Éxodo 13:16 - Bible in Tzotzil de Chenalhó with Deuterocanon

¹⁶ Ti jech chich' pasele, ja' svulesubil ta avo'ntonic ec ti ta svu'el stsatsal Muc'ul Dios la sloq'uesuncutic tal ta Egiptoe. Jech xco'laj xchi'uc oy smarcail ta jc'obtic, o me ta jti'batic ya'yel’, uto li anich'nabique”, xut xchi'iltac li Moisese.

Bible in Tzotzil de Chamula

¹⁶ Ti jech taj une, co'ol s'elan oy smarcail avu'unic mi ta ac'obic, mi ta ati'baic. Ti va'i s'elan liquem ta xich' pasel taje, ja' ta xac' ta na'el ti ta smuc'ul stsatsal ti Dios laj sloq'uesuncutic talel ta Egiptoe.’ ”

Éxodo 13:16 Iomraidhean Croise

Nehemías 1:10

“Le'e ja' li anich'nabtaque, ja' li ateclumal ti laj apoj loq'uel tal ta amuc'ul atsatsale.

Salmos 136:11

Ja' la sloq'ues tal ta stojol egiptoetic li israeletique, yu'un sbatel osil mu xlaj o li c'uxubinel yu'une.

Éxodo 12:13

‘Li xch'ich'al chije ja' chtun ta sventa senyail yu'un jech chquil ti bu jbejucal anaique. C'alal ch-ech' jmilbe sba xnich'nabic li egiptoetique, me laj quil li ch'ich'e, ta xijelov no'ox batel. Jech mu'yuc boch'o chcham avu'unic vo'oxuc li israeloxuque.

Éxodo 12:41

Li c'usi mero sc'ac'alil its'aqui li chanib ciento xchi'uc lajuneb xcha'vinic (430) jabile, ja'o iloq'uic tal ta Egipto scotol li jaychop yu'untac Muc'ul Diose.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 6:1

Itac'ov li Muc'ul Diose: —Tana chavil c'usi ta jpas ta stojol li faraone. Yu'un me tsots c'usi ta jpasbee, ja' to jech xu' ch-ac'van loq'uel li' ta slumale. Stuc xa chlic yal ti ac'o loc'anic batele —xi.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Proverbios 6:21

Te me oyuc o ta avo'nton; te xanats'in o jech chac c'u cha'al anats'.

Daniel 9:15

‘Li vo'ote Cajval, Dios cu'un, laj avac' ta ilel atsatsal; laj aloq'ues tal ta Egipto li ateclumale. Ja' yorail te lic avac' pucuc ac'oplal; ja' jech o c'alal to tana. Pero li vu'uncutique ja' no'ox ta jsa' jmulcutic ta atojol; bats'i chopol li c'usi la jpascutique.

San Mateo 23:5

Scotol li c'usi tspasique ja' no'ox tsc'anic ti ac'o yil li cristianoetique. Smuq'uibtasojbeic xcaxail li smantal Dios ta snaban ta sc'obic o me ta sti'baique, xchi'uc snatubtasojbeic stsitsumal li snatilc'u' slapojique.

Hechos 13:17

Li Dios cu'untic, vu'utic li israelutique, ja' la st'uj li jmoltot jyame'tic ta vo'onee. C'alal te oyic ta Egipto banamile, laj yac' c'oticuc ta jun muc'ta lum. Ts'acal to iloq'uesatic tal ta stsatsal Dios, yu'un muc ja'uc ono'ox slumalic.

Deuteronomio 11:18

“Comtsano lec ta ajol ta avo'ntonic li c'usitic laj cal ava'yique. Chuco ta ac'obic, xchi'uc ta ati'baic yu'un jech cht'ab ta avo'ntonic.

Deuteronomio 26:8

Jech laj aloq'uesuncutic tal ta Egipto ta avu'el ta atsatsal, xchi'uc ta sventa ti toj tsots c'usitic laj avac' c'otuc ta pasele xchi'uc ti toj xi'balic sbae.

Deuteronomio 5:15

Na'ic me ti jech to'ox mozoinbiloxuc te ta Egipto ec li vo'oxuque. Pero vu'un li Muc'ul Diosun avu'unique la jloq'uesoxuc tal ta jvu'el ta jtsatsal. Ja' yu'un li' chacalboxuc ti ac'o me avich'ic ta muc' li sc'ac'alil chacux avo'ntonique.

Deuteronomio 6:21

li vo'oxuque jech xavalbeic: ‘Yu'un li vu'uncutique ochemuncutic to'ox ta mozoil yu'un li faraón te ta Egiptoe. Pero li Muc'ul Dios cu'untique ja' la sloq'uesuncutic tal ta svu'el ta stsatsal stuc.

Jueces 2:12

Ja' la scomtsanic o li Muc'ul Dios yu'un smoltotic ta vo'one ti iloq'uesatic tal ta Egiptoe; ja' bat yich'ic ta muc' li yantic diosetique, ja' li diosetic yu'un cristianoetic te nacajtic ta spat xoconique. Jech laj yaq'uic ilinuc ta stojolic li Muc'ul Diose.