Éxodo 12:2 - Bible in Tzotzil de Chenalhó with Deuterocanon

² “Li u li'i, ja' li sliqueb u yu'un jabile, tsots me sc'oplal chcom avu'unic.

Bible in Tzotzil de Chamula

² —Ti u li'e, na'bil lec ta xcom avu'unic, yu'un ja' sliqueb u yu'un ti jabile.

Éxodo 12:2 Iomraidhean Croise

Ester 3:7

Ta sba u Nisán ta xlajchabal jabil yochel ta ajvalilal li Asueroe, la spasic canal tajimol te ta stojol Amán ta sventa tsna'ic c'usi c'ac'alil, c'usi ual xu' tspasic li c'usi la snope. Ja' ic'ot ta yoxlajunebal (13) c'ac'al yochel li xlajchabal ue, ja' ta yual Adar.

Éxodo 12:1

Li Moisés xchi'uc Aarone ic'opanatic yu'un Muc'ul Dios te ta Egipto. Jech i'albatic:

Éxodo 12:18

C'alal chlic ave'ic li pan ti mu'yuc yich'oj svolesubil xch'ute, ja' ta bat c'ac'al li xchanlajunebal (14) sliqueb ue, c'alal to ta bat c'ac'al ta jun xcha'vinic (21) li sliqueb ue.

Éxodo 12:3

Albo ya'yic scotol achi'iltac ta israelal jech chac li'i: ‘Ta slajunebal c'ac'al yochel li u li'i, milic jujucot ch'ium tot chij, o me ch'ium tot tentsun ta jujubej anaic.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 13:4

Li c'usi ora laloq'uic tal li'i ja' ta u Abib.

Éxodo 23:15

Pasic q'uin sventa pan ti mu'yuc yich'oj svolesubil xch'ute, jech chac c'u cha'al calojboxuc ono'oxe. Vucub c'ac'al xave'ic batel pan ti mu'yuc yich'oj svolesubil xch'ute. Li c'usi ual calojboxuc ono'oxe, ja' li u Abibe, yu'un ja' jech u ti laloq'uic tal ta Egiptoe. Mu'yuc boch'o xu' chtal ta jtojol ti me mu'yuc c'usi yich'oj tal jutuque.

Éxodo 34:18

“Pasic me li q'uin sventa pan ti mu'yuc yich'oj svolesubil xch'ut, jech chac c'u cha'al calojboxuc ono'oxe. Vucub c'ac'al xave'ic pan ti mu'yuc yich'oj svolesubil xch'ute. Li c'usi ora calojboxuc chapasique ja' ta Abib, yu'un ja' jech u ti laloq'uic tal ta Egiptoe.

Éxodo 40:17

Ta sba c'ac'al li sliqueb u ta xchibal jabil sloq'uelic tal ta Egiptoe, ja'o imeltsaj li ch'ulna pasbil ta nucule.

Ezequiel 45:18

“Jech chcal noxtoc vu'un li Muc'ul Diosune: Ta sliquebal li sba ue xavac'bicun jmotonin jcot ch'ium tot vacax ti bu ven leque; ja' sventa chalecubtasic o li ch'ulna cu'une.

Ezequiel 45:21

Ta xchanlajunebal (14) c'ac'al yochel li sba ue, ja'o xlic apasic li q'uin Coltaele; vucub c'ac'al xlic ave'ic batel pan ti mu'yuc yich'oj svolesubil xch'ute.

Levítico 23:5

“Ta sbatel c'ac'al ta xchanlajunebal c'ac'al yochel li sliqueb ue, ja' yorail tsc'an chapasic li q'uin Coltael sventa chavich'icun ta muq'ue.

Números 28:16

“Ta xchanlajunebal c'ac'al yochel li sba u ta sliqueb jabile pasic q'uin Coltael sventa chavich'icun ta muc'.

Deuteronomio 16:1

“C'alal me laj ataic li u Abibe, pasic li q'uin Coltael sventa chavich'ic ta muc' li Muc'ul Dios cu'untique yu'un ja' ta yac'ubalil u Abib ti la sloq'uesoxuc tal ta Egiptoe.