Éxodo 10:8 - Bible in Tzotzil de Chenalhó with Deuterocanon

⁸ Li faraone la stac ta iq'uel yan velta li Moisés xchi'uc Aarone. Jech laj yalbe: —Bat ich'ic ta muc' li Muc'ul Dios avu'unique. Pero albicun ba'yuc li boch'otic chbatique —xut.

Bible in Tzotzil de Chamula

⁸ Ti faraone xi laj yalbe ya'i ti Moisese xchi'uc ti Aarone ti c'alal laj sta ta iq'uele: —Batanic ta yich'el ta muc' ti Ajvalil ti ja' Dios avu'unique. Ja' no'ox un, albun ca'i buch'utic ti ta xbatique.

Éxodo 10:8 Iomraidhean Croise

Éxodo 10:16

Li faraone ta ora la stac ta iq'uel li Moisés xchi'uc Aarone, jech laj yalbe: —Laj xa jta jmul ta stojol li Muc'ul Dios avu'unique xchi'uc ta atojolic ec li vo'oxuque.

Éxodo 10:24

Li faraone la stac ta iq'uel li Moisese, jech laj yalbe: —Bat ich'ic ta muc' li Muc'ul Diose. Iq'uic batel li anich'nabique. Yan li achijic xchi'uc avacaxique comtsanic li'i —xut.

Éxodo 12:31

Li faraone te no'ox ta yac'ubalil la stac ta iq'uel li Moisés xchi'uc Aarone, jech laj yalbe: —Batanic, voc'o abaic loq'uel ta stojol li jchi'iltac vo'oxuc li israeloxuque. Bat ich'ic ta muc' li Muc'ul Dios jech chac c'u cha'al laj avalique.

Éxodo 8:25

Li faraone lic stac ta iq'uel li Moisés xchi'uc Aarone, jech laj yalbe: —Milbeic smoton li Dios avu'unique, pero li' no'ox xapasic ta Egipto banamile —xut.

Éxodo 8:8

Li faraone la stac ta iq'uel li Moisés xchi'uc Aarone, jech laj yalbe: —C'anbeic vocol li Muc'ul Diose, yu'un ac'o sloq'ues batel li xch'uch'etic li' ta jtojolcutic xchi'uc li jchi'iltaque. Xu' ta xcac' ti ac'o bat yac'beic smoton Muc'ul Dios li achi'iltaque —xut.

Éxodo 9:28

Toj ven tsots xa jvocolcutic ta scoj li chauc xchi'uc bote. C'opanbun Muc'ul Dios ta jtojolcutic yu'un ac'o pajuc li bot xchi'uc chauque. Ta xa jcolta batel li achi'iltaque; mu'yuc xa chajpajesoxuc yan velta —xut.