Éxodo 13:9 - Bible in Tzotzil de Chenalhó with Deuterocanon

⁹ Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Bible in Tzotzil de Chamula

⁹ Ti jech bejel ta o'ntonal avu'unic taje, co'ol s'elan avich'ojic marca ta ac'obic, mi ta ati'baic. Ti jech taje, ja' svulesobil ta ajolic ti tsots sc'oplal ta xalo'iltabe abaic ti oy c'usi tsots albil yu'un ti Diose. Yu'un ta smuc'ul stsatsal, laj sloq'uesuncutic talel ta Egipto.

Éxodo 13:9 Iomraidhean Croise

Nehemías 1:10

“Le'e ja' li anich'nabtaque, ja' li ateclumal ti laj apoj loq'uel tal ta amuc'ul atsatsale.

Salmos 136:11

Ja' la sloq'ues tal ta stojol egiptoetic li israeletique, yu'un sbatel osil mu xlaj o li c'uxubinel yu'une.

Salmos 136:12

Ta svu'el, ta stsatsal la sloq'ues tal, yu'un sbatel osil mu xlaj o li c'uxubinel yu'une.

Salmos 89:13

Li ste'el ac'obe toj ech'em svu'el; li abats'ic'obe toj tsots, xchi'uc ja' jtsalvanej.

Éxodo 12:14

Li jun c'ac'al le'e ja' tsc'an ti mu xch'ay ta avo'ntonique. Tsc'an chapasilanic jun muc'ta q'uin sventa chavich'icun ta muc'; vu'un li Muc'ul Diosune. Ja' jun mantal chcom o ta atojolic c'alal to ta jayc'ol avalab anich'nabic.

Éxodo 12:41

Li c'usi mero sc'ac'alil its'aqui li chanib ciento xchi'uc lajuneb xcha'vinic (430) jabile, ja'o iloq'uic tal ta Egipto scotol li jaychop yu'untac Muc'ul Diose.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 13:16

Ti jech chich' pasele, ja' svulesubil ta avo'ntonic ec ti ta svu'el stsatsal Muc'ul Dios la sloq'uesuncutic tal ta Egiptoe. Jech xco'laj xchi'uc oy smarcail ta jc'obtic, o me ta jti'batic ya'yel’, uto li anich'nabique”, xut xchi'iltac li Moisese.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 3:20

Ja' yu'un vu'un ta xcac' ta ilel jvu'el jtsatsal. Li Egiptoetique ta xcac'be stojic ta sventa li sq'uelubiltac jtsatsal ta jpas ta stojolique: ja' to jech chayac'oxuc loq'uel tal li faraone.

Éxodo 7:4

Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Proverbios 1:9

Yu'un ja' scoronail ajol chc'ot ti lec c'upil sbae, xchi'uc ja' anats' chc'ot.

Proverbios 3:21

Jnich'on, mu me xch'ay ta avo'nton li c'usitic lec laj calbote; ch'uno me li mantal xchi'uc taq'uiele.

Proverbios 7:23

Mu sna' me lec chpajbat ochel flecha ta yo'nton jech chac c'u cha'al jcot mut ti chbat stic' sba ta yoquil ta ora no'oxe; mu sna' me te xa chcham o.

Cantares 8:6

Te me comcun o ta avo'nton; te me oyuc o jsenyail ta ac'ob chava'ay. Mu stac' pajesel chca'ay ti chajc'anote jech chac c'u cha'al mu stac' pajesel me sta yorail chijchame. Yu'un jc'anojot o ta jyalel, mu stac' jsutes co'nton jech chac c'u cha'al muquinal ti mu xa xisutesutic tale; ja' jech stsatsal chca'ay jech chac c'u cha'al tsanal ac'al ti mu xtube.

Isaías 27:1

Li Muc'ul Diose ja'o yorail chac'be svocol li Leviatane,, ja' li chon ti xquilet chanov ta anile, ti xotoj sba ta banamile. Ja' ta smil o ta yespada ti toj xi'bal sbae, ti toj muq'ue, xchi'uc ti toj tsotse. Ta smil noxtoc li dragón te oy ta nabe.

Isaías 40:10

A'yo ava'yic, li Muc'ul Diose ta xtal xchi'uc svu'el, ta svu'el chlic sventain scotol. Q'uelavilic, ta xtal xchi'uc tojolil; ta xtal xchi'uc matanal.

Isaías 44:5

Oy jun yu'unic jech chlic yal: ‘Vu'un yu'unun li Muc'ul Diose’, xi. Oy yan jech chal: ‘Vu'un sts'unubalun li Jacobe’, xi. Oy yan jech tsts'iba ta sc'ob: ‘Yu'unun Muc'ul Dios’, xi. Jech noxtoc chlic sbiinbe sbi li Israele”, xi li Muc'ul Diose.

Isaías 49:16

Q'uelavil, li' loc'tabilot o ta yut jc'ob; li' oy o ta co'nton li coraltonetic avu'une.

Isaías 51:9

Muc'ul Dios, julovan me, lican me achi'uc li atsatsal avu'ele; paso jech chac c'u cha'al laj apas ta vo'onee. Yu'un vo'ot ono'ox laj alilin li Rahabe; vo'ot ono'ox laj amil li dragón ta vo'onee.

Isaías 59:21

Li Muc'ul Diose jech chal noxtoc: “Oy jun c'usi ta jchapan ta atojolic, jech chcalboxuc ta jamal: j'ech'el te chcom o ta atojolic sbatel osil li jtsatsal xchi'uc li chanubtasel cu'une. J'ech'el te chcom o ta stojol anich'nabic xchi'uc amomnich'nabic”, xi.

Jeremías 22:24

Li Muc'ul Diose jech chalbe li Jeconías xnich'on Joacim, ajvalil ta Judae: “Vu'un ti cuxulune, ac'o me ja' jechot jech chac c'u cha'al yixtolal jbats'ic'ob ti ja' sventa jselloe, pero ta jipot loq'uel.

Daniel 9:15

‘Li vo'ote Cajval, Dios cu'un, laj avac' ta ilel atsatsal; laj aloq'ues tal ta Egipto li ateclumale. Ja' yorail te lic avac' pucuc ac'oplal; ja' jech o c'alal to tana. Pero li vu'uncutique ja' no'ox ta jsa' jmulcutic ta atojol; bats'i chopol li c'usi la jpascutique.

Joel 2:11

Li Muc'ul Diose tsots chalbe mantal li soldadoetic yu'une. Toj ep ta jyalel li soldadoetic yu'une; toj tsotsic ta jyalel li boch'otic ta xch'unbat smantal yu'une. ¡Toj ven xi'bal sba sc'ac'alil li Muc'ul Diose! ¿Boch'o xcuch yu'un?

Números 15:39

Jech c'alal cht'ab ta asatic li xnich ac'u'ique, te cht'ab o ta avo'ntonic scotol li jmantaltac ti calojboxuc tsc'an chach'unique. Jech mu ja'uc chbat ta avo'ntonic o snopel li c'usi chac'an atuquique. Jech mu xyanij avo'ntonic ta jtojol.

San Mateo 23:5

Scotol li c'usi tspasique ja' no'ox tsc'anic ti ac'o yil li cristianoetique. Smuq'uibtasojbeic xcaxail li smantal Dios ta snaban ta sc'obic o me ta sti'baique, xchi'uc snatubtasojbeic stsitsumal li snatilc'u' slapojique.

Romanos 10:8

Ja' xa jech ts'ibabil sc'oplal chac li'i: “Li sc'ope te nopol oy ta atojolic; te oy ta aveic, te oy ta avo'ntonic”, xi. Ja' jech chal li c'op ta jcholcutic ti ac'o yich' ch'unele.

Deuteronomio 30:14

Yu'un li sc'ope nopol oy ta atojolic, te oy ta aveic, te oy ta avo'ntonic sventa ac'o apasic scotol li c'usitic chale.

Deuteronomio 5:15

Na'ic me ti jech to'ox mozoinbiloxuc te ta Egipto ec li vo'oxuque. Pero vu'un li Muc'ul Diosun avu'unique la jloq'uesoxuc tal ta jvu'el ta jtsatsal. Ja' yu'un li' chacalboxuc ti ac'o me avich'ic ta muc' li sc'ac'alil chacux avo'ntonique.

Deuteronomio 6:21

li vo'oxuque jech xavalbeic: ‘Yu'un li vu'uncutique ochemuncutic to'ox ta mozoil yu'un li faraón te ta Egiptoe. Pero li Muc'ul Dios cu'untique ja' la sloq'uesuncutic tal ta svu'el ta stsatsal stuc.

Deuteronomio 6:6

“Ac'o ta avo'nton scotol li c'usitic laj calbot li' ta orae.

Deuteronomio 6:8

Ich'-unuc me avu'un scotol c'ac'al li mantaletique. Chuco ta ac'ob xchi'uc ta ati'ba sventa cht'ab ta avo'nton.

Apocalipsis 18:8

Ja' yu'un ta jun no'ox c'ac'al chc'ot scotol li vocoletic ta stojole. Ta xtal tsatsal chamel, oq'uel, xchi'uc vi'nal, jech noxtoc j'ech'el ta xlaj o ta c'oc'. Yu'un toj ech'em svu'el li Cajvaltic Dios ti chac'be stojol mulile”, xi.

Jueces 2:12

Ja' la scomtsanic o li Muc'ul Dios yu'un smoltotic ta vo'one ti iloq'uesatic tal ta Egiptoe; ja' bat yich'ic ta muc' li yantic diosetique, ja' li diosetic yu'un cristianoetic te nacajtic ta spat xoconique. Jech laj yaq'uic ilinuc ta stojolic li Muc'ul Diose.