Éxodo 10:25 - Bible in Tzotzil de Chenalhó with Deuterocanon

²⁵ Li Moisese jech laj yal: —¡Mu jechuc! Ti jechuque yo'to vo'ot chavac' batel ats'unub avovol sventa chbat jmilbecutic, chbat jchic'becutic ta smoton li Muc'ul Dios cu'uncutique.

Bible in Tzotzil de Chamula

²⁵ Va'i un, ti Moisese xi laj staq'ue: —Bu xata, yu'un ti vo'ot eque, tsots sc'oplal ta xavac' milbil matanal chon bolometic ti ta xich' chiq'uel sventa yich'el ta muc' ti Dios cu'uncutique.

Éxodo 10:25 Iomraidhean Croise

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

Éxodo 10:24

Li faraone la stac ta iq'uel li Moisese, jech laj yalbe: —Bat ich'ic ta muc' li Muc'ul Diose. Iq'uic batel li anich'nabique. Yan li achijic xchi'uc avacaxique comtsanic li'i —xut.

Éxodo 10:26

Li jts'unub covolcutique ta xquic'cutic batel. Me jcotuc mu'yuc ta jcomtsancutic, yu'un ja' ta jt'ujcutic jaycotuc sventa chcac'becutic smotonin li Muc'ul Diose. Li' ta orae mu to jna'cutic c'usi chtun cu'uncutic ta sventa chquich'cutic o ta muc' li Muc'ul Diose ja' to me te xa oyuncutique —xut.

Éxodo 20:24

Pasbicun jun scajleb jmoton pasbil ta lum. Te xamilbicun, te xachic'bicun jmotonin achijic avacaxic sventa co'ol co'ntontic. Buyuc no'ox chacac'boxuc avilic yavil ti ta jc'an chavich'icun ta muq'ue, te chtal cac'boxuc bendición.

Levítico 16:9

Li jcot tentsun ti chc'ot ta jtojol, vu'un li Muc'ul Diosune, ac'o smil li Aarone; ja' matanal chc'ot ta sventa mulil.

Levítico 9:22

Li Aarone la stoy sc'ob ta stojol li xchi'iltaque; laj yac'be bendición. C'alal laj xa yac' ta stojol Dios li milbil matanal sventa lec ch-ilatic yu'un Muc'ul Diose, iloc' batel te ta scajleb smoton Dios.