Éxodo 12:26 - Bible in Tzotzil de Chenalhó with Deuterocanon

²⁶ C'alal me oy jech chasjac'boxuc li anich'nabique: ‘¿C'usi smelol ti vi x'elan chapasique?’, me xayutoxuque,

Bible in Tzotzil de Chamula

²⁶ C'alal xi ta xasjac'boxuc ti anich'nabique: ‘¿C'usi smelol le'e ti q'ue s'elan ta xapasique?’

Éxodo 12:26 Iomraidhean Croise

Salmos 145:4

Li jujuc'ol alab nich'nabetic chjelovique te chalilanic o batel c'u x'elan li avabtele; ta xalic ti toj muc'tic c'usitic apasoje.

Salmos 44:1

Dios cu'un, ca'yojcutic lec ta jchiquincutic, yalojbun ca'icutic jtot jme'cutic ti oy c'usi lec laj apas ta stojolic li jmoltot jyame'cutic ta vo'onee.

Éxodo 10:2

Jech li vo'oxuque xu' chavalbe ya'yic anich'nabic xchi'uc amomnich'nabic c'u x'elan laj cac'be svocolic li egiptoetique xchi'uc c'u x'elan li muc'tic sq'uelubil jtsatsal la jpas ta stojolique. Yu'un jech ac'o sna'ic ti ta melel vu'un Muc'ul Diosune —xut.

Éxodo 12:25

C'alal me la'ochic xa'ox batel ta banamil bu chayac'boxuc Muc'ul Dios jech chac c'u cha'al yaloj ono'oxe, jech me xapasilanic o, jech chac c'u cha'al la jchanubtasoxuc li'i.

Éxodo 13:22

Li toque ja' ba'yucbe ital yu'unic ta c'ac'altic. Ta ac'ubaltique ja' ba'yucbe ital yu'unic li c'oq'ue.

Isaías 38:19

Ja' no'ox xu' chalic alequilal li boch'otic cuxajtique, jech chac c'u cha'al ta jpas li' ta orae. Li totiletique chalbe ya'yic xnich'nabic c'u x'elan li slequil yutsil avo'ntone.

Efesios 6:4

Vo'oxuc totil me'iletic, mu me xasa'beic sc'ac'al yo'nton li avol anich'onique. Tuc' xats'itesic, tojobtasic lec, chanubtasic lec ta sventa li Cajvaltique.

Deuteronomio 11:19

Chanubtasic lec li anich'nabique. Alilanbeic buyuc no'ox oyoxuc, me ta anaic me ta be, xchi'uc c'alal chavayic c'alal chaliquic.

Deuteronomio 32:7

“Q'uelo sutel ava'lupat; Nopo c'usi ic'ot ta pasel ta vo'one. Jac'bo atot yu'un ac'o yalbot; jac'bo moletic yu'un ac'o xcholbot:

Deuteronomio 6:20

“C'alal me oy chc'ot sc'ac'alil jech ta sjac'boxuc li anich'nabique: ‘¿C'usi sventa ti tsc'an ta jch'untic li mantaletic xchi'uc li c'usitic yan yaloj Muc'ul Dios cu'untique?’, me xiique,

Deuteronomio 6:7

Chanubtaso scotol c'ac'al li anich'nabe. Alilanbo ya'yic scotol, buyuc no'ox oyot, me ta ana, me ta be, me ta avayab, o c'alal chalic.