Éxodo 11:1 - Bible in Tzotzil de Chenalhó with Deuterocanon

¹ Li Muc'ul Diose jech laj yalbe li Moisese: —Ta to xcac' tal yan vocol ta stojol li faraone xchi'uc ta scotol li egiptoetique. C'alal me ic'ot ta pasel le'e, te xa ta scoltaoxuc o batel li faraone. Ja' xa stuc ta stacoxuc loq'uel.

Bible in Tzotzil de Chamula

¹ Ti Diose xi laj yalbe ya'i ti Moisese: —Ta to xcac' taluc yan tsots yilbajinel ti faraone xchi'uc ti egipcioetique. Mi laj taj une, ti faraone ma'uc no'ox ta xac' loc'anic batele, yu'un ja' stuc ta stsatsal jipoxuc loq'uel.

Éxodo 11:1 Iomraidhean Croise

Génesis 15:14

Pero li vu'une ta to xcac'be stoj smulic ec li cristianoetic tsmozoinvanique. Ts'acal chcolic loq'uel tal li amomnich'nabtaque, ep xa sc'ulejalic chloq'uic tal.

Job 10:17

Chavach'ubtasbun yan velta li vocol avac'ojbune; ta x'epaj sc'ac'al avo'nton ta jtojol; mu xapaj o ta yaq'uel jvocol jech chac c'u cha'al jtsob soldadoetic ti mu xpajic o ta pleito c'alal tsjelilan sbaique.

Éxodo 12:29

Li Muc'ul Diose ta o'lol ac'ubal ech' smilbe scotol sba xnich'nab li egiptoetic ta jujubej snaique. Icham c'alal ta sba xnich'on li ajvalil faraone, xchi'uc sba xnich'nabic li boch'otic ochemic ta chuquele, xchi'uc li sba yol sts'unub yovolique.

Éxodo 3:20

Ja' yu'un vu'un ta xcac' ta ilel jvu'el jtsatsal. Li Egiptoetique ta xcac'be stojic ta sventa li sq'uelubiltac jtsatsal ta jpas ta stojolique: ja' to jech chayac'oxuc loq'uel tal li faraone.

Éxodo 6:1

Itac'ov li Muc'ul Diose: —Tana chavil c'usi ta jpas ta stojol li faraone. Yu'un me tsots c'usi ta jpasbee, ja' to jech xu' ch-ac'van loq'uel li' ta slumale. Stuc xa chlic yal ti ac'o loc'anic batele —xi.

Éxodo 9:14

Ta to me xcac' taluc yan vocol ta atojol, xchi'uc ta stojol li achi'iltac ta abtele, xchi'uc ta scotol li achi'iltaque, yu'un jech chana' o ti mu'yuc yan Dios ta scotol banamil jech chac c'u cha'al vu'une.

Levítico 26:21

“Me ja' no'ox jech chopol c'usi chapasic o ta jtojole, me mu xac'an xach'unic o li jmantaltaque, ta xacac'boxuc to yan vucub velta stojol li amulique.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.

Apocalipsis 16:9

C'alal chc'ac' cha'yic li cristianoetique, yo'to ichopolc'opojic ta stojol li Dios ti ja' sventainoj scotol li tsatsal vocole. Muc sutes yo'ntonic o; muc xich'ic ta muc' li Diose.

1 Samuel 6:4

Itac'ov li filistaetique: —¿C'usi tsc'an chcac'cutic ta sventa li stojol jmulcutique? —xiic. Itac'ovic: —Aq'uic vo'bej c'anal taq'uin jech smuc'tiquil jech chac c'u cha'al apun, xchi'uc vo'cot ch'o pasbil ta c'anal taq'uin. Ja' jech yepal tsc'an jech chac c'u cha'al yepal li banquilaletic avu'unique. Yu'un co'ol li vocol chavich' acotolic c'alal ta banquilaletic avu'unique.