Éxodo 10:26 - Bible in Tzotzil de Chenalhó with Deuterocanon

²⁶ Li jts'unub covolcutique ta xquic'cutic batel. Me jcotuc mu'yuc ta jcomtsancutic, yu'un ja' ta jt'ujcutic jaycotuc sventa chcac'becutic smotonin li Muc'ul Diose. Li' ta orae mu to jna'cutic c'usi chtun cu'uncutic ta sventa chquich'cutic o ta muc' li Muc'ul Diose ja' to me te xa oyuncutique —xut.

Bible in Tzotzil de Chamula

²⁶ Ma'uc no'ox taje, yu'un ti chon bolometic cu'uncutique, ta xquic'cutic batel. Mi ja'uc jcotuc ta jcomescutic. Yu'un tsots sc'oplal ti ta jt'ujcutic loq'uel jaycotuc ti ta xtun ta sventa spasel yich'el ta muc' ti Diose. Yu'un ti jech mu to ta xic'otcutic teye, mu jna'cutic c'usi ta xtun yo' jech ta xquich'cutic ta muc' ti Diose.

Éxodo 10:26 Iomraidhean Croise

Éxodo 10:25

Li Moisese jech laj yal: —¡Mu jechuc! Ti jechuque yo'to vo'ot chavac' batel ats'unub avovol sventa chbat jmilbecutic, chbat jchic'becutic ta smoton li Muc'ul Dios cu'uncutique.

Éxodo 10:9

Itac'ov li Moisese: —Chibat jcotolcutic c'alal ta ololetic cu'uncutic, c'alal ta mol me'eletic, c'alal ta queremetic tsebetic, xchi'uc c'alal ta jchijcutic, ta jvacaxcutic, yu'un ja' jun muc'ta q'uin ta sventa Muc'ul Dios chbat jpascutic —xut.

Éxodo 12:32

Iq'uic batel li achijic, li avacaxic jech chac c'u cha'al chac'anique. Te xac'anbicun bendición ta jtojol ec —xi li faraone.

Éxodo 8:27

Ja' lec te chibatcutic ta xocol banamil ti oxib c'ac'al sbelale. Ja' te chbat jchic'becutic smoton li Muc'ul Dios cu'uncutic jech chac c'u cha'al laj yalbuncutique —xi.

Proverbios 3:9

Ich'o ta muc' Muc'ul Dios ta sventa li c'usitic oy avu'une, xchi'uc ta sventa li sba sat c'usitic chloc' avu'une.

Isaías 23:18

Pero ti c'u yepal tspas canale, ja' voc'bil sventa Muc'ul Dios chc'ot, muc teuc no'ox tsnac', muc teuc no'ox tstsob, ja' chlic stunesic li boch'otic te chtunic o ta stojol Muc'ul Diose yu'un jech tsman o ep sve'elic, xchi'uc tsmanic o lequic sc'u' spoq'uic.

Oseas 5:6

C'alal tsa'ic li Muc'ul Diose, chac'beic smotonin xchijic xvacaxic, pero mu staic, yu'un laj xa svoc' sba batel ta stojolic.

Zacarías 14:20

Ta sc'ac'alil le'e, c'alal ta scampanail snuc' ca'etic jech chich' ts'ibael: “Ts'u'iltasbil sventa Muc'ul Dios”, xi chich' ts'ibael. Li binetic ta ch'ulna yu'un Muc'ul Diose ja' jech chc'ot jech chac c'u cha'al li muc'tic taza te ta scajleb smoton Diose.

2 Corintios 8:5

Toj ech'em ep laj yaq'uic jech chac c'u cha'al jnopojcutique. Yu'un ba'yuc laj yac' sbaic ta stojol li Cajvaltique; ts'acal laj yac' sbaic ta jtojolcutic ec jech chac c'u cha'al tsc'an li Diose.

Hebreos 11:8

Ta sventa xch'unojel yo'nton li Abrahame, jech la xch'un ti c'alal i'ic'at yu'un Dios sventa ac'o batuc ta banamil yo' bu ch-ac'bat yu'unin ta ts'acale. Jech iloc' batel, ac'o me mu sna' bu chbat.