Éxodo 10:7 - Bible in Tzotzil de Chenalhó with Deuterocanon

⁷ Li xchi'iltac ta abtel faraone jech laj yalic: —¿Ajvalil, baq'uin to chlaj jvocoltic yu'un li vinic le'e? Ja' lec coltao batel li cristianoetique; ac'o bat yich'ic ta muc' li Muc'ul Dios yu'unique. ¿Me yu'un muc chavil ti ep xa isoc li Egiptoe? —xutic.

Bible in Tzotzil de Chamula

⁷ Ja' yu'un un, ti yaj'abteltac ti faraone xi laj yalique: —¿C'usi to ora ta xcom jvocoltic yu'un ti vinic le'e? Ja' lec, Jcuch abtel, ti jnaclejetic li'e, ja' lec, ac'o ba yich'ic ta muc' ti sDiosique, ti ja' Ajvalile. ¿Mi mu to xatuc'ulan lec, Jcuch abtel, ti soc xa sjunlej ti Egiptoe?

Éxodo 10:7 Iomraidhean Croise

Salmos 107:34

Xu' yu'un tspaq'ues yaxal banamil ta scoj smulic li boch'otic te nacajtique.

Éxodo 12:33

Li egiptoetique la sujic israeletic ti ac'o loq'uicuc batel ta anil ta yosilalique, yu'un la snopic ti ta xcham scotolique.

Éxodo 23:33

Xchi'uc mu me xavaq'uic naquiicuc comel te ta alumalic, yu'un jech mu xlic ata amulic ta jtojol ta scojic. Yu'un me bat avich'beic ta muc' li diosetic yu'unique, lach'ayic xa o”, xi li Diose.

Éxodo 7:5

C'alal me laj xa cac' ta ilel jvu'el te ta Egiptoe, xchi'uc me loq'uemic xa batel cu'un li israeletique, li egiptoetique jech chlic sna'ic ti vu'un Muc'ul Diosun ta melele —x'utat li Moisese.

Éxodo 8:19

Li boch'otic xu' yu'un chac' ta ilel svu'elique, jech laj yalbeic li faraone: —Le'e ja' Dios jech la spas —xiic. Pero li faraone itsatsub yo'nton noxtoc, jech mu'yuc laj yich' o ta muc' jech chac c'u cha'al yaloj ono'ox Muc'ul Diose.

Proverbios 29:6

Li boch'o chopole ja' spets'ul chc'ot li smul stuque; yan li boch'o tuc' yo'ntone xcuxet no'ox yo'nton, xq'uejin no'ox.

Eclesiastés 7:26

Te la jta ta otquinel ti oy jun c'usi toj c'ux abul jbatic yu'une; ja' xu' to jutuc ti c'alal chijchame, ja' ti c'alal oy jun ants chlo'lavane. Yu'un li yo'ntone ja' jech chac c'u cha'al lasu; li sc'obe ja' jech chac c'u cha'al cadena. Li boch'o lec sc'anoj Diose chcol loq'uel ta sventa li ants le'e; yan li boch'o ja' lec cha'ay li mulile te chucul chcom o.

Isaías 14:20

Mu'yuc chavich' muquel jech chac c'u cha'al chich' muquel li yantic ajvaliletique, yu'un laj asoques li avosilale; laj amil li cristianoetic ta alumale. Mu xu' li' tsacal chcom sts'unubal o sbatel osil li chopol cristianoetique.

Isaías 51:9

Muc'ul Dios, julovan me, lican me achi'uc li atsatsal avu'ele; paso jech chac c'u cha'al laj apas ta vo'onee. Yu'un vo'ot ono'ox laj alilin li Rahabe; vo'ot ono'ox laj amil li dragón ta vo'onee.

Jeremías 48:4

“Li Moabe iyavnaij xa; x'avetic no'ox ta vocol li ololetique.

Jeremías 51:8

Pero ta anil no'ox ta xlom li Babiloniae, toj lilijel chc'ot. Oc'anic, avananic ta stojol. Ich'beic tal jutuc xpoxil ti bu tuch'emique; oy yic'al ta to xcol”, xi li Muc'ul Diose.

Sofonías 1:18

Me la sta sc'ac'alil chlic sc'ac'al yo'nton li Muc'ul Diose, mu'yuc boch'o xu' tspoj sba ta c'anal taq'uin o me ta saquil taq'uin, yu'un sbejel banamil ta xchic' c'alal chlic sc'ac'al yo'nton li Muc'ul Diose; ta xchic' scotol li banamile. Ta jliquel no'ox xu' ch-ulic scotol li jnaclumetic li' ta banamile.

1 Corintios 7:35

Li c'usi laj calboxuque ja' sventa alequilalic, ma'uc sventa chajmacoxuc. Ja' sventa lec ac'o batuc avu'unic, jech jun avo'nton chatunic yu'un Cajvaltic; mu'yuc c'usi chasmacoxuc.

Josué 23:13

na'ic me ti mu'yuc chasnutsboxuc loq'uel ta atojolic li Muc'ul Diose. Ja' no'ox chlic stunesboxuc sventa ayacubilic, yu'un ac'o yalanic ta lum. Xchi'uc ja' snuculal apatic, ja' xchamel asatic chc'ot, jech cha'ulic o te ta alequil banamilic ti laj yac'boxuc Muc'ul Diose.

1 Samuel 18:21

Jech la snop ti chac'be yic' o li Davide yu'un jech xu' ac'o slo'la smalal li tsebe, jech xu' ch-och o ta sc'ob filistaetic li Davide. Ja' yu'un li Saule jech laj yalbe xchibal velta li Davide: —Tana ta xajni'anot xa —xut.

1 Samuel 5:11

Ta sventa ti tsots i'ac'batic svocolic yu'un Dios noxtoc li lum Ecrone, jech la staquic ta iq'uel li banquilaletic yu'un filistaetique, jech laj yalbeic: “Ich'ic loq'uel li xcaxail smantal Dios yu'un israeletique; aq'uic sutel yu'un jech mu xismilutic jcotoltic”, xutic.