsetique, ti te xi'avetcutic ta stselejtique. Ta melel vo'ot li Muc'ul Diosot cu'uncutique; vo'ot no'ox te oy ta atojol li coltael ta sventa israeletique.

Lamentaciones 3:26

Ja' lec ti ac'o no'ox jmala ca'itic chiscoltautic stuc li Muc'ul Diose.

Oseas 1:7

Yan li smomnich'nabtac Judae ja' c'ux ta co'nton. Vu'un jtuc ta jcolta, vu'un li Muc'ul Diosun yu'unique. Pero muc ta flechauc, muc ta espadauc, muc ta ca'eticuc sventa pasc'op, muc ta soldadoeticuc cajajtic ta ca' ta jcoltaic”, xi.

Oseas 13:4

Li Muc'ul Diose jech chal: “Vu'un Muc'ul Diosun avu'unic ti c'alal lic jloq'uesoxuc tal ta Egiptoe. Mu'yuc yan dios avu'unic jech chac c'u cha'al vu'un; vu'un no'ox jtuc jcoltavanejun avu'unic.

Oseas 13:9

Ta xculesot, Israel, yu'un chacontrainun vu'un li Jcoltavanejun avu'une.

Habacuc 3:13

Ja' loq'uemot tal sventa tal acolta li ateclumale, xchi'uc tal acolta li ajvalil at'ujoje. Laj alilinbe sjol li banquilale; laj alilinbe c'alal ta yacan.

Habacuc 3:8

Muc'ul Dios, ¿me la'ilin ta stojol li uc'umetique? ¿Me ilic sc'ac'al avo'nton yu'un li nabetic yo' ti lacaji ta ca'etic xchi'uc ta caretaetic avu'un sventa pasc'ope?

Números 14:9

Pero ja' tsc'an ti mu xatoy abaic ta stojol li Muc'ul Diose, xchi'uc tsc'an ti mu xaxi'ic yu'un li cristianoetic te nacajtique. Ja' no'ox jech xu' ta jlajestic jech chac c'u cha'al ta jlajestic pane. Li stuquique mu'yuc boch'o xu' chcoltaatic. Yan li vu'utique li' oy ta jtojoltic li Muc'ul Diose. Ja' lec mu xaxi'ic —xiic.

San Mateo 28:5

Li j'almantale jech laj yalbe li antsetique: —Li vo'oxuque mu xaxi'ic. Ta jna' ti ja' chasa'ic li Jesús ti imilat ta cruze.

Deuteronomio 20:3

Jech ac'o yalbe: ‘A'yo ava'yic, israeletic. Li' ta orae ta xa xlic acontrainic li cajcontratique. Mu me xchibaj avo'ntonic; mu me xaxi'ic; mu me xaniquic ta scoj xi'el.

1 Samuel 11:13

Pero li Saule jech laj yal: —Tana mu'yuc boch'o xu' chcham junuc, yu'un li' ta orae laj xa scoltautic li Muc'ul Diose —xi.

1 Samuel 12:16

“Malaic me, chavilic muc' senyail chlic spas ta atojolic li Muc'ul Diose.