Éxodo 12:41 - Bible in Tzotzil de Chenalhó with Deuterocanon

⁴¹ Li c'usi mero sc'ac'alil its'aqui li chanib ciento xchi'uc lajuneb xcha'vinic (430) jabile, ja'o iloq'uic tal ta Egipto scotol li jaychop yu'untac Muc'ul Diose.

Bible in Tzotzil de Chamula

⁴¹ C'alal ts'aqui sc'ac'alil ti chanib ciento xchi'uc lajuneb xcha'vinic (430) jabile, xvoletic no'ox loq'uel ta j'ech'el ta Egipto ti yu'untac ti Diose.

Éxodo 12:41 Iomraidhean Croise

Génesis 50:24

Ta yan c'ac'al li Josee jech laj yalbe li xchi'iltaque: “Li vu'une jutuc xa sc'an sta yorail chicham, pero li Diose ja' chtal scoltaoxuc. Chavilbeic ono'ox svu'el ta ts'acal. Ja' chayic'oxuc loq'uel li' ta banamile. Chbat yac'oxuc te ta banamil ti bu yalojbe ono'ox jmoltotic ta vo'one chac'bee, ja' li Abrahame, li Isaaque, xchi'uc li Jacobe”, xi.

1 Reyes 6:1

C'alal stsacoj xa'ox chanib jabil yochel ta ajvalilal ta Israel li Salomone, lic sjapu sva'anel li ch'ulnae. Ja' ta xchibal u yochel li xchanibal jabile, ja' li Zif sbie. Oy xa'ox ta chanib ciento xchi'uc chanvinic (480) jabil sloq'uelic tal ta Egipto li israeletique.

2 Crónicas 14:12

Li Muc'ul Diose laj yac' tsalvanicuc li Asa xchi'uc judaetique, jech ijatov batel yu'unic li etiopiaetique.

Salmos 102:13

La' me, c'uxubino xa li lum Sione, yu'un ja' xa yorail chac'uxubin, yu'un its'aqui xa li sc'ac'alile.

Salmos 114:1

C'alal iloc' tal ta Egipto li Israele, c'alal iloc' tal ta stojol yanlum cristianoetic li smomnich'nab Jacobe,

Salmos 136:11

Ja' la sloq'ues tal ta stojol egiptoetic li israeletique, yu'un sbatel osil mu xlaj o li c'uxubinel yu'une.

Éxodo 12:17

Li q'uin sventa pan ti mu'yuc yich'oj svolesubil xch'ute tsots sc'oplal tsc'an chana'ilanic o, yu'un ja' sc'ac'alil la jloq'uesoxuc ta Egipto. Jech jmantal chcom o c'alal ta avalab anich'nabic ti ac'o apasilanic li q'uine.

Éxodo 12:51

Ja' jech sc'ac'alil la sloq'ues batel ta Egipto li jaychop yu'untac Muc'ul Diose, ja' li israeletique.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 13:16

Ti jech chich' pasele, ja' svulesubil ta avo'ntonic ec ti ta svu'el stsatsal Muc'ul Dios la sloq'uesuncutic tal ta Egiptoe. Jech xco'laj xchi'uc oy smarcail ta jc'obtic, o me ta jti'batic ya'yel’, uto li anich'nabique”, xut xchi'iltac li Moisese.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 3:10

Ja' yu'un li' ta orae tamo batel abe. Vu'un ta jtacot batel ta stojol li faraone, yu'un chbat aloq'ues tal ta Egipto li jteclum cu'une, ja' li israeletique —x'utatic.

Éxodo 3:8

Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Éxodo 6:26

Li Aarón xchi'uc Moisese ja' ti jech i'albatique: “Bat loq'uesic tal ta Egipto li achi'iltac ta israelale. Lec jmoj cholol xabatic jech chac c'u cha'al jtsob soldadoetic”, ti x'utatique.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 7:4

Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Daniel 9:24

‘Ja' lajuneb xchanvinic (70) xemuna chapanbil ti jech chc'ot ta pasel ta stojol li achi'iltaque xchi'uc li ach'ul lumale, yu'un jech chich' lajesbel sc'oplal o li c'usi chopole xchi'uc li muliletic chich' pasele. Jech ch'aybil chcom o li c'usitic mu'yuc lec pasbile; ja' chlic yich' pasel o li c'usitic tuc' ti mu'yuc slajebale. Jech chc'ot o ta pasel li c'usi laj avil ta ach'ulele xchi'uc li c'usitic laj ava'ibe sc'oplale; jech ts'u'iltasbil chcom o yan velta li ch'ulnae.

Levítico 23:43

Yu'un jech chlic sna'ic avalab anich'nabic ti ja' jech ta unin yaxnaetic no'ox inaquiic tal li amoltot ayame'ic ta vo'one ti c'alal la jloq'uesic tal ta Egiptoe. Vu'un li Muc'ul Diosun avu'unique”, xi li Muc'ul Diose.

Habacuc 2:3

Ac'o me chjalij to li c'usi laj cac'bot avile, pero ta ono'ox xc'ot ta pasel, mu xa xjalij. Muc epalc'opuc. Ac'o me jal ta malael, malo me; yu'un mu alticuc no'ox, ta xc'ot ono'ox ta pasel.

Números 23:22

Li Dios ti la sloq'ues tal ta Egiptoe, ja' jech c'otem yu'unic jech chac c'u cha'al yip xulub tot vacax.

Números 33:1

Ja' jech ixanovic tal ta juju-ich' li israeletic c'alal iloq'uic tal ta Egiptoe. Lec jmoj xcholetic tal; ja' ventainbilic tal yu'un li Moisés xchi'uc Aarone.

San Juan 7:8

Li vo'oxuque xu' chabatic ta q'uin. Yan li vu'une mu'yuc to chibat, yu'un muc to corailuc —xi li Jesuse.

Hechos 1:7

Itac'ov li Jesuse: —Li vo'oxuque mu'yuc ta aventaic chana'beic sc'ac'alil xchi'uc yorail. Ja' no'ox Jtotic Dios xu' yu'un tspas scotol ta sventa svu'el.

Hechos 7:36

Ja' la sloq'ues tal ta Egipto li jmoltotactic ta vo'onee. La spas ep sq'uelubil stsatsal Dios te ta Egipto banamil xchi'uc ta Tsajal Nab xchi'uc ta xocol banamil cha'vinic (40) jabil.

Deuteronomio 16:1

“C'alal me laj ataic li u Abibe, pasic li q'uin Coltael sventa chavich'ic ta muc' li Muc'ul Dios cu'untique yu'un ja' ta yac'ubalil u Abib ti la sloq'uesoxuc tal ta Egiptoe.

Deuteronomio 4:37

Ja' la xc'uxubin li amoltot ayame'ic ta vo'onee. Ja' la st'ujbe noxtoc li smomnich'nabtaquique. Ta svu'el la scolta loq'uel tal ta mozoil te ta Egipto banamil.

Josué 24:5

Vu'un la jtac batel li Moisés xchi'uc Aarone, xchi'uc laj cac'be tsots svocolic li egiptoetique, jech iloq'uic o tal cu'un te ta Egipto.

Josué 5:14

Itac'ov li vinique: —Mu'yuc boch'o tal jcolta jchopuc. Li vu'une ja' no'ox talemun jech chac c'u cha'al banquilal yajsoldado li Muc'ul Diose —xi. C'alal laj ya'ay li Josuee, lic squejan spatan sba ta banamil ta stojol, jech la sjac'be: —Cajval, ¿c'usi chac'an chavalbun vu'un li avajtunelune? —xut.