Éxodo 12:19 - Bible in Tzotzil de Chenalhó with Deuterocanon

¹⁹ Li vucub c'ac'ale tsc'an ti mu'yuc boch'o oy svolesubil xch'ut pan te ta snae. Me oy boch'o tsve' pan ti yich'oj svolesubil xch'ute, taquic loq'uel ta atojolic, ac'o me yanlum cristiano, o me vo'oxuc li israeloxuque.

Bible in Tzotzil de Chamula

¹⁹ Vucub c'ac'al sjalil mi ja'uc jset'uc ta xavac'beic spajobtasobil ti pane. Buch'uuc no'ox ta sve' pan ti yich'oj spajubtasobile, ta xich' jipel loq'uel ta stojol ti Israele, manchuc mi ja' jyanlum, mi ja' israel.

Éxodo 12:19 Iomraidhean Croise

Éxodo 12:15

Vucub c'ac'al te xlic ave'ic batel pan ti mu'yuc yich'oj svolesubil xch'ute. Ta sba c'ac'ale tsc'an mu'yuc xa boch'o oy svolesubil xch'ut pan te ta sna. Me oy boch'o tsve' pan ti yich'oj svolesubil xch'ut li vucub c'ac'al xbate, taquic loq'uel ta atojolic.

Éxodo 12:20

Ja' yu'un mu me xave'ic pan ti yich'oj svolesubil xch'ute. Buyuc no'ox nacaloxuc, ja' no'ox xave'ic pan ti mu'yuc yich'oj svolesubil xch'ute’, uto li achi'iltaque”, xi li Muc'ul Diose.

Éxodo 12:43

Li Moisés xchi'uc Aarone jech i'albatic yu'un li Muc'ul Diose: “Li'i ja' mantal ta sventa li q'uin Coltaele: Me junuc yanlum cristiano mu xu' tsti' li jmoton chich' milele.

Éxodo 12:48

Pero me oy junuc yanlum cristiano te achi'uquic ta naclej ti tsc'an tspas ec li q'uin ta sventa chavich'icun ta muq'ue, ja' tsc'an ba'yuc ac'o yich' circuncisión scotol li viniquetic te ta snaique. Me la spas jeche, xu' xa tspas li q'uine, yu'un ja' xa jech chc'ot jech chac c'u cha'al li boch'o te voq'uem ta avosilalique. Pero me mu'yuc yich'ojic circuncisione, mu xu' tsti'ic li chije.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 13:7

Li vucub c'ac'al chave'ic pan ti mu'yuc yich'oj svolesubil xch'ute, tsc'an ti mu'yuc boch'o oy svolesubil xch'ut pan yu'une, xchi'uc tsc'an mu'yuc boch'o oy pan yu'un ti yich'oj svolesubil xch'ut ta scotol ti c'u smuc'ul avosilalique.

Éxodo 23:15

Pasic q'uin sventa pan ti mu'yuc yich'oj svolesubil xch'ute, jech chac c'u cha'al calojboxuc ono'oxe. Vucub c'ac'al xave'ic batel pan ti mu'yuc yich'oj svolesubil xch'ute. Li c'usi ual calojboxuc ono'oxe, ja' li u Abibe, yu'un ja' jech u ti laloq'uic tal ta Egiptoe. Mu'yuc boch'o xu' chtal ta jtojol ti me mu'yuc c'usi yich'oj tal jutuque.

Éxodo 30:33

Me oy boch'o tspas yan aceite co'ol jech chac c'u cha'al li'i, o me tsmalbe ta sjol boch'ouc no'oxe, ac'o yich' loq'uesel ta atojolic’, uto”, xi li Muc'ul Diose.

Éxodo 34:18

“Pasic me li q'uin sventa pan ti mu'yuc yich'oj svolesubil xch'ut, jech chac c'u cha'al calojboxuc ono'oxe. Vucub c'ac'al xave'ic pan ti mu'yuc yich'oj svolesubil xch'ute. Li c'usi ora calojboxuc chapasique ja' ta Abib, yu'un ja' jech u ti laloq'uic tal ta Egiptoe.

Levítico 23:5

“Ta sbatel c'ac'al ta xchanlajunebal c'ac'al yochel li sliqueb ue, ja' yorail tsc'an chapasic li q'uin Coltael sventa chavich'icun ta muq'ue.

Números 9:13

Yan li boch'o ta scomtsan spasel q'uin Coltael ti c'alal lec oye, xchi'uc me mu'yuc bu nom bateme, ac'o yich' loq'uesel ta stojol li xchi'iltaque. Jech noxtoc, ta sventa ti muc xac' li smoton Muc'ul Dios ta yorail c'usi ora albile, ac'o stoj smul.

Deuteronomio 16:3

“Li matanal chavaq'uique, ve'anic xchi'uc pan ti mu'yuc yich'oj svolesubil xch'ute. Vucub c'ac'al xave'ic li pan ti mu'yuc yich'oj svolesubil xch'ute, yu'un ja' pan sventa vocol, yu'un ta anil no'ox latalic ti c'alal laloq'uic tal ta Egiptoe. Jech yu'un ti jayib c'ac'al cuxuloxuque, ja' sna'ubil avu'unic li c'usi ora laloq'uic tal ta Egiptoe.