Éxodo 12:43 - Bible in Tzotzil de Chenalhó with Deuterocanon

⁴³ Li Moisés xchi'uc Aarone jech i'albatic yu'un li Muc'ul Diose: “Li'i ja' mantal ta sventa li q'uin Coltaele: Me junuc yanlum cristiano mu xu' tsti' li jmoton chich' milele.

Bible in Tzotzil de Chamula

⁴³ Ti Diose xi laj yalbe ya'i ti Moisese xchi'uc ti Aarone: “Ti oy c'usi tsots albil ta sventa ti q'uin Colele, xi s'elane: Ti milbil chon bolome, mu xu' ta sti'ic ti jyanlume.

Éxodo 12:43 Iomraidhean Croise

2 Crónicas 30:18

Bats'i ep boch'o liquemic ta Efraín, ta Manasés, ta Isacar, xchi'uc ta Zabulón la sti'ic li ch'ium chij sventa q'uin Coltaele, pero mu'yuc yac'oj sbaic ta lecubtasel jech chac c'u cha'al ts'ibabil sc'oplale. Ja' yu'un li Ezequiase lic sc'opanbe Dios ta stojolic, jech laj yal: “Muc'ul Dios, vo'ot ti toj lec avo'ntone, ch'aybo ta avo'nton smul scotol li boch'otic li' oyic ti jun yo'nton tsc'an chasa'icot,

Éxodo 12:11

C'alal chati'ique, chapalucoxuc me lec. Alapojuc xa lec ac'u'ic xchi'uc axonobic, xchi'uc atsacojuc xa lec anamte'ic, anil xa no'ox xati'ic li chije yu'un ja' xa q'uin Coltael cu'un; vu'un li Muc'ul Diosune.

Éxodo 12:48

Pero me oy junuc yanlum cristiano te achi'uquic ta naclej ti tsc'an tspas ec li q'uin ta sventa chavich'icun ta muq'ue, ja' tsc'an ba'yuc ac'o yich' circuncisión scotol li viniquetic te ta snaique. Me la spas jeche, xu' xa tspas li q'uine, yu'un ja' xa jech chc'ot jech chac c'u cha'al li boch'o te voq'uem ta avosilalique. Pero me mu'yuc yich'ojic circuncisione, mu xu' tsti'ic li chije.

Ezequiel 44:7

Yu'un chaviq'uic tal ta jch'ulna yan cristianoetic ti mu'yuc yich'ojic circuncisión ta yo'ntonic xchi'uc ta sbec'talique. Jech tsbolibtasic, tsoquesbeic o sc'oplal ch'ulna cu'un ti c'alal te oyic c'alal chavac'bicun jmotonin li xepuetic xchi'uc li ch'ich'e. Ta scoj ti jech toj chopol chapasique, jech chapaych'unbicun o li c'usi chapal cu'une.

Levítico 22:10

“Mu'yuc boch'o yan xu' tsti' li c'usi ts'u'iltasbil cu'une. “Me jvayna yu'un li palee, o me svinic ta abtel, mu xu' tsti' li c'usi ts'u'iltasbil cu'une.

Levítico 22:13

Yan me ja' me'on ants, o ictabil yu'un smalal ti mu'yuc yalab, ti co'ol chac c'u cha'al stsebal tsut batel ta sna stote, xu' tsti'be sve'el li stote. Ja' no'ox mu xu' tsti' li boch'o yan bu liquem tale.

Números 9:14

“Li yanlum cristianoetic ti te xa nacalic yo' bu oyoxuque, ac'o me spasic ec li q'uin Coltael sventa chiyich'icun ta muq'ue. Ja' jech ac'o spasic jech chac c'u cha'al calojboxuque. Li mantal calojboxuque, chtun sventa yanlum cristianoetic, xchi'uc ta sventa li boch'otic li' voq'uemique”, xi.

Efesios 2:12

Mu'yucoxuc to'ox ta stojol li Cristoe, voc'oloxuc to'ox ta stojol li slumal Israele. Me jutuc mu'yuc ta aventaic li c'usi chapal yu'un Diose xchi'uc li c'usi yaloj chaq'ue. Ja' yu'un me jutuc mu'yuc spatubil avo'ntonic, mu'yuc Dios avu'unic li' ta banamil.

1 Samuel 2:27

Ts'acal te ic'ot jun j'alc'op yu'un Dios yu'un bat sq'uel li Elie, jech c'ot yalbe: “Li Muc'ul Diose jech chayalbot: ‘C'alal te to'ox oy ta mozoil ta sc'ob faraón ta Egipto li amoltote, lec laj cac' jba ta otquinel ta stojol.