Éxodo 12:12 - Bible in Tzotzil de Chenalhó with Deuterocanon

¹² Te no'ox ta yac'ubalil ta xijelov ta scotol li Egiptoe. Ta x'ech' jmilanbe sba xnich'nab li egiptoetic ta jujubej snaique xchi'uc li sba yol sts'unub yovolique, yu'un chcac' ta ilel ti mu'yuc svu'el li diosetic yu'unique. Jech ta jpas, vu'un li Muc'ul Diosune.

Bible in Tzotzil de Chamula

¹² Yu'un ti jech ac'ubal taje, ta xi'ech' ta stojol scotol ti egipcioetic ti ta jyayijesbe ta milel scotol ti sbanquilal nich'nabic ti jujuchop jnaclej egipcioetique, xchi'uc scotol ti sba yoltac ti xchon sbolomique. Yu'un ta jchapan ya'iic ti diosetic yu'un ti egipcioetique. Yu'un jech xcal ti Vu'un Ajvalilune.

Éxodo 12:12 Iomraidhean Croise

1 Crónicas 14:12

Li filistaetique te icom yu'unic li sdiosique. Li Davide laj yal mantal ti ac'o xchiq'uique.

Salmos 135:8

Ja' laj yac' chamuc noxtoc li sba queremic te ta Egiptoe; lic smilbe sba squeremic xchi'uc c'alal ta sba yol chonbolometic.

Salmos 82:1

Li Diose lic sva'an sba ta muc'ta tsobajel yu'un scotol li yantic diosetique; te lic chapanvanuc:

Salmos 82:6

Jech chacalboxuc: “Li vo'oxuque apasoj abaic ta diosetic; acuyoj abaic ta xnich'on li Boch'o te oy ta vinajele.

Salmos 91:7

Jmil (1,000) chamen chyalic ta lum ta ats'etc'ob; lajunmil (10,000) chamen chyalic ta lum ta abats'ic'ob, pero li vo'ote me jutuc mu'yuc c'usi chaspasbot.

Salmos 95:3

Yu'un li Muc'ul Diose ja' no'ox stuc ech'em smuc'ul; ja' muc'ta Ajvalil yu'un scotol li yan diosetique.

Éxodo 12:23

C'alal ch-ech' smilbe sba xnich'nab egiptoetic li Diose, me chil li ch'ich' ti bonbil ta scotol sti' anaique, chjelov no'ox batel, mu xac' ochuc ta anaic li j'almantal chmilvane.

Éxodo 18:11

Li' ta orae ta jna' ti ja' no'ox stuc ech'em smuc'ul li Muc'ul Diose ti mu xco'laj xchi'uc li yantic diosetique. Yu'un la scoltaoxuc vo'oxuc ti mu'yuc atuic la'ilatique —xi.

Éxodo 21:6

li yajvale ac'o yic' batel ta stojol Dios; te ac'o c'ot sva'an ta sts'el smac ti'na, o ta smarcoal ti'na, ac'o svombe xchiquin ta jich'il taq'uin. Jech xu' chcom o ta smozo scotol c'ac'al.

Éxodo 22:28

“Mu me c'usi yan xavich' xavalic ta stojol li Diose, xchi'uc mu me xachopolc'opojic ta stojol li banquilaletic avu'unic te ta alumalique.

Éxodo 6:2

Li Diose la sc'opan yan velta li Moisese, jech laj yalbe: —Vu'un li MUC'UL DIOSUNE,

Éxodo 9:6

Ta yoc'omal la spas jech li Muc'ul Diose. Jech icham scotol sts'unub yovol li egiptoetique. Yan li sts'unub yovol israeletique me jcotuc mu'yuc icham.

Isaías 19:1

Laj yich' albel sc'oplal c'usi chc'ot ta pasel ta stojol li Egiptoe: Q'uelavilic, li Muc'ul Diose cajal ta jun toc ti anil chanove, ta x'och batel ta Egipto. Li sloc'obaltac sdiosic ta Egiptoe xt'elajetic ta xi'el ya'yel ta stojol li Muc'ul Diose; li egiptoetique ch-alub yo'ntonic ta scoj xi'el.

Jeremías 43:12

Ta xchiq'uic ta c'oc' scotol li ch'ulnaetic sventa sdiosic ta Egiptoe, xchi'uc li diosetique ta xchuquic batel ec. Ta xch'ubaic comel scotol li yosilal Egipto jech chac c'u cha'al biq'uitic tstsacbe sac-uch'al sc'u' li jchabichije, jech jun no'ox yo'nton chloc' batel.

Jeremías 43:13

Jech noxtoc li diosetic te va'ananbil ta Bet-semes ta yosilal Egiptoe ta slilinan comel. Li ch'ulnaetic yu'un diosetic ta Egiptoe ta xchic' comel ta c'oc', xi li Muc'ul Diose’, uto”, x'utat li Jeremiase.

Jeremías 46:25

Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: “Ta xcac'be stoj smul li Amone, li dios ta Tebase, xchi'uc li Egiptoe xchi'uc li diosetic yu'une, li ajvaliletic yu'une, xchi'uc li faraone, xchi'uc li boch'otic ja' spatoj yo'ntonic ta stojole.

Ezequiel 12:16

Jutuc xa no'ox ta xcac' colicuc ta milel ta espada, ta vi'nal, xchi'uc ta tsatsal chamel; yu'un jech ac'o c'ot yilic te ta yantic lum ti toj chopol c'usi la spasique. Jech chlic sna'ic ti vu'un Muc'ul Diosune, xi li Diose’, uto”, xiyutun.

Amós 5:17

Jech noxtoc li boch'o te oyic ta ts'usubtique ta x'oq'uic ec ti c'alal ta sta yorail chtal cac'boxuc atoj amulique”, xi li Diose.

Sofonías 2:11

Ja' yu'un li Muc'ul Diose toj xi'bal sba tspas sba ta stojolic; ta xules scotol li diosetic li' ta banamile. Jech chlic ich'atuc ta muc' ta buticuc no'ox banamilal, xchi'uc chlic ich'atuc ta muc' te ta banamiletic ti cacajtic ta nabe.

Números 33:4

Ja'o iloq'uic tal ti c'alal sbats'ilic smuquel scotol sba xnich'nabic li egiptoetique, yu'un imilbatic yu'un Muc'ul Dios scotol. Yu'un i'ac'batic stoj smulic ta scoj li diosetic yu'unique.

1 Samuel 5:3

Ta yoc'omal c'alal ic'otic li jnaclumetic ta Asdode, ja' to laj yilic ti mochol ta lumtic ta stuq'uil caxa la staic li Dagone. Jech te la stoyic liquel; laj yaq'uic ta yav.

1 Samuel 6:5

Pasbeic sloc'obal li apunetic xchi'uc li ch'oetic ti la soquesic cosilaltique, xchi'uc albeic slequilal li Dios yu'un israeletique. Oy yic'al ja' to jech chacolic o ta stojel amulic, xchi'uc li dios avu'unique, xchi'uc li avosilalique.