Éxodo 13:19 - Bible in Tzotzil de Chenalhó with Deuterocanon

¹⁹ Li Moisese la xcuchbeic loq'uel tal sbaquil li Josee. Yu'un li Josee laj ono'ox yalbe israeletic ti ac'o yalic ta jamal me tspasic jeche. Jech laj yalbe: “Ta melel, ta to sta yorail chtal sloq'uesoxuc batel li Diose; c'alal me ic'ot ta pasel jeche, xacuchbicun me batel li jbaquile”, xut ono'ox.

Bible in Tzotzil de Chamula

¹⁹ Ti Moisese laj yich'be loq'uel sbaquil ti Josee. Yu'un ti Josee laj sc'ubanbe ti xnich'nab Israele ti ac'o yalic ta jamal ti xu' ta spasic jeche. Yu'un xi laj scaj'albee: “Ta melel ta xtal scoltaoxuc ti Diose. Ja' yu'un un, ti c'alal jech ta xc'ot ta pasele, ich'beicun me loq'uel ti jbaquiltaque.”

Éxodo 13:19 Iomraidhean Croise

Génesis 48:21

Li Israele jech laj yalbe noxtoc li Josee: —A'yo ava'ay, li vu'une po'ot xa chicham. Pero li Diose li' ono'ox oy ta atojolic. Ta to sta yorail chayic'oxuc sutel te ta yosilalic li jmoltot jyame'tic ta vo'onee.

Éxodo 4:31

C'alal laj ya'yic sjunul jteclum ti chich'ic coltael yu'un Muc'ul Diose, xchi'uc ti i'ilbat xa c'u x'elan li xc'uxul svocolique, toj lec ic'ot ta yo'ntonic. Jech te la squejan sbaic, laj yich'ic ta muc' li Muc'ul Diose.

San Lucas 1:58

C'alal laj ya'yic li yuts' yalaltaque xchi'uc li boch'otic noch' nacajtic xchi'uque, toj xcuxet no'ox yo'ntonic ta sventa ti ic'uxubinat yu'un Dios li Isabele.

San Lucas 7:16

Scotol li boch'otic te oyique ixi'ic; laj yalbeic slequilal Dios: —Ja' banquilal yaj'alc'op Dios ti li' oy ta jtojoltique. Ja' tal scolta steclumal li Diose —xiic.

Hechos 7:15

Ja' jech ibat ta Egipto li Jacobe, te icham. Jech te ichamic ec li jmoltotactic ta vo'onee.

Hechos 7:16

Ts'acal to la xcuchbeic loq'uel tal li sbaquile, te ivul yu'unic ta Siquem. Ja' te bat smuquic ta muquinaltic ti smanoj ono'ox li Abrahame. Ja' ti la smanbe xnich'nab Amor te ta lum Siqueme.

Hebreos 11:22

Ta sventa xch'unojel yo'nton li Josee, jech c'alal po'ot xa'ox chchame, la svulesbe ta sjolic xchi'iltac ti yaloj ono'ox Dios chloq'uic tal ta Egipto li smomnich'nab Israele. Jech laj yal mantal c'usi ac'o spasic ta sventa li sbaquile.

Josué 24:32

Li sbaquiltac José ti laj yich'ic loq'uel tal te ta Egipto li israeletique te la smuquic ta Siquem. Ja' li yosil Jacob ti la smanbe ta cien ta sep saquil taq'uin li xnich'nab Hamore, ja' li stot Siqueme. Ts'acal ja' laj yich' comel smomnich'nab ec li Josee.