Éxodo 12:23 - Bible in Tzotzil de Chenalhó with Deuterocanon

²³ C'alal ch-ech' smilbe sba xnich'nab egiptoetic li Diose, me chil li ch'ich' ti bonbil ta scotol sti' anaique, chjelov no'ox batel, mu xac' ochuc ta anaic li j'almantal chmilvane.

Bible in Tzotzil de Chamula

²³ C'alal ta x'ech' ti Dios ta syayijesel ta milel xnich'nab ti egipcioetique, ta xil ti ch'ich' ti bonbil ta sjunul smarcoil ti ti'nae, jelavel ta xjelav xtoc ti ta na taje. Ja' jech ti Diose mu xac' ochuc ta anaic ti buch'u yich'oj yabtel ta yayijesvanej ta milele.

Éxodo 12:23 Iomraidhean Croise

2 Samuel 24:16

C'alal jutuc xa'ox sc'an x'ul sjunul lum Jerusalén yu'un li j'almantale, li Muc'ul Diose lic c'uxubajuc ta yo'nton, jech laj yalbe li yaj'almantale: “Xu' xa o; mu xa xamil”, xut. Li j'almantale te xa'ox oy batel ta yav smajubil strigo li Arauna jebuseo vinique.

Job 14:13

Oyuc c'uxi xanac'un ta yavil animaetique yu'un ac'o jelovuc ba'yuc li sc'ac'al avo'ntone; xu' chavac'be yorail ti c'usi ora chlic to ana'une.

Éxodo 11:4

Li Moisese jech laj yalbe li faraone: —Jech chal li Muc'ul Diose: ‘Ta o'lol ac'ubal chijelov ta scotol Egipto banamil,

Éxodo 12:7

Ch'ambeic li xch'ich'ale. Bonic ta xcha'jotal yoyal sti' anaic xchi'uc ta smarcoal sti' anaic ti bu chati'ic li chije.

Isaías 26:20

Jteclumal, bat ochanic ta anaic, maquic lec comel li ti'naetic ta apatique; nac'o abaic muc'ta jaluc, malaic ac'o jelovuc sc'ac'al yo'nton li Muc'ul Diose.

Isaías 37:36

Jech iloc' batel li yaj'almantal Muc'ul Diose, bat smil vo'ob slajunvinic (185,000) ta mil li asiriaetic te ta scarpanaique. C'alal iliquic ta yoc'omale, puru animaetic xa te telajtic.

Ezequiel 9:4

Jech laj yalbe: “Bat xano scotol li lum Jerusalene; ac'anbo senyail ta sti'baic scotol li boch'otic ch-oq'uic, chat yo'ntonic ta scoj li c'usi toj chopol chich' pasel li' ta Jerusalene”, xut.

Ezequiel 9:6

Milic li moletique, li queremetique, li tsebetique, li ololetique, xchi'uc li antsetique; me junuc mu me xacomtsanic. Te xaliquesic ta jch'ulna. Yan li boch'otic yich'ojbeic senyaile mu me xavac' ac'obic ta stojol”, xut. Jech la sliques yabtelic ta stojol li moletic te oyic ta ch'ulnae.

1 Corintios 10:10

Mu me xabic'talvulajeticuc jech chac c'u cha'al la spasique. Yu'un ital tsots chamel ta stojolic, te ichamic o.

Hebreos 11:28

Ta sventa xch'unojel yo'nton la spasic li q'uin Coltaele, xchi'uc ti la sbonic ch'ich' ta sti' snaique, yu'un jech mu xich'ic milbel sba xnich'nabic yu'un Jmilvanej j'almantal ti c'alal chich' milbel scotol sba xnich'nab li egiptoetique.

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

Apocalipsis 7:3

Jech laj yalbe: “Mu to me xasoquesic li banamile, xchi'uc li nabe, xchi'uc li te'etique, ja' to me laj cac'be smarcail sti'baic scotol li yajtuneltac Dios cu'untique”, x'utatic.

Apocalipsis 9:4

I'albatic mantal ti mu me soquesic li ts'i'laletique, li c'usitic lec yoxique, xchi'uc li te'etique. I'albatic ti ja' no'ox ac'o yuts'intaic li boch'otic mu'yuc yich'ojic smarcail Dios ta sti'baique.