Éxodo 11:8 - Bible in Tzotzil de Chenalhó with Deuterocanon

⁸ Li achi'iltac ta abtele ta to xtal squejan sbaic ta jtojol, jech chlic yalbicun: ‘Batanic achi'uc scotol li achi'iltaque’, xiyuticun. Jech chiloc' o batel —xut faraón li Moisese. Li Moisese tsots ilinem iloc' ta stojol li faraone.

Bible in Tzotzil de Chamula

⁸ Ja' yu'un un, scotol ti avaj'abteltac li'e ta xtal sq'uelicun. Xquejeletic ti xi ta xisc'anbeicune: “Ti vo'ote xchi'uc ti c'u yepal ta sts'acliot ti achi'iltaque, batanic.” Ti jech mu to ta xc'ot ta pasel ti va'i s'elan taje, mu xibat. Va'i un, soquem xa sjol loc' batel ti Moisés ta stojol ti faraone.

Éxodo 11:8 Iomraidhean Croise

1 Reyes 20:10

Li Ben-adade la stac batel yan velta ta stojol Acab li j'almantaletic yu'une. Jech laj yal batel: “¡Tsots ac'o yac'bun jtoj diosetic ti me mu spas ta pucuc cu'un li Samaria c'alal chbat yules li jvinictaque!”, xut batel.

2 Reyes 3:9

Jech iloq'uic batel li ajvalil ta Israel, li ajvalil ta Judá, xchi'uc li ajvalil ta Edome. Ta sventa ti vucub c'ac'al tsc'an chjoybijic tal ta xocol banamile, jech ilaj ya'alic li yajsoldadoique xchi'uc li ca'etic yic'anojic batele.

Nehemías 5:6

C'alal laj ca'ibe ya'yejique, tsots li'ilin.

Salmos 6:1

Muc'ul Dios, mu me ta sc'ac'aluc avo'nton xataq'uiun; mu me xa'ilin ti chavac'bun nucule.

Éxodo 10:29

Itac'ov li Moisese: —Toj lec li c'usi laj avale. Mu'yuc xa chtal jq'uelot yan velta —xut.

Isaías 49:23

Li ajvaliletic yu'unique xco'laj xchi'uc atotic chc'ot; li stsebetic ajvaliletique ja' jts'itesej olol chc'ot avu'unic. Chlic squejan spatan sbaic ta atojol; chlic sts'uts'ic avacan. Jech chlic avotquin o ti vu'un Diosun ta melele, yu'un mu'yuc lo'labil li boch'otic chch'unic ti vu'un ta jcoltaique”, xi li Muc'ul Diose.

Isaías 49:26

Ta xcac' ac'o lic sti' sbec'tal stuquic li boch'o chayuts'intaoxuque; ta xcac' ac'o yuch'ic li xch'ich'alique. Ac'o yacubicuc xchi'uquic jech chac c'u cha'al pasem ya'lel ts'usub. Yu'un jech ac'o yotquinic scotol cristianoetic ti vu'un Muc'ul Diosune, ti vu'un Jcoltavanejun avu'une, ti vu'un Jpojvanejun avu'un, vu'un li stsatsalun Jacobe”, xi li Diose.

Ezequiel 3:14

La stotsun liquel stsatsal svu'el li Diose; la xchechun batel. Li vu'une ta vocol, ta at-o'nton libat, pero li Muc'ul Diose stsacojun batel lec ta sc'ob.

Daniel 3:19

Li Nabucodonosore solel ichacpochtaj ta il ta stojol li Sadrac, Mesac, xchi'uc Abed-negoe, jech lic yal mantal ti vucub velta ven c'oc' ac'o spasic jech chac c'u cha'al tspasic ono'oxe.

Números 12:3

Ta melel, li Moisese ja' jun vinic ti toj biq'uit yac'oj sba li' ta banamile.

Marcos 3:5

Li Jesuse ilinem ti c'alal la sq'uel ta jujujot xocone. Laj yat yo'nton ta scoj ti toj tsots yo'ntonique, jech laj yalbe li vinique: —Xach'o li ac'obe —xut. Jech la xach' li sc'obe, ta ora icol.

Deuteronomio 29:24

“Scotol li cristianoetic ta banamile jech chlic sjaq'uic: ‘¿C'u yu'un jech la spas Muc'ul Dios ta sventa li banamil li'i? ¿C'u yu'un ti tsots ilic sc'ac'al yo'nton ta stojole?’, xi chlic sjaq'uic.

Deuteronomio 32:24

Ta xcac' chamicuc ta vi'nal xchi'uc ta c'ac'al chameletic. Ta x'ulesatic yu'un tsatsal vocoletic. Ta jtac tal ta stojolic jti'val te'tical chon bolometic xchi'uc ora chonetic.

Hebreos 11:27

Ta sventa xch'unojel yo'nton li Moisese, jech iloc' batel ta Egipto banamil. Mu ja'uc ixi' ta sventa ti i'ilintaat yu'un li faraone. Tsots yo'nton laj ya'ay, yu'un xco'laj xchi'uc yilojbe sat laj ya'ay li Boch'o mu xquil ta jsatique.

Apocalipsis 3:9

Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique, yu'un jech ac'o sna'ic ti ta melel c'anbiloxuc cu'une.

Jueces 4:10

Li Baraque la stsob batel ta Cedes li lajunmil (10,000) liquemic ta Neftalí xchi'uc ta Zabulone; ja' la sventain li Baraque. Te xchi'uquic batel li Deborae.

Jueces 8:5

C'alal ic'otic ta Sucote, li Gedeone jech laj yalbe li boch'otic te nacajtique: —Avocolicuc ac'beic jutuc sve'elic li jchi'iltaque yu'un lubenic xa. Xchi'uc yu'un ta to jnutscutic batel li ajvaliletic yu'un madianetique, ja' li Zeba xchi'uc Zalmunae —xut.