Éxodo 14:12 - Bible in Tzotzil de Chenalhó with Deuterocanon

¹² Jech ono'ox laj calbotcutic te ta Egipto: ‘Comtsanuncutic li'i; li' chi'abtejcutic yu'un li egiptoetique’, xichicutic ono'ox. Ja' lec ti teuc chismozoinuncutic li egiptoetique; ja' toj chopol ti li' chichamcutic ta xocol banamile —xutic li Moisese.

Bible in Tzotzil de Chamula

¹² Ti jech ta xcalcutic taje, yu'un xichi ono'ox laj calcutic ava'i ta Egipto: “Ch'an utuncutic, ac'o abtejcuncutic ta stojol ti egipcioetique. Ja' xloc' venta ti jech mosovinbiluncutique, ja' toj altic ti xbat chamcuncutic ta sbajtical banomile.”

Éxodo 14:12 Iomraidhean Croise

Salmos 106:7

Li jmoltot jyame'cutic te ta Egiptoe mu'yuc tsots sc'oplal ta yo'ntonic li sq'uelubiltac atsatsal laj apase. Ich'ay ta yo'ntonic ti toj ep c'uxubinel avu'une; la stoy sbaic ta atojol te ta ti' Tsajal Nab.

Éxodo 13:17

C'alal la scolta loq'uel israeletic li faraone, li Diose muc teuc laj yic' batel ta tuq'uil be ti xjelov ta yosilal filistaetique. Yu'un la snop me chchibaj yo'nton li israeletic c'alal oy pleito ta orae, jech xu' tsutic batel ta Egipto.

Éxodo 3:9

A'yo ava'ay, li vu'une c'otem xa ta jtojol c'u x'elan xvocoletic ta sventa svocolic li israeletique, xchi'uc quiloj noxtoc c'u x'elan li uts'intael ch-ac'batic yu'un li egipto cristianoetique.

Éxodo 5:21

Jech laj yalbeic: —Yiloj stuc Muc'ul Dios ti c'u x'elan laj apasique. Ac'o xchapanoxuc stuc. Yu'un vo'oxuc ta amulic ti chopol xa chiyiluncutic li faraón xchi'uc xchi'iltac ta abtele. Vo'oxuc ay avac'beic ta sc'ob espada ya'yel ti c'u cha'al xu' chismiluncutic oe —xutic.

Éxodo 6:9

Ja' yu'un li Moisese bat yalbe ya'yic yan velta li xchi'iltaque, pero muc xa xich'ic ta muc', yu'un chibajem yo'ntonic ta scoj ti toj tsots mozoinbilique.

Oseas 4:17

Li Efraine laj xa yac' sba o ta stojol li sloc'obaltac sdiosique. ¡Jechuc! Ac'o spas c'usi tsc'an yo'nton stuc.

Jonás 4:3

Ja' yu'un, Muc'ul Dios, ta jc'anbot vocol ti ac'o amilun ta orae, yu'un ja' lec chca'ay ti chichame; mu xa jc'an ti li' to cuxulune —xut.

Jonás 4:8

C'alal iloc' c'ac'ale, la stac tal tsots q'uixin ic' li Diose. Jech bats'i c'ux c'ac'al laj ya'ay li Jonase. Ic'ac' ta jyalel li sjole, jech ta xa x'alub laj ya'ay. Jech la snop ti ja' lec ac'o chamuc oe, jech laj yal: —Ja' lec ac'o xa chamcun; mu xa xnel chca'ay ti li' to cuxulune —xi.

Marcos 1:24

—Jesús, vo'ot ti liquemot tal ta Nazarete, ¿c'u yu'un ti tal atic' aba ta jtojolcutique? ¿Me yu'un tal avulesuncutic? ¡Jna'oj ti vo'ot Xch'ul Nich'onot Diose! —xut.

Marcos 5:7

Tsots i'avan, jech laj yal: —Jesús, Xnich'on Dios ta vinajel, ¿c'usi tal aq'uelbun? Chacalbot ta stojol Dios ti mu me xavac'bun jvocole —xut.