Éxodo 12:21 - Bible in Tzotzil de Chenalhó with Deuterocanon

²¹ Li Moisese la stac ta iq'uel scotol li banquilaletic yu'un israeletique, jech laj yalbe: “Batanic, bat tsaquic jcotuc ch'ium chij, o me ch'ium tentsun ta jujubej anaic. Milic, yu'un ta jpastic li q'uin Coltaele.

Bible in Tzotzil de Chamula

²¹ Jech ti Moisese laj stac ta iq'uel ti banquilal moletic yu'un ti Israel ti xi laj yalbee: “Batanic, ba tsaquic talel jcotuc ti ch'iom tot chije, mi ja' jcotuc ti ch'iom tot tentsun ti ta xtun avu'unic xchi'uc ti avalab anich'nabique. Ta xamilic xtoc yo' jech ta xich' pasel ti q'uin sventa Colele.

Éxodo 12:21 Iomraidhean Croise

2 Reyes 23:21

Li ajvalile jech lic yalbe scotol li israeletique: “Jpastic q'uin Coltael ta sventa li Muc'ul Dios cu'untic jech chac c'u cha'al ts'ibabil ta svunal li c'usi chapanbil li'i”, xut.

Esdras 6:20

Li paleetic xchi'uc levietique yac'oj xa sbaic ta lecubtasel scotolic. Ja' yu'un la smilic li smoton Dios sventa q'uin Coltael ta sventa scotol li xchi'iltaquic ti i'ayic tal ta chuquel ta yan banamile, xchi'uc ta sventa li xchi'ilic ta paleale, xchi'uc ta sventa stuquic.

Éxodo 12:11

C'alal chati'ique, chapalucoxuc me lec. Alapojuc xa lec ac'u'ic xchi'uc axonobic, xchi'uc atsacojuc xa lec anamte'ic, anil xa no'ox xati'ic li chije yu'un ja' xa q'uin Coltael cu'un; vu'un li Muc'ul Diosune.

Éxodo 12:20

Ja' yu'un mu me xave'ic pan ti yich'oj svolesubil xch'ute. Buyuc no'ox nacaloxuc, ja' no'ox xave'ic pan ti mu'yuc yich'oj svolesubil xch'ute’, uto li achi'iltaque”, xi li Muc'ul Diose.

Éxodo 12:3

Albo ya'yic scotol achi'iltac ta israelal jech chac li'i: ‘Ta slajunebal c'ac'al yochel li u li'i, milic jujucot ch'ium tot chij, o me ch'ium tot tentsun ta jujubej anaic.

Éxodo 17:5

Itac'ov li Muc'ul Diose: —Jelovan batel ta ba'yucbe, ic'o batel achi'in jayibuc li banquilaletic yu'un achi'iltaque. Batan, ich'o batel noxtoc li anamte' ti laj amaj o uc'um Niloe.

Éxodo 19:7

Ja' yu'un li Moisese lic yic'an li banquilaletic yu'un israeletique. Laj yalbe ya'yic scotol li c'usitic i'albat yu'un Muc'ul Diose.

Éxodo 3:16

Batan, bat tsobo scotol li banquilaletic yu'un achi'iltaque, jech xavalbe: ‘Li Muc'ul Diose, ja' li Dios yu'un jmoltotic ta vo'onee, ja' li Dios yu'un Abraham, Isaac, xchi'uc Jacobe, laj yac' sba ta ilel ta jtojol. Laj yalbun ti oy ta yo'nton tsc'an chascoltaoxuque, yu'un laj yil li c'usi chapasbatic li' ta Egiptoe.

Números 11:16

Li Muc'ul Diose jech laj yal: —Tsobo lajunebuc xchanvinic (70) moletic ti ja' israel viniquetique, ti ana'oj ti oy yabtelic ta stojol achi'iltac ta israelale. Ic'o tal te ta ch'ulna pasbil ta nucul; te xamalaicun.

1 Corintios 10:4

Scotolic laj yuch'ic li ch'ul vo'e, yu'un laj yuch'beic ya'lel li ch'ul ch'en te xchi'uquique. Li ch'ene ja' li Cristoe.

Hebreos 11:28

Ta sventa xch'unojel yo'nton la spasic li q'uin Coltaele, xchi'uc ti la sbonic ch'ich' ta sti' snaique, yu'un jech mu xich'ic milbel sba xnich'nabic yu'un Jmilvanej j'almantal ti c'alal chich' milbel scotol sba xnich'nab li egiptoetique.

Josué 5:10

Li israeletique te la spas scarpanaic ta Gilgal. Ta xchanlajunebal c'ac'al yochel li u stsacojique ta sbatel c'ac'al la spasic q'uin Coltael, te ta stenlejaltic Jericó.