Éxodo 10:20 - Bible in Tzotzil de Chenalhó with Deuterocanon

²⁰ Pero li Muc'ul Diose la stsatsubtasbe yo'nton noxtoc li faraone, jech muc scolta batel li israeletique.

Bible in Tzotzil de Chamula

²⁰ Ja' no'ox un, ti Diose laj yac' pucujibuc yo'nton ti faraone. Mu'yuc laj yac' loc'uc batel ti israeletique.

Éxodo 10:20 Iomraidhean Croise

Éxodo 10:1

Li Muc'ul Diose jech laj yalbe li Moisese: —Batan yan velta ta stojol li faraone yu'un jtsatsubtasojbe xa yo'ntonic xchi'uc li xchi'iltac ta abtele, yu'un jech ac'o yilic li muc'tic sq'uelubil jtsatsal ta jpase.

Éxodo 10:19

Ja' yu'un li Muc'ul Diose la stac tal tsots ic' ta smaleb c'ac'al; ja' la xcuch batel li epal c'ulubetique. Te to c'ot yac' chamuc ta Tsajal Nab. Me jcotuc c'ulub mu'yuc xcom ta scotol li Egiptoe.

Éxodo 10:27

Pero li Muc'ul Diose la stsatsubtasbe yo'nton li faraone, jech mu'yuc la scolta batel li israeletique.

Éxodo 11:10

Li Moisés xchi'uc Aarone la spasic scotol sq'uelubil stsatsal Muc'ul Dios ta stojol li faraone. Pero ta sventa ti stsatsubtasojbe yo'nton faraón li Muc'ul Diose, jech mu'yuc laj yac' loq'uicuc batel ta Egipto li israeletique.

Éxodo 3:19

Pero jna'oj lec ti mu ono'ox xayac'oxuc loq'uel tal li ajvalil ta Egipto ti me mu xich' tsots sujele.

Éxodo 4:21

Li Muc'ul Diose jech laj yalbe li Moisese: —C'alal chac'ot ta Egiptoe, xc'ot apas scotol ta stojol faraón li sq'uelubiltac jtsatsal chacac'bot apase. Yu'un li vu'une ta jtsatsubtasbe yo'nton li faraone, jech mu xac' loc'uc batel li achi'iltaque.

Éxodo 9:12

Pero li Muc'ul Diose la stsatsubtasbe yo'nton li faraone yu'un mu me xich'be ta muc' sc'opic li Moisés xchi'uc Aarón jech chac c'u cha'al albil ono'ox yu'un Dios li Moisese.

Romanos 9:18

Ja' yu'un lec chvinaj ti xu' chc'uxubin boch'o tsc'an chc'uxubin li Diose; xu' tstsatsubtasbe yo'nton li boch'o tsc'an tstsatsubtasbe yo'ntone.

Deuteronomio 2:30

“Pero li ajvalil Sehone muc xac' jelovcutic batel ta yosilalic, yu'un li Muc'ul Dios cu'untique la stsatsubtasbe yo'nton ta sventa xu' chijyac'butic ta jc'obtic jech chac c'u cha'al oy xa ta jc'obtic li' ta orae.