Éxodo 12:14 - Bible in Tzotzil de Chenalhó with Deuterocanon

¹⁴ Li jun c'ac'al le'e ja' tsc'an ti mu xch'ay ta avo'ntonique. Tsc'an chapasilanic jun muc'ta q'uin sventa chavich'icun ta muc'; vu'un li Muc'ul Diosune. Ja' jun mantal chcom o ta atojolic c'alal to ta jayc'ol avalab anich'nabic.

Bible in Tzotzil de Chamula

¹⁴ Taje, ja' jun c'ac'al ti tsots sc'oplal ti ta xavules ta ajolique, xchi'uc ti ta xapasic jun muc'ul q'uin ta sventa yich'el ta muc' ti Diose. Yu'un ta xc'ot ta jbel c'usi albil ti tsots sc'oplale, ti na'bil ta xcom ta ajolic ta spasel ti q'uine, ti jech ta xcom ta stojol ti totil me'ile xchi'uc ti alab nich'nabiletique.

Éxodo 12:14 Iomraidhean Croise

2 Reyes 23:21

Li ajvalile jech lic yalbe scotol li israeletique: “Jpastic q'uin Coltael ta sventa li Muc'ul Dios cu'untic jech chac c'u cha'al ts'ibabil ta svunal li c'usi chapanbil li'i”, xut.

Salmos 111:4

Mu xch'ay o ta o'ntonal ti toj labalic sba c'usi spasoje; ja' jc'anvanej jc'uxubinvanej stuc li Muc'ul Diose.

Salmos 135:13

Muc'ul Dios, sbatel osil te oy o li abie; mu xach'ay o ta alel ti jayc'ol alab nich'nabetic chjelovic li' ta banamile.

Éxodo 12:17

Li q'uin sventa pan ti mu'yuc yich'oj svolesubil xch'ute tsots sc'oplal tsc'an chana'ilanic o, yu'un ja' sc'ac'alil la jloq'uesoxuc ta Egipto. Jech jmantal chcom o c'alal ta avalab anich'nabic ti ac'o apasilanic li q'uine.

Éxodo 12:24

Li mantal li'i, ich'ic me ta muc' li vo'oxuque xchi'uc c'alal ta amomnich'nabic. Ja' jun mantal chcom o ta atojolic.

Éxodo 12:43

Li Moisés xchi'uc Aarone jech i'albatic yu'un li Muc'ul Diose: “Li'i ja' mantal ta sventa li q'uin Coltaele: Me junuc yanlum cristiano mu xu' tsti' li jmoton chich' milele.

Éxodo 12:6

Mu to xamilic, te to xanaq'uic c'alal ta xchanlajunebal c'ac'al yochel li u li'i. Ta smalel c'ac'al ta xchanlajunebal li u li'i, acotolic li israeloxuque ja'o xamilic li chij, o li tentsune.

Éxodo 23:15

Pasic q'uin sventa pan ti mu'yuc yich'oj svolesubil xch'ute, jech chac c'u cha'al calojboxuc ono'oxe. Vucub c'ac'al xave'ic batel pan ti mu'yuc yich'oj svolesubil xch'ute. Li c'usi ual calojboxuc ono'oxe, ja' li u Abibe, yu'un ja' jech u ti laloq'uic tal ta Egiptoe. Mu'yuc boch'o xu' chtal ta jtojol ti me mu'yuc c'usi yich'oj tal jutuque.

Éxodo 27:21

Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Éxodo 5:1

Ja' yu'un li Moisés xchi'uc Aarone bat sc'opanic li faraone. Jech c'ot yalbeic: —Jech ta xal li Muc'ul Diose, ja' li Dios yu'un Israele: ‘Coltabun batel li jteclumale yu'un chbat spasic jun q'uin te ta xocol banamil sventa chiyich'icun ta muc'’, xi —xutic c'otel.

Ezequiel 46:14

Jech noxtoc ac'beic vucub anmul trigo xchi'uc jun litro aceite; ja' ac'o yich' vots'el o li arinae. Le'e ja' mantal chcom o ta atojolic ti tsc'an jech chapasic ta jujun sobe.

Levítico 23:6

“Ta svo'lajunebal c'ac'ale ja' xa yorail chapasic li q'uin sventa pan ti mu'yuc yich'oj svolesubil xch'ute; ja' sventa chavich'icun ta muc'. Vucub c'ac'al chlic ave'ic pan ti mu'yuc yich'oj svolesubil xch'ute.

Zacarías 6:14

Li coronae te chcom ta ch'ulna yu'un Muc'ul Dios; ja' sventa sna'ubilic li Helem, Tobías, Jedaías, xchi'uc Hen, ja' li xnich'on Sofoniase.

Números 10:8

Li boch'otic oy ta sventaic sjupanel li oq'uesetique, ja' li paleetic smomnich'nabtac Aarone. Li'i ja' jun mantal ta xcom o ta atojolic ti jayib c'ac'al cuxuloxuque.

Números 15:15

Li mantaletic laj calboxuque, ja' ta xtun ta sventa vo'oxuc, xchi'uc ta sventa yanlum cristianoetic. Ja' jun mantal ta xcom o avu'unic. Jech ta xcom o ta totil me'il c'alal ta alab nich'nab.

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Números 18:8

Li Muc'ul Diose jech laj yalbe noxtoc li Aarone: “Vu'un laj cac'bot aventain li jmoton chquich' ac'bele. Scotol li c'usitic voc'bil cu'un sventa jmoton chiyac'bicun achi'iltac ta israelale, vo'ot chacac'boxuc achi'uc li anich'nabe. Ja' jech jmantal ta xcom o ta atojolic.

San Mateo 26:13

Melel li c'usi chacalboxuque, buyuc no'ox ta xich' cholel ta sbejel banamil li Lequil A'yej ta jventae, te ta xvinaj batel sc'oplal noxtoc c'usi la spasbun li antse. Jech ta sna'ic o scotol cristianoetic —xut.

San Lucas 22:19

La stsac noxtoc jun pan; la stojbe ta vocol Dios. La svoc' li pane; laj yac'be li yajchanc'optaque. Jech laj yalbe: —Li'i ja' jbec'tal, yu'un ta xcac' jba ta milel ta acojic. Jech me xapasilanic, yu'un jech chana'ilanicun o —xut.

Deuteronomio 16:1

“C'alal me laj ataic li u Abibe, pasic li q'uin Coltael sventa chavich'ic ta muc' li Muc'ul Dios cu'untique yu'un ja' ta yac'ubalil u Abib ti la sloq'uesoxuc tal ta Egiptoe.

Deuteronomio 16:11

Xchi'uc tsc'an chapasic jun q'uin ta stojol Muc'ul Dios cu'untic yo' bu st'ujoj sventa chich' ich'el ta muq'ue. Acotolic te xbat atsob abaic achi'uc anich'nabic, amozoic, xchi'uc li levietic avu'unique, xchi'uc li yanlum cristianoetique, li me'on ololetique, xchi'uc li me'on antsetic ti te co'ol nacaloxuc achi'uquic ta alumalique.

Deuteronomio 6:8

Ich'-unuc me avu'un scotol c'ac'al li mantaletique. Chuco ta ac'ob xchi'uc ta ati'ba sventa cht'ab ta avo'nton.

Josué 4:7

jech xavalbeic: ‘Li'i, ja' senyail ti la svoc' sba li uc'um ta sventa li xcaxail smantal Muc'ul Diose. Yu'un c'alal ijelov tal ta uc'um li xcaxail smantal Diose, la svoc' sba li uc'ume. Ja' yu'un li tonetic li'i ja' sna'ubil chcom o cu'untic c'alal ta calab jnich'nabtic ti oy c'usi lec ic'ot ta pasel ta jtojoltic, vu'utic li israelutique’, utic”, xi li Josuee.

1 Samuel 30:25

(Ja' yorail jech lic spasic o scotol li israeletique; ja' jun mantal icom o yu'unic ti jech tspasique.)