Éxodo 12:36 - Bible in Tzotzil de Chenalhó with Deuterocanon

³⁶ Li Muc'ul Diose la stijbe yo'nton li egiptoetique, jech ta slequil yo'ntonic laj yaq'uic batel scotol c'usitic la sc'anic li israeletique, ja' jech la yich'beic o batel sc'ulejalic li egiptoetique.

Bible in Tzotzil de Chamula

³⁶ Jech ti egipcioetique, ac'bat xc'uxul yo'ntonic yu'un ti Diose. Jech o xal sjunul yo'ntonic laj yaq'uic batel ti c'usi ta xc'anbatic yu'un ti israeletique. Ja' jech laj spojic batel ti israeletic ti c'usi x'ayan yu'unic ti egipcioetique.

Éxodo 12:36 Iomraidhean Croise

Hechos 7:10

La scolta ta sventa svocol. La xc'uxubin, laj yac'be lec sbijil, jech lec i'ilat yu'un li faraón ajvalil ta Egiptoe. Ja' yu'un itic'at ta ajvalilal ta sventa scotol Egipto banamil, xchi'uc i'ac'bat sventain scotol c'usitic oy yu'un ta sna li faraone.

Génesis 15:14

Pero li vu'une ta to xcac'be stoj smulic ec li cristianoetic tsmozoinvanique. Ts'acal chcolic loq'uel tal li amomnich'nabtaque, ep xa sc'ulejalic chloq'uic tal.

Daniel 1:9

Li Diose laj yac' ti ac'o lec ilatuc, ti oyuc slequil yo'nton ta stojol Daniel li banquilal j'abtel yu'un ajvalile.

Salmos 105:37

Ts'acal lic sloq'ues batel li steclumale; ep c'anal taq'uin, saquil taq'uin yich'ojic loq'uel. Scotol li jaychop sts'unubal Israele lec tsotsic scotolic.

Éxodo 11:3

Li Muc'ul Diose laj yac' ti ac'o lecubuc yo'nton egiptoetic ta stojol li israeletique. Jech noxtoc li xchi'iltac ta abtel faraone xchi'uc scotol li egiptoetique laj yilic ti tsots yabtel yich'oj li Moisese.

Génesis 39:21

Pero li Muc'ul Diose te ono'ox xchi'inoj li Josee; lec la xc'uxubin. Jech lec i'ilat yu'un li banquilal jchabichuquinabe.

Hechos 2:47

Laj yalic slequilal Dios. Lec i'ilatic yu'un scotol cristianoetic. Ta jujun c'ac'al i'epajesatic yu'un Cajvaltic, yu'un laj yic' tal li boch'otic sc'oplal chcolique.

Proverbios 16:7

C'alal me lec chil Muc'ul Dios c'usitic tspas li cristianoe, c'alal ta yajcontra xu' tslecubtasbe yo'nton.

Éxodo 11:2

Li' ta orae albo ya'yic scotol achi'iltac c'alal ta vinic ta antsetic ti ac'o sc'anbeic batel c'usitic pasbil ta c'anal taq'uin, ta saquil taq'uin li egiptoetic ti te nopol nacal xchi'uquique —xut.

Esdras 1:6

Li boch'otic nopol nacal xchi'uquique laj yaq'uic batel c'anal taq'uin, saquil taq'uin, xchi'uc c'usitic yan oy yu'unic, xchi'uc sts'unub yovolic, xchi'uc c'usitic toyolic stojol, xchi'uc yantic matanaletic ti yutsil yo'nton laj yaq'uic batele.