Éxodo 13:3 - Bible in Tzotzil de Chenalhó with Deuterocanon

³ Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Bible in Tzotzil de Chamula

³ Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 13:3 Iomraidhean Croise

Génesis 15:16

C'alal me ijelov xa'ox xchanc'olal amomnich'nabtaque, ja' to ta sutic tal yan velta li'i, yu'un mu'yuc to ta xc'ot bu c'alal spajeb smulic li amorretique —xi li Muc'ul Diose.

1 Reyes 8:42

ti puquem ac'oplal, vinajem ti ech'em amuc'ul atsatsale, me chtal sc'anbicot vocol li' ta ch'ulna avu'une,

1 Crónicas 16:12

Mu me xch'ay ta avo'ntonic ti toj muc'tic yabtel spasoj, xchi'uc c'usitic lec yaloj,

Nehemías 1:10

“Le'e ja' li anich'nabtaque, ja' li ateclumal ti laj apoj loq'uel tal ta amuc'ul atsatsale.

Nehemías 9:10

Laj avac' ta ilel muc'tic sq'uelubil atsatsal ta stojol li Faraone xchi'uc li xchi'iltac ta abtele xchi'uc scotol li egiptoetique, yu'un laj avil ti toj abul sbaic ta uts'intael yu'unic li israeletique. Ja' jech laj avac' muq'uibuc batel ac'oplal jech chac c'u cha'al li' ta orae.

Salmos 105:5

Vo'oxuc li smomnich'naboxuc Abrahame, ja' li yajtunel Diose, vo'oxuc li smomnich'naboxuc Jacob ti t'ujbiloxuc yu'un Diose, vuleso ta ajolic scotol li sq'uelubiltac stsatsal spasoje, xchi'uc li chanubtaseletic yaloje.

Salmos 114:1

C'alal iloc' tal ta Egipto li Israele, c'alal iloc' tal ta stojol yanlum cristianoetic li smomnich'nab Jacobe,

Salmos 136:11

Ja' la sloq'ues tal ta stojol egiptoetic li israeletique, yu'un sbatel osil mu xlaj o li c'uxubinel yu'une.

Salmos 136:12

Ta svu'el, ta stsatsal la sloq'ues tal, yu'un sbatel osil mu xlaj o li c'uxubinel yu'une.

Salmos 89:14

Li snacleb achotlebe ja' li stuq'uil avo'ntone xchi'uc li tuq'uil chapanel avu'une. Li c'uxubinel xchi'uc li c'usitic melel avu'une ba'yucbe chbat ta stuq'uil asat scotol.

Éxodo 12:15

Vucub c'ac'al te xlic ave'ic batel pan ti mu'yuc yich'oj svolesubil xch'ute. Ta sba c'ac'ale tsc'an mu'yuc xa boch'o oy svolesubil xch'ut pan te ta sna. Me oy boch'o tsve' pan ti yich'oj svolesubil xch'ut li vucub c'ac'al xbate, taquic loq'uel ta atojolic.

Éxodo 12:17

Li q'uin sventa pan ti mu'yuc yich'oj svolesubil xch'ute tsots sc'oplal tsc'an chana'ilanic o, yu'un ja' sc'ac'alil la jloq'uesoxuc ta Egipto. Jech jmantal chcom o c'alal ta avalab anich'nabic ti ac'o apasilanic li q'uine.

Éxodo 12:19

Li vucub c'ac'ale tsc'an ti mu'yuc boch'o oy svolesubil xch'ut pan te ta snae. Me oy boch'o tsve' pan ti yich'oj svolesubil xch'ute, taquic loq'uel ta atojolic, ac'o me yanlum cristiano, o me vo'oxuc li israeloxuque.

Éxodo 12:2

“Li u li'i, ja' li sliqueb u yu'un jabile, tsots me sc'oplal chcom avu'unic.

Éxodo 12:41

Li c'usi mero sc'ac'alil its'aqui li chanib ciento xchi'uc lajuneb xcha'vinic (430) jabile, ja'o iloq'uic tal ta Egipto scotol li jaychop yu'untac Muc'ul Diose.

Éxodo 12:42

Ja' jun ac'ubal ti xchabioj stuc Muc'ul Dios sventa tsloq'ues batel ta Egipto li israeletique. Li ac'ubal le'e ja' yu'un Muc'ul Dios; ja' sventa ac'o ich'atuc ta muc' yu'un li israeletique. Ja' yu'un li israeletique xchi'uc li jayc'ol yalab xnich'nabique tsc'an jech chchabi sbaic ta sventa li jun ac'ubal le'e.

Éxodo 12:8

Te no'ox ta yac'ubalil xati'ic li chije. Vobil ta c'oc' xapasic. Capal ta ch'ail vomol xati'ic, xchi'uc ta pan ti mu'yuc yich'oj svolesubil xch'ute.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 20:8

“Na'ic me li sc'ac'alil chacux avo'ntonic sventa chavoc'bicun ta jventae.

Éxodo 23:15

Pasic q'uin sventa pan ti mu'yuc yich'oj svolesubil xch'ute, jech chac c'u cha'al calojboxuc ono'oxe. Vucub c'ac'al xave'ic batel pan ti mu'yuc yich'oj svolesubil xch'ute. Li c'usi ual calojboxuc ono'oxe, ja' li u Abibe, yu'un ja' jech u ti laloq'uic tal ta Egiptoe. Mu'yuc boch'o xu' chtal ta jtojol ti me mu'yuc c'usi yich'oj tal jutuque.

Éxodo 3:20

Ja' yu'un vu'un ta xcac' ta ilel jvu'el jtsatsal. Li Egiptoetique ta xcac'be stojic ta sventa li sq'uelubiltac jtsatsal ta jpas ta stojolique: ja' to jech chayac'oxuc loq'uel tal li faraone.

Éxodo 34:18

“Pasic me li q'uin sventa pan ti mu'yuc yich'oj svolesubil xch'ut, jech chac c'u cha'al calojboxuc ono'oxe. Vucub c'ac'al xave'ic pan ti mu'yuc yich'oj svolesubil xch'ute. Li c'usi ora calojboxuc chapasique ja' ta Abib, yu'un ja' jech u ti laloq'uic tal ta Egiptoe.

Éxodo 6:1

Itac'ov li Muc'ul Diose: —Tana chavil c'usi ta jpas ta stojol li faraone. Yu'un me tsots c'usi ta jpasbee, ja' to jech xu' ch-ac'van loq'uel li' ta slumale. Stuc xa chlic yal ti ac'o loc'anic batele —xi.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Éxodo 7:4

Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Jeremías 34:13

“Vu'un li Muc'ul Diosun yu'un Israele jech chcal: C'alal la jloq'ues tal ta Egipto banamil li amoltot ayame'ic ta vo'one ti bu mozoinbilic to'oxe, oy c'usi la jchapan jchi'uc, jech laj calbe:

Daniel 9:15

‘Li vo'ote Cajval, Dios cu'un, laj avac' ta ilel atsatsal; laj aloq'ues tal ta Egipto li ateclumale. Ja' yorail te lic avac' pucuc ac'oplal; ja' jech o c'alal to tana. Pero li vu'uncutique ja' no'ox ta jsa' jmulcutic ta atojol; bats'i chopol li c'usi la jpascutique.

San Mateo 10:12

C'alal cha'ochic ta snae, ‘Junuc avo'ntonic’, utic.

San Lucas 22:19

La stsac noxtoc jun pan; la stojbe ta vocol Dios. La svoc' li pane; laj yac'be li yajchanc'optaque. Jech laj yalbe: —Li'i ja' jbec'tal, yu'un ta xcac' jba ta milel ta acojic. Jech me xapasilanic, yu'un jech chana'ilanicun o —xut.

1 Corintios 11:24

la stojbe ta vocol Dios, lic svoc' li pane, jech laj yal: “Li'i ja' jbec'tal ti ac'bil ta aventaique. Jech me xapasilanic o sventa chana'ilanicun”, xi.

1 Corintios 5:8

Ja' yu'un ja' ac'o jpastic li q'uin Coltael ti ma'uc ta jtunestic li pan ti yich'oj li poco' svolesubil xch'ute, ja' li mulile, li c'usitic chopole. Ja' ac'o jtunestic li pan ti ta melel mu'yuc xa yich'oj svolesubil xch'ute, ja' li c'usitic leque, li c'usitic melele.

Efesios 1:19

Jech chana'ic noxtoc ti toj ech'em svu'el ta jtojoltic, vu'utic ti jch'unojtique. Ta sventa svu'el stsatsal

Deuteronomio 13:10

Ac'beic ton, ja' to me ichame. Yu'un tsc'an ac'o acomtsanic li Muc'ul Dios cu'untic ti la sloq'uesoxuc tal ta mozoil ta Egiptoe.

Deuteronomio 13:11

Me jech chapasique, jech chlic sna'ic scotol li israeletique. Chlic ochuc xi'el ta yo'ntonic, jech mu'yuc boch'o chlic spas jech yan velta.

Deuteronomio 13:5

Li j'alc'ope o me ja' li boch'o sna' yalbel smelol vaychile, ac'o yich' milel, yu'un jech xu' chlaj o sc'oplal li c'usi chopol chlic te ta atojolique. Yu'un ja' ta xchanubtasoxuc ti ac'o abajbeic smantal li Muc'ul Dios cu'untic ti la sloq'uesoxuc tal ta mozoil ta Egiptoe. Xchi'uc ja' chayalboxuc ti ac'o acomtsanic li be yu'un Muc'ul Dios ti yalojboxuc tsc'an ja' chatamic batele.

Deuteronomio 13:6

“Me oy achi'ilic ta voq'uel, o me aquerem atsebic, me avajnilic ti lec ac'anojique, o me yan achi'ilic ti bats'i lec ac'anoj aba achi'uquique, me ta sujoxuc batel ta mucul yu'un ac'o bat avich'ic ta muc' li c'usitic cuybilic ta diosetic ti mu xavotquinique xchi'uc muc xotquinic ec li atot ame'ique, mu me xach'unic.

Deuteronomio 15:15

Mu me xch'ay ta avo'ntonic ti ja' to'ox jech mozoinbiloxuc te ta Egipto eq'ue, xchi'uc ti ja' la scoltaoxuc loq'uel tal li Muc'ul Dios cu'untique. Ja' yu'un jech mantal ta xcalboxuc ava'yic.

Deuteronomio 16:1

“C'alal me laj ataic li u Abibe, pasic li q'uin Coltael sventa chavich'ic ta muc' li Muc'ul Dios cu'untique yu'un ja' ta yac'ubalil u Abib ti la sloq'uesoxuc tal ta Egiptoe.

Deuteronomio 16:12

Na'ic me ti ja' to'ox jech mozoinbiloxuc te ta Egipto ec li vo'oxuque. Ja' yu'un pasic me li mantaletic li'i.

Deuteronomio 16:3

“Li matanal chavaq'uique, ve'anic xchi'uc pan ti mu'yuc yich'oj svolesubil xch'ute. Vucub c'ac'al xave'ic li pan ti mu'yuc yich'oj svolesubil xch'ute, yu'un ja' pan sventa vocol, yu'un ta anil no'ox latalic ti c'alal laloq'uic tal ta Egiptoe. Jech yu'un ti jayib c'ac'al cuxuloxuque, ja' sna'ubil avu'unic li c'usi ora laloq'uic tal ta Egiptoe.

Deuteronomio 24:18

Mu me xch'ay ta avo'ntonic ti jech to'ox abul abaic ec ti c'alal ochemoxuc ta mozoil te ta Egiptoe, xchi'uc ti ja' la sloq'uesoxuc tal li Muc'ul Dios cu'untique. Ja' yu'un chacalboxuc ti ac'o ach'unic scotol li mantaletic li' chacalboxuc ava'yique.

Deuteronomio 24:22

Na'ic me ti ja' to'ox jech abul abaic ec ti c'alal ochemoxuc ta mozoil ta Egiptoe, ja' yu'un chacalboxuc ti ac'o ach'unic scotol li c'usitic chacalboxuc ava'yic li'i.

Deuteronomio 26:8

Jech laj aloq'uesuncutic tal ta Egipto ta avu'el ta atsatsal, xchi'uc ta sventa ti toj tsots c'usitic laj avac' c'otuc ta pasele xchi'uc ti toj xi'balic sbae.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.

Deuteronomio 5:15

Na'ic me ti jech to'ox mozoinbiloxuc te ta Egipto ec li vo'oxuque. Pero vu'un li Muc'ul Diosun avu'unique la jloq'uesoxuc tal ta jvu'el ta jtsatsal. Ja' yu'un li' chacalboxuc ti ac'o me avich'ic ta muc' li sc'ac'alil chacux avo'ntonique.

Deuteronomio 5:6

‘Vu'un Muc'ul Diosun avu'unic ti la jloq'uesoxuc tal ta Egipto banamil c'alal te to'ox tiq'uiloxuc ta mozoile.

Deuteronomio 6:12

C'alal me ic'ot ta pasel jech chac c'u cha'al laj calboxuque, mu me xch'ay ta avo'ntonic li Muc'ul Dios ti ja' la sloq'uesoxuc tal ta Egipto ti bu to'ox oyoxuc ta mozoile.

Deuteronomio 6:21

li vo'oxuque jech xavalbeic: ‘Yu'un li vu'uncutique ochemuncutic to'ox ta mozoil yu'un li faraón te ta Egiptoe. Pero li Muc'ul Dios cu'untique ja' la sloq'uesuncutic tal ta svu'el ta stsatsal stuc.

Deuteronomio 7:8

Li Muc'ul Diose ja' la sloq'uesoxuc tal ta Egipto ti bu to'ox tiq'uiloxuc ta mozoile. Ta svu'el ta stsatsal la spojoxuc loq'uel tal ta sc'ob li faraone yu'un toj c'uxoxuc ta yo'nton, xchi'uc ja' laj yac' c'otuc ta pasel li c'usi xchapanoj ono'ox xchi'uc jmoltotactic ta vo'onee.

Deuteronomio 8:14

Pero mu me teuc xlic atoy abaic o, xchi'uc mu me teuc xlic ch'ayuc o ta avo'ntonic li Muc'ul Dios cu'untic ti la sloq'uesoxuc tal ta Egipto bu to'ox tiq'uiloxuc ta mozoile.

Deuteronomio 9:12

Jech laj yalbun: ‘Yalan batel ta ora, yu'un li achi'iltac ti laj aloq'ues tal ta mozoil ta Egiptoe, ich'ayic xa ta be. Ta ora no'ox la scomtsanic spasel li c'usitic laj calbeic ac'o spasique, yu'un laj xa spasic jun sloc'obal sdiosic ta unijesbil taq'uinetic’, xiyutun.

Josué 24:17

Yu'un li Muc'ul Dios cu'untique ja' la sloq'uesutic tal ta Egipto xchi'uc li jmoltotactic ti bu to'ox tiq'uilutic ta mozoile. Ja' laj yac' quiltic ep muc'tic sq'uelubiltac stsatsal, xchi'uc ja' la xchabiutic tal ta be ti buyuc no'ox lijxanovutic tal, lijelovutic tal ta yantic lumetique.

Jueces 2:12

Ja' la scomtsanic o li Muc'ul Dios yu'un smoltotic ta vo'one ti iloq'uesatic tal ta Egiptoe; ja' bat yich'ic ta muc' li yantic diosetique, ja' li diosetic yu'un cristianoetic te nacajtic ta spat xoconique. Jech laj yaq'uic ilinuc ta stojolic li Muc'ul Diose.

Jueces 6:8

li Muc'ul Diose la stacbe tal jun j'alc'op, jech laj yal: “Jech chal li Muc'ul Diose, ja' li Dios yu'un Israele: ‘Vu'un la jloq'uesoxuc tal ta Egipto banamil yo' bu tiq'uiloxuc to'ox ta mozoile.