Éxodo 12:15 - Bible in Tzotzil de Chenalhó with Deuterocanon

¹⁵ Vucub c'ac'al te xlic ave'ic batel pan ti mu'yuc yich'oj svolesubil xch'ute. Ta sba c'ac'ale tsc'an mu'yuc xa boch'o oy svolesubil xch'ut pan te ta sna. Me oy boch'o tsve' pan ti yich'oj svolesubil xch'ut li vucub c'ac'al xbate, taquic loq'uel ta atojolic.

Bible in Tzotzil de Chamula

¹⁵ Vucub c'ac'al sjalil ta xave'ic pan ti mu'yuc yich'oj ti spajubtasobile. Yu'un ta xlic ta sliquebal sba c'ac'al ti ch'abal xa yich'oj spajubtasobil ti pan ta anaique. Buch'uuc no'ox ta sve' pan ti yich'oj spajubtasobil ti vucub c'ac'al taje, tenbil ta xloc' ta stojol ti israeletique.

Éxodo 12:15 Iomraidhean Croise

Génesis 17:14

Yan li boch'o mu'yuc yich'oj circuncisione, ac'o yich' loq'uesel ta atojolic ta scoj ti mu xich' ta muc' li c'usi chapanbil cu'une —xut.

2 Crónicas 30:21

Jech scotol li israeletic te oyic ta Jerusalene xcuxet no'ox yo'ntonic la spasic vucub c'ac'al li q'uin sventa tsve'ic pan ti mu'yuc yich'oj svolesubil xch'ute. Li paleetic xchi'uc levietique jujun c'ac'al tsq'uejintabeic slequilal Muc'ul Dios ta ch'ul sonetic ti lec tsots xbaq'uique.

Esdras 6:22

Xcuxet no'ox yo'ntonic la spasic vucub c'ac'al li q'uin sventa tsve'ic pan ti mu'yuc yich'oj svolesubil xch'ute. Yu'un i'ac'bat lec xcuxetel yo'ntonic yu'un Muc'ul Dios ta sventa ti ic'uxubinatic yu'un li ajvalil ta Persia, xchi'uc ti icoltaatic ta xcha'pasel li ch'ulna yu'un Diose, ja' li Dios yu'un Israele.

Éxodo 12:8

Te no'ox ta yac'ubalil xati'ic li chije. Vobil ta c'oc' xapasic. Capal ta ch'ail vomol xati'ic, xchi'uc ta pan ti mu'yuc yich'oj svolesubil xch'ute.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 23:15

Pasic q'uin sventa pan ti mu'yuc yich'oj svolesubil xch'ute, jech chac c'u cha'al calojboxuc ono'oxe. Vucub c'ac'al xave'ic batel pan ti mu'yuc yich'oj svolesubil xch'ute. Li c'usi ual calojboxuc ono'oxe, ja' li u Abibe, yu'un ja' jech u ti laloq'uic tal ta Egiptoe. Mu'yuc boch'o xu' chtal ta jtojol ti me mu'yuc c'usi yich'oj tal jutuque.

Éxodo 30:33

Me oy boch'o tspas yan aceite co'ol jech chac c'u cha'al li'i, o me tsmalbe ta sjol boch'ouc no'oxe, ac'o yich' loq'uesel ta atojolic’, uto”, xi li Muc'ul Diose.

Éxodo 30:38

Me oy boch'o ta spas jech co'ol sventa chich'be yiq'ue, ac'o yich' loq'uesel ta atojolic”, xi li Muc'ul Diose.

Éxodo 31:14

Ja' tsc'an chavich'ic ta muc' li sc'ac'alil chacux avo'ntonique yu'un ja' jun c'ac'al ti ts'u'iltasbil ta aventaique. Li boch'o mu xich' ta muq'ue, ac'o yich' milel. Xchi'uc li boch'o ta spas jchopuc abtel li jun c'ac'al le'e, ac'o yich' loq'uesel ta atojolic.

Éxodo 34:18

“Pasic me li q'uin sventa pan ti mu'yuc yich'oj svolesubil xch'ut, jech chac c'u cha'al calojboxuc ono'oxe. Vucub c'ac'al xave'ic pan ti mu'yuc yich'oj svolesubil xch'ute. Li c'usi ora calojboxuc chapasique ja' ta Abib, yu'un ja' jech u ti laloq'uic tal ta Egiptoe.

Éxodo 34:25

“Li xch'ich'al jmoton chamilbicune, mu me co'oluc xavac'bicun xchi'uc li pan yich'oj svolesubil xch'ute, xchi'uc mu me xaq'uejic comel sventa yoc'omal li jmoton chamilbicun ta sventa q'uin Coltaele.

Levítico 17:10

“Me oy boch'o ta sti' ch'ich', me israel, o me yanlum ti te co'ol nacaloxuc achi'uquique, ta jcontrain li boch'o jech ta spase. Ta jtu'pbe sts'unubal te ta atojolic.

Levítico 17:14

Yu'un ta sventa xch'ich'al cuxulic li c'usitic cuxajtique. Ja' yu'un calojboxuc ti mu xu' chati'beic xch'ich'al li c'usitic chamilique yu'un ja' te cuxulic o ta xch'ich'alic. Li boch'o ta sti'be xch'ich'ale, ac'o yich' loq'uesel ta atojolic, xcut ono'ox li achi'iltaque.

Malaquías 2:12

Ac'o tu'pbatuc sts'unubal yu'un Muc'ul Dios ta stojol smomnich'nab Jacob li boch'o jech tspas chac le'e, boch'ouc no'ox, ac'o me chich'beic tal smoton li Muc'ul Dios ti tspas ta mantal scotol te ta vinajele.

Números 28:17

Ta svo'lajunebal c'ac'ale ja' xa mero sc'ac'alil li q'uine. Vucub c'ac'al te chlic ave'ic pan ti mu'yuc yich'oj svolesubil xch'ute.

Números 9:13

Yan li boch'o ta scomtsan spasel q'uin Coltael ti c'alal lec oye, xchi'uc me mu'yuc bu nom bateme, ac'o yich' loq'uesel ta stojol li xchi'iltaque. Jech noxtoc, ta sventa ti muc xac' li smoton Muc'ul Dios ta yorail c'usi ora albile, ac'o stoj smul.

San Mateo 16:12

Jech te laj ya'ibeic o smelol ti mu ja'uc ta sventa svolesubil xch'ut pan ti tsc'an ta sq'uel sbaic yu'une. Ja' smelol ti ac'o sq'uel sbaic ta sventa c'u x'elan ta xchanubtasvan li fariseoetic xchi'uc saduceoetique.

San Lucas 12:1

C'alal ja'o chlo'ilaj li Jesuse, la stsob sbaic tal ta stojol ep ta mil cristianoetic; te ta snet'ilan sbaic scotolic. Li Jesuse ba'yuc jech laj yalbe li yajchanc'optaque: “Q'uelo me abaic ta sventa svolesubil xch'ut pan yu'un li fariseoetique, yu'un ja' no'ox chlo'lavanic.

San Lucas 2:43

C'alal ilaj c'op q'uine, isutic batel ta snaic li José xchi'uc Mariae. Muc sna'ic me te icom ta Jerusalén li squeremique.

Hechos 12:3

C'alal laj yil Herodes ti toj lec laj ya'yic li yantic judioetique, jech la stsac noxtoc li Pedroe. Ja'o ta yorail q'uin sventa pan ti mu'yuc yich'oj svolesubil xch'ute.

Gálatas 5:12

Li boch'otic ja' no'ox tsc'an chasoquesboxuc avo'ntonique, toj lec ti oyuc c'uxi josbaticuc o loq'uel li c'usi yich'ojique.

Deuteronomio 16:3

“Li matanal chavaq'uique, ve'anic xchi'uc pan ti mu'yuc yich'oj svolesubil xch'ute. Vucub c'ac'al xave'ic li pan ti mu'yuc yich'oj svolesubil xch'ute, yu'un ja' pan sventa vocol, yu'un ta anil no'ox latalic ti c'alal laloq'uic tal ta Egiptoe. Jech yu'un ti jayib c'ac'al cuxuloxuque, ja' sna'ubil avu'unic li c'usi ora laloq'uic tal ta Egiptoe.

Deuteronomio 16:5

Mu xu' buyuc no'ox xavaq'uic smoton Dios ta sventa q'uin Coltael ta junuc lum yo' bu chayac'boxuc li Muc'ul Dios cu'untique.

Deuteronomio 16:8

Vaquib c'ac'al xave'ic li pan ti mu'yuc yich'oj svolesubil xch'ute. Ta svucubal c'ac'ale jmoj xatsob abaic acotolic ta sventa chavich'ic ta muc' li Muc'ul Dios cu'untique. Li jun c'ac'al le'e mu me xapasic jchopuc abtel.