Éxodo 12:22 - Bible in Tzotzil de Chenalhó with Deuterocanon

²² Ch'ambeic li xch'ich'ale. Sa'ic tal jyomuc isopo te', ts'ajic ta ch'ich', bonic ta xcha'jotal yoyal sti' anaic xchi'uc ta smarcoaltac. Pero me junuc mu me boch'o xloc' ta sna avu'unic, ja' to me isacub osile.

Bible in Tzotzil de Chamula

²² Ti xch'ich'ele, tsots sc'oplal ta xach'amic ta jun xch'amobil. C'asic talel xtoc jyomuc yanal hisopo te', ti ts'ajic ta ch'ich'e. Bonic ta ch'ich' sjunul smarcoil ti ti'nae. Mu me buch'u junucal xloc' batel ta sna c'alal mu to ta sacub ti osile.

Éxodo 12:22 Iomraidhean Croise

Salmos 51:7

Lecubtasun ta isopo te', jech lecuben chicom o; pocun me, jech xjelov to jsaquil chicom jech chac c'u cha'al li tayoe.

Éxodo 12:7

Ch'ambeic li xch'ich'ale. Bonic ta xcha'jotal yoyal sti' anaic xchi'uc ta smarcoal sti' anaic ti bu chati'ic li chije.

Isaías 26:20

Jteclumal, bat ochanic ta anaic, maquic lec comel li ti'naetic ta apatique; nac'o abaic muc'ta jaluc, malaic ac'o jelovuc sc'ac'al yo'nton li Muc'ul Diose.

Números 19:18

Ac'o taluc junuc vinic ti lec oye. Ac'o stsac jecuc sc'ob hisopo te', ac'o sts'aj ta vo'. Ac'o svij ta sba li carpanae, xchi'uc scotol li sbele, xchi'uc li boch'otic te oyic ta yute. Xchi'uc ac'o svij noxtoc li boch'o la spic sbaquil anima, o me sbec'tal anima ti milbil ichame, o me ja' ti jech no'ox icham stuque, o me ja' la spic li muquinaltique.

San Mateo 26:30

C'alal la sq'uejintaic jun q'ueoje, iloq'uic batel; ibatic ta vits Olivatic.

Hebreos 11:28

Ta sventa xch'unojel yo'nton la spasic li q'uin Coltaele, xchi'uc ti la sbonic ch'ich' ta sti' snaique, yu'un jech mu xich'ic milbel sba xnich'nabic yu'un Jmilvanej j'almantal ti c'alal chich' milbel scotol sba xnich'nab li egiptoetique.

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

Hebreos 9:1

Li c'usi ba'yuc chapanbile, oy lec mantal yu'un c'u x'elan chich'ic ta muc' li Diose, xchi'uc oy lec jbej xch'ulnail li' ta banamil.

Hebreos 9:14

Buuc xa li xch'ich'al Cristoe, j'ech'el la spocbutic o loq'uel ta jol ta co'ntontic li c'usi mu'yuc stu la jpastique, yu'un jech ja' xa chlic tuncutic yu'un li cuxul Diose. Yu'un li stuque mu'yuc smul ta stojol li Diose. Stuc laj yac' sba ta smoton Dios ta jventatic sventa sbatel osil ta sventa li Ch'ul Espiritue.

Hebreos 9:19

Yu'un c'alal ilaj yo'nton ta yaptael scotol mantaletic ta stojol steclumal li Moisese, lic stsac li xch'ich'al ch'ium tot vacaxetique xchi'uc li xch'ich'al tot tentsunetic capal ta vo'e. La stsac noxtoc sc'ob isopo te' xchi'uc tsotsil chij bonbil ta tsoj. La svij ta ch'ich' li svunal mantaletique xchi'uc scotol li steclumale.

Josué 2:19

Pero me oy boch'o ta xloc' batel li' ta anae, ja' xa ta smul stuc me ichame; muc vu'cun chcom ta jventacutic. Pero me oy c'usi spas junuc li boch'o li' oy ta anae, ja' vu'un chcom ta jventacutic.

1 Pedro 1:2

Vo'oxuc ti t'ujbiloxuc ono'ox yu'un Dios Totil ta sventa ti jech ono'ox snopoje, xchi'uc ta sventa ti laj xa slecubtasoxuc li Ch'ul Espiritue, yu'un jech ac'o ach'unic, ac'o avich'ic lecubtasel ta sventa xch'ich'al li Cajvaltic Jesucristoe. Ac'o ataic ep c'uxubinel xchi'uc ac'o ataic o jun avo'ntonic.