Éxodo 13:15 - Bible in Tzotzil de Chenalhó with Deuterocanon

¹⁵ Yu'un li faraone toj tsots yo'nton jech muc xac' loc'cuncutic tal. Ja' yu'un li Muc'ul Diose la smilbe sba xnich'nabic li egiptoetic ta jujubej snaique xchi'uc scotol li sba yol sts'unub yovolique. Ja' yu'un ja' smelol ti chcac'tic ta smoton Dios li sba yol jts'unub covoltic ti me stote, xchi'uc chcac'becutic xq'uexol li sba jqueremcutique.

Bible in Tzotzil de Chamula

¹⁵ C'alal pucujib yo'nton ti faraón ti c'alal mu xiyac' loc'uncutic talele, jech o xal ti Diose laj smilbe sba xnich'onic ti jujuchop jnaclej egipcioetique, xchi'uc scotol sba yoltac ti xchon sbolomique. Jech o xal ta xcac'becutic ta smoton Dios scotol sba yoltac ti chon bolometic ti stot chlaj voc'uque. Ja' yu'un un, ta xcac'cutic jcot matanal sventa xq'uexol ti sba nich'onil querem ta xvoq'uique.

Éxodo 13:15 Iomraidhean Croise

Salmos 105:36

La smilbe noxtoc scotol li sba squeremic te ta sjunul yosilalique, ja' li sba sts'unubique.

Éxodo 12:29

Li Muc'ul Diose ta o'lol ac'ubal ech' smilbe scotol sba xnich'nab li egiptoetic ta jujubej snaique. Icham c'alal ta sba xnich'on li ajvalil faraone, xchi'uc sba xnich'nabic li boch'otic ochemic ta chuquele, xchi'uc li sba yol sts'unub yovolique.

Éxodo 3:19

Pero jna'oj lec ti mu ono'ox xayac'oxuc loq'uel tal li ajvalil ta Egipto ti me mu xich' tsots sujele.

Éxodo 34:20

Jech noxtoc li sba yol aburoique aq'uic jcotuc ch'ium chij, o me ch'ium tentsun ta xq'uexol. Me muc xavac'beic xq'uexole, ja' xac'asbeic snuc' li unin buroe. Jech noxtoc tsc'an chavac'beic xq'uexol li jujun sba anich'nabique. Mu me junuc boch'o jeche' xmeymun tal sc'ob c'alal chtal ta jtojol, vu'un li Muc'ul Diosune.

Éxodo 4:23

Laj xa calbot ti ac'o aloq'ues batel li jnich'one, yu'un chbat yich'icun ta muc'. Pero ta sventa ti mu xavac' loc'uc batele, ta jmilbot li sba anich'nabe, xayutot li Muc'ul Diose’, uto —xi li Muc'ul Diose.

Números 18:15

“Scotol li sba xnich'on achi'iltaque, xchi'uc li sba yol sts'unub yovolic chiyac'bicune, ja' avu'un. Yan li sba xnich'onic xchi'uc li sba yol sts'unub yovolic ti mu'yuc lequique, c'anbeic taq'uin ta xq'uexol.

Números 3:46

Pero li sba xnich'nabic achi'iltac ta israelale ja' toj epic; ja' mu'yuc ep xcom li levietique. Ti c'u cha'al xu' colem chcomic li oxlajuneb xchanlajunvinic (273) sjelovenal li sba nich'oniletique,