Éxodo 13:21 - Bible in Tzotzil de Chenalhó with Deuterocanon

²¹ Li Muc'ul Diose ja' ba'yucbe ital yu'unic. Ta c'ac'altique laj yac' sba ta ilel ta jun toc, yu'un ja' tsbeiltasatic ti bu xu' chbatique. Yan ta ac'ubaltique, ta c'oc' laj yac' sba ta ilel yu'un jech chil sbeic. Ja' jech ivu' yu'un ixanovic ta c'ac'al ta ac'ubal.

Bible in Tzotzil de Chamula

²¹ Ja' jba'be batel yu'unic ti Diose. Ti ta c'ac'altique, ta xac' sba iluc ta jun voletel toc yo' jech ta xtojobtasvan batel ta be. Ti ta ac'ubaltique, ta xac' sba iluc ta jun muc' ta tilemal c'oc' yo' ta xil sbeic yu'un. Ja' jech cuch yu'unic ti xanvil ta c'ac'al ac'ubale.

Éxodo 13:21 Iomraidhean Croise

Nehemías 9:12

Ta c'ac'altique ta toc laj abeiltas tal. Yan ta ac'ubaltique ta c'oc' laj abeiltas tal, yu'un jech ac'o yil sbeic ti bu chbatique.

Nehemías 9:19

Pero ta sventa ti toj ech'em xc'uxul avo'ntone, jech muc xavicta comel te ta xocol banamil. Muc xaloq'uesbe ta stojolic li jvol toc ti ja' ibeiltasatic o tal ta c'ac'altique xchi'uc ti ic'ataj ta c'oc' sventa tsbeiltasatic o tal ta ac'ubaltic yu'un jech chil sbeic bu chbatique.

Salmos 105:39

Li Diose la slam batel toc sventa tsmac o li steclumale, xchi'uc laj yac'be c'oc' sventa chil sbeic ta ac'ubaltic.

Salmos 68:7

Dios cu'un, c'alal ba'yucbeot tal yu'un li ateclumale, c'alal laxanov tal achi'uc ta xocol banamile,

Salmos 77:20

Ta sventa Moisés xchi'uc Aarón laj achabi tal li jteclum avu'un ti ja' jechic jech chac c'u cha'al chijetique.

Salmos 78:14

Ta c'ac'altique ta toc i'ac'bat yilic bu chbatic; ta ac'ubaltique ta xojobal c'oc' i'ac'bat yilic noxtoc.

Salmos 99:7

Ta jvol toc ic'opanatic yu'un li Diose; la xch'unbeic li smantaltaque xchi'uc li c'usi yan i'albatic comele.

Éxodo 10:10

Li faraone jech laj yal: —Toj lec xvinaj ti ja' no'ox chopol c'usi oy ta avo'ntonique. ¿Me yu'un chanopic ti chaxchi'inoxuc batel li Muc'ul Dios avu'unique, xchi'uc ti chajcoltaoxuc batel achi'uc li avalab anich'nabique?

Éxodo 16:10

C'alal ja'o te chchi'in ta lo'il scotol xchi'iltac li Aarone, scotolic la sq'uelic batel ta xocol banamil; te laj yilbeic xojobal ta jvol toc li Muc'ul Diose.

Éxodo 32:1

C'alal laj yil israeletic ti ijalij ta vits li Moisese, la stsob sbaic tal ta stojol li Aarone, jech laj yalbeic: —Pasbun jdioscutic yu'un ja' ba'yucbe chbat cu'uncutic. Yu'un li Moisés ti la sloq'uesuncutic tal ta Egiptoe, mu jna'tic c'usi la spas ti yoquel to mu'yuc ta sut tale —xutic.

Cantares 3:6

¿C'usi le' xtal ta xocol banamil ti xco'laj xchi'uc ch'ayil xtomet muyele, ti joyibtabil tal ta xch'ayilal muil poxil xchi'uc ta xch'ayilal pom, xchi'uc ta xch'ayilal yantic muil poxiletique?

Números 10:34

Ta jujun c'ac'al c'alal ja' to no'ox ta stotsic batele, li toc yu'un Muc'ul Diose, te chbat ta sba yac'olic.

Números 14:14

xu' chlic yalbe ya'yic li jnaclumetic te ta Canaán banamile. Yu'un li stuquique ya'yojic ti li' oyot ta o'lol yu'unic li jchi'iltac, vo'ot li Muc'ul Diosote. Xchi'uc ya'yojic ti chavac' aba lec ta ilel ta stojolique, xchi'uc ti li' oy ta stojolic li toc avu'une. Xchi'uc ya'yojic ti ba'yucbe chabat ta toc yu'unic ta c'ac'altique xchi'uc ti chc'ataj ta c'oc' ta ac'ubaltic sventa tsna' bu chbatique.

Deuteronomio 1:33

ja' ti ba'yucbe ono'ox ital avu'unique, ti laj yic'oxuc tal li' ta osil yo' bu chanaquiique. C'alal laj yac' tal avilic be ta ac'ubaltique, c'oc' la stojobtasoxuc tal. Yan ta c'ac'altique, toc la stojobtasoxuc tal.

Deuteronomio 31:8

Ja' ba'yucbe ta xbat avu'un stuc li Muc'ul Diose; ja' chaxchi'inot o scotol c'ac'al. Mu'yuc chayictaot; mu'yuc chascomtsanot. Ja' yu'un mu me xaxi'; mu me xastsalot li xi'ele”, xut.