Éxodo 12:13 - Bible in Tzotzil de Chenalhó with Deuterocanon

¹³ ‘Li xch'ich'al chije ja' chtun ta sventa senyail yu'un jech chquil ti bu jbejucal anaique. C'alal ch-ech' jmilbe sba xnich'nabic li egiptoetique, me laj quil li ch'ich'e, ta xijelov no'ox batel. Jech mu'yuc boch'o chcham avu'unic vo'oxuc li israeloxuque.

Bible in Tzotzil de Chamula

¹³ ‘Yu'un ti ch'ich'e, ja' ta xtun ta senyail ti ta xvinaj ti bu nail tiq'uiloxuque. Jech ti c'alal ta jyayijes ta milel ti egipcioetique, mi junuc ta xachamic. Yu'un ta xquil bu oy ti ch'ich'e, jelavel ta xijelav.

Éxodo 12:13 Iomraidhean Croise

Génesis 17:11

Tsc'an chatuch'ic loq'uel snuculil sni' li ac'unilique yu'un ja' senyail chcom li c'usi la jchapantique.

Éxodo 12:11

C'alal chati'ique, chapalucoxuc me lec. Alapojuc xa lec ac'u'ic xchi'uc axonobic, xchi'uc atsacojuc xa lec anamte'ic, anil xa no'ox xati'ic li chije yu'un ja' xa q'uin Coltael cu'un; vu'un li Muc'ul Diosune.

Éxodo 12:23

C'alal ch-ech' smilbe sba xnich'nab egiptoetic li Diose, me chil li ch'ich' ti bonbil ta scotol sti' anaique, chjelov no'ox batel, mu xac' ochuc ta anaic li j'almantal chmilvane.

Éxodo 12:7

Ch'ambeic li xch'ich'ale. Bonic ta xcha'jotal yoyal sti' anaic xchi'uc ta smarcoal sti' anaic ti bu chati'ic li chije.

Ezequiel 9:4

Jech laj yalbe: “Bat xano scotol li lum Jerusalene; ac'anbo senyail ta sti'baic scotol li boch'otic ch-oq'uic, chat yo'ntonic ta scoj li c'usi toj chopol chich' pasel li' ta Jerusalene”, xut.

1 Tesalonicenses 1:10

Xchi'uc chalic noxtoc ti jun avo'nton chamalaic tsut tal ta vinajel li Xnich'on Dios ti la xcha'cuxes loq'uel ta smuquinale, ja' li Jesuse. Ja' li boch'o la scoltautic ti c'u cha'al mu xijbat ta tojob mulil ti li' to jmacojtic batele.

Hebreos 11:28

Ta sventa xch'unojel yo'nton la spasic li q'uin Coltaele, xchi'uc ti la sbonic ch'ich' ta sti' snaique, yu'un jech mu xich'ic milbel sba xnich'nabic yu'un Jmilvanej j'almantal ti c'alal chich' milbel scotol sba xnich'nab li egiptoetique.

Josué 2:12

Jech ta jc'anboxuc vocol ta atojolic ti ac'o avalbun ca'ay ta stojol Muc'ul Dios ti ac'o ac'uxubinuncutic xchi'uc jtot jme', xchi'uc li boch'otic te oyic ta sna li jtot jme'e jech chac c'u cha'al la jc'uxubinoxuque. Ta jc'an ac'o avac'bun quil senyail ti ta melel chac'uxubinuncutique,

Josué 2:18

Pero c'alal ta xtal xa ochcuncutic li' ta banamile, xajoc'an me li' ta aventana li tsajal lazu li' chachechuncutic o yalele. Li' xatsob abaic ta ana xchi'uc li atot ame'e, li achi'iltac ta voq'uele, xchi'uc scotol li yuts' yalaltac atote.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.