Éxodo 11:5 - Bible in Tzotzil de Chenalhó with Deuterocanon

⁵ jech ta xcham scotol sba yol xnich'onic ta jujubej snaic li egiptoetique. Ta xcham c'alal ta sba xnich'on ec li ajvalil faraone, xchi'uc c'alal ta sba yol li squiara chjuch'naj ta cho'e, xchi'uc scotol li sba yol sts'unub yovolique.

Bible in Tzotzil de Chamula

⁵ Ti jujuchop jnaclej egipcioetique, ta xcham scotol ti sbanquilal nich'onique. Ta xcham ec ti sbanquilal nich'on ti faraón ti buch'u oy sc'oplal ta xchoti ta ajvalilale. Ma'uc no'ox taje, ta xcham xtoc ti sbanquilal ol ti me' mosovil ants ti ta x'abtej ta molinoe. Ja' jech xtoc ta xcham scotol ti sba yalabtac ti chon bolometique.

Éxodo 11:5 Iomraidhean Croise

Salmos 105:36

La smilbe noxtoc scotol li sba squeremic te ta sjunul yosilalique, ja' li sba sts'unubique.

Salmos 135:8

Ja' laj yac' chamuc noxtoc li sba queremic te ta Egiptoe; lic smilbe sba squeremic xchi'uc c'alal ta sba yol chonbolometic.

Salmos 136:10

Ja' la smilbe sba yol xnich'onic noxtoc li egiptoetique, yu'un sbatel osil mu xlaj o li c'uxubinel yu'une.

Salmos 78:51

Jech noxtoc la smilbe scotol li sba xnich'nab egiptoetique, ja' li sba sts'unubic smomnich'nabtac Came.

Éxodo 12:12

Te no'ox ta yac'ubalil ta xijelov ta scotol li Egiptoe. Ta x'ech' jmilanbe sba xnich'nab li egiptoetic ta jujubej snaique xchi'uc li sba yol sts'unub yovolique, yu'un chcac' ta ilel ti mu'yuc svu'el li diosetic yu'unique. Jech ta jpas, vu'un li Muc'ul Diosune.

Éxodo 12:29

Li Muc'ul Diose ta o'lol ac'ubal ech' smilbe scotol sba xnich'nab li egiptoetic ta jujubej snaique. Icham c'alal ta sba xnich'on li ajvalil faraone, xchi'uc sba xnich'nabic li boch'otic ochemic ta chuquele, xchi'uc li sba yol sts'unub yovolique.

Éxodo 13:15

Yu'un li faraone toj tsots yo'nton jech muc xac' loc'cuncutic tal. Ja' yu'un li Muc'ul Diose la smilbe sba xnich'nabic li egiptoetic ta jujubej snaique xchi'uc scotol li sba yol sts'unub yovolique. Ja' yu'un ja' smelol ti chcac'tic ta smoton Dios li sba yol jts'unub covoltic ti me stote, xchi'uc chcac'becutic xq'uexol li sba jqueremcutique.

Éxodo 4:23

Laj xa calbot ti ac'o aloq'ues batel li jnich'one, yu'un chbat yich'icun ta muc'. Pero ta sventa ti mu xavac' loc'uc batele, ta jmilbot li sba anich'nabe, xayutot li Muc'ul Diose’, uto —xi li Muc'ul Diose.

Isaías 47:2

Tsaco acho', juch'najan atuc, loq'ueso li xpix ajole, nito muyel li atseque; ac'o vinajuc li smuc'ul avo'e, tuch'o jelovel atuc ta avacan li muc'tic uc'ume.

Lamentaciones 5:13

Li viniquetic ti lec to tsots xu' yu'unique isujatic ta juch'nej; li queremetique ipasic ta yavinic ta cuch si'.

San Mateo 24:41

Me oy chib antsetic ta xjuch'najique, jun ta x'ic'at, jun ta xcom.

Hebreos 11:28

Ta sventa xch'unojel yo'nton la spasic li q'uin Coltaele, xchi'uc ti la sbonic ch'ich' ta sti' snaique, yu'un jech mu xich'ic milbel sba xnich'nabic yu'un Jmilvanej j'almantal ti c'alal chich' milbel scotol sba xnich'nab li egiptoetique.

Jueces 16:21

Li filistaetique la stsaquic; la sloq'uesbeic xchibal sbec' sat. Laj yiq'uic batel ta lum Gaza. La xchuquic ta cadena; laj yaq'uic juch'najuc te ta yut chuquinab.