Éxodo 12:16 - Bible in Tzotzil de Chenalhó with Deuterocanon

¹⁶ Ta sba c'ac'al xchi'uc ta svucubal c'ac'ale, tsc'an chapasic jun ch'ul tsobajel. Li chib c'ac'al le'e mu xu' cha'abtejic. Ja' no'ox xu' chameltsan jutuc ave'elic.

Bible in Tzotzil de Chamula

¹⁶ Ti c'u s'elan ta xapasic ti ta sliquebal sba c'ac'ale, ja' jech ta xapasic ti ta yucubal c'ac'ale, yu'un ta xapasic ch'ul tsoblej. Yu'un ti jech c'ac'al taje, mu xa'abtejic, ja' no'ox mi tsots sc'oplal ta xameltsan ave'elic ti jujune.

Éxodo 12:16 Iomraidhean Croise

Éxodo 16:23

Li Moisese jech laj yal: —Le'e ja' jech yaloj mantal li Muc'ul Diose, yu'un li oc'ome ja' xa ch'ul c'ac'al; yorail ta jcux co'ntontic. Ja' xcuxubil co'ntontic ti voc'bil yu'un Muc'ul Diose. Meltsanic me oy meltsanel tsc'an ave'elique. Panic me oy c'usi panel tsc'an avu'unique. Li scomelale naq'uic sventa oc'om —xut.

Éxodo 16:29

Na'ic me ti vu'un cac'oj li jun c'ac'al sventa chacux avo'ntonic, vu'un li Muc'ul Diosune. Ja' yu'un ta svaquibal c'ac'ale chacac'boxuc ave'elic sventa chib c'ac'al. Ta svucubal c'ac'ale mu'yuc xa boch'o xu' chloc' ta sna avu'unic li jujunoxuque; te no'ox chacomic o —xut.

Éxodo 16:5

Ta svaquibal c'ac'ale, tsc'an chatsobic cha'tsop sventa chib c'ac'al. Meltsanic lec sventa yoc'omal —x'utat li Moisese.

Éxodo 20:10

Yan li svucubal c'ac'ale ja' xcuxubil avo'ntonic; ja' sventa chavich'icun ta muc', vu'un li Muc'ul Diosun avu'unique. Mu me boch'o spas jchopuc abtel avu'unic li jun c'ac'al le'e. Manchuc me vo'ot, me aquerem, me atseb, me amozo, me aquiara, me aca', me avacax, me yanlum ti co'ol te nacaloxuc achi'uquique.

Éxodo 34:18

“Pasic me li q'uin sventa pan ti mu'yuc yich'oj svolesubil xch'ut, jech chac c'u cha'al calojboxuc ono'oxe. Vucub c'ac'al xave'ic pan ti mu'yuc yich'oj svolesubil xch'ute. Li c'usi ora calojboxuc chapasique ja' ta Abib, yu'un ja' jech u ti laloq'uic tal ta Egiptoe.

Isaías 1:13

Mu xa xavich'bicun tal yan matanal; i'ech' xa co'nton yu'un li xch'ayilal apomique. Mu xa sts'ic cu'un ti chatsobic tal scotol achi'iltaquic yu'un chapasic q'uin sventa ach' u, xchi'uc sventa chatsob abaic ta sc'ac'alil chacux avo'ntonique; mu'yuc stu chquil li q'uin chapasique yu'un toj chopoloxuc.

Levítico 23:21

“Li jun c'ac'al le'e tsc'an chapasic jun ch'ul tsobajel sventa chavich'icun ta muc'. Mu me boch'o spas jchopuc tsatsal abtel. Li'i ja' jun mantal chcom o ta atojolic c'alal ta avalab anich'nabic ti buyuc no'ox nacaloxuque.

Levítico 23:27

“Ta slajunebal c'ac'al yochel li svucubal ue ja' xa Sc'ac'alil Xch'ayubil Mulil. Tsc'an chapasic jun ch'ul tsobajel sventa chavich'icun ta muc'; tsc'an chavictaic ixim, xchi'uc tsc'an chachic'bicun jmoton sventa chavich'icun ta muc'.

Levítico 23:35

Ta sba c'ac'ale pasic jun ch'ul tsobajel sventa chavich'icun ta muc'. Mu me boch'o spas jchopuc abtel avu'unic.

Números 28:18

Ta sliquebal c'ac'al li vucub c'ac'ale xapasic jun ch'ul tsobajel. Pero li jun c'ac'al le'e, me junuc mu me boch'o spas jchopuc abtel avu'unic.

Números 28:25

Ta svucubal c'ac'ale tsc'an chapasic jun ch'ul tsobajel noxtoc. Li jun c'ac'al le'e, me junuc mu me boch'o spas jchopuc abtel avu'unic.

Números 28:26

“C'alal chapasic li q'uin sventa sba sat c'usitic chloc' avu'unic yu'un chavac'beic smotonin Muc'ul Dios li trigo sventa chlic xa atuch'ique, ja' li q'uin yu'un Xemunaetique, tsc'an chapasic jun ch'ul tsobajel. Li jun c'ac'al le'e me junuc mu me boch'o spas jchopuc abtel avu'unic.

Números 29:1

“Li sba c'ac'al ta svucubal ue, pasic jun ch'ul tsobajel ta jventa. Li jun c'ac'al le'e me junuc mu me boch'o spas jchopuc abtel avu'unic. Ja' yorail chajupanic li oq'uesetique.

Números 29:12

“Ta svo'lajunebal c'ac'al yochel li svucubal ue, pasic yan jun ch'ul tsobajel ta jventa. Li jun c'ac'al le'e mu me boch'o spas jchopuc abtel avu'unic. Te xlic apasic batel vucubuc c'ac'al q'uin sventa chavich'icun ta muc'.

San Juan 19:31

Ta sventa ti ja' xa yorail ta xchapan sbaic ta sventa q'uin Coltaele, xchi'uc ti ja' xa sc'ac'alil cux o'nton ta yoc'omale, jech mu xu' ti te joc'ol ta cruz ta xcom li sbec'talique. Ja' yu'un li j'abteletique la sc'anbeic vocol Pilato ti ac'o bat yich'ic c'asbel yacanique, yu'un jech xu' chich'ic yalesbel ta scruz sbec'talic me ichamique. Yu'un jech ono'ox tsots sc'oplal ta xc'ot li jun c'ac'al cux o'nton ta yech'el q'uin Coltaele.

Deuteronomio 16:8

Vaquib c'ac'al xave'ic li pan ti mu'yuc yich'oj svolesubil xch'ute. Ta svucubal c'ac'ale jmoj xatsob abaic acotolic ta sventa chavich'ic ta muc' li Muc'ul Dios cu'untique. Li jun c'ac'al le'e mu me xapasic jchopuc abtel.