Éxodo 10:2 - Bible in Tzotzil de Chenalhó with Deuterocanon

² Jech li vo'oxuque xu' chavalbe ya'yic anich'nabic xchi'uc amomnich'nabic c'u x'elan laj cac'be svocolic li egiptoetique xchi'uc c'u x'elan li muc'tic sq'uelubil jtsatsal la jpas ta stojolique. Yu'un jech ac'o sna'ic ti ta melel vu'un Muc'ul Diosune —xut.

Bible in Tzotzil de Chamula

² Taje, yo' jech xu' xalo'iltabe ya'i ti anich'nabtaque, ti amamubtaque, ti c'u s'elan laj jvinajes ti mu'yuc stuq'uil sjol yo'nton ti egipcioetique, ti elom sba laj jvinajes ti jmuc'ul jtsatsal ta stojolique, yo' jech ta xana'ic xtoc ti vu'un Ajvalilune.

Éxodo 10:2 Iomraidhean Croise

2 Samuel 7:22

Ja' yu'un toj ech'em amuc'ul Muc'ul Dios cu'un. Mu'yuc boch'o yan jech chac c'u cha'al vo'ot. Mu'yuc yan Dios jech chac c'u cha'al ca'yojcutic ono'ox ta jchiquincutique.

Salmos 44:1

Dios cu'un, ca'yojcutic lec ta jchiquincutic, yalojbun ca'icutic jtot jme'cutic ti oy c'usi lec laj apas ta stojolic li jmoltot jyame'cutic ta vo'onee.

Salmos 44:2

Ta avu'el ta atsatsal laj anuts loq'uel scotol li muc'tic lumetique; laj avac'be stoj smulic, laj aloq'ues batel ta yosilalic. Ja' te laj avac' naclicuc li jmoltot jyame'cutic ta vo'onee.

Salmos 58:11

Jech chlic yalic: “Ta melel xloc' venta ti tuc' co'ntontique; ta melel oy jun Dios chchapanbe smul li cristianoetique”, xiic.

Salmos 71:18

Ac'o me molun xa, me sac xa jol, pero mu me xacomtsanun, Dios cu'un. Ta to me xcalbe ya'yic c'u x'elan atsatsal avu'el, xchi'uc c'usitic toj muc'tic laj apas li ts'acal olnich'onetic li'i, xchi'uc li boch'otic ts'acal to ta xtalique.

Salmos 78:3

Ja' li c'usi ca'yojtic, jna'ojtic ono'oxe, yu'un laj ono'ox yal ca'itic li jmoltot jyame'tic ta vo'onee.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 14:18

C'alal me laj xa cac'be yil jtsatsal li faraone, xchi'uc li scaretaic, xchi'uc li sca'ique, scotol egiptoetic chlic sna'ic ti vu'un Muc'ul Diosune —xut.

Éxodo 14:4

Jech li vu'une ta jtsatsubtasbe yo'nton li faraone yu'un jech ac'o bat snutsoxuc ta be, jech te chcac'be yil xchi'uc yajsoldadotac ti c'u x'elan jtsatsale. Jech scotol egiptoetic chlic sna'ic ti vu'un Muc'ul Diosune”, xut. Li israeletique te la sjoyic batel.

Éxodo 7:17

Ja' yu'un li Muc'ul Diose jech laj yal: Li' tanae chavil ti vu'un Diosune. C'alal ta jmaj ta jnamte' li uc'ume, li vo'e ta xc'ataj ta ch'ich'.

Éxodo 7:5

C'alal me laj xa cac' ta ilel jvu'el te ta Egiptoe, xchi'uc me loq'uemic xa batel cu'un li israeletique, li egiptoetique jech chlic sna'ic ti vu'un Muc'ul Diosun ta melele —x'utat li Moisese.

Éxodo 8:6

Li Aarone la stoy snamte' ta scotol li vo' ta Egiptoe, jech iloc' tal epal xch'uch'etic. Inoj ta xch'uch' scotol ti c'u smuc'ul li Egipto banamile.

Isaías 38:19

Ja' no'ox xu' chalic alequilal li boch'otic cuxajtique, jech chac c'u cha'al ta jpas li' ta orae. Li totiletique chalbe ya'yic xnich'nabic c'u x'elan li slequil yutsil avo'ntone.

Ezequiel 20:26

Laj cac' bolibicuc o ta scoj li matanaletic chaq'uique xchi'uc ta scoj li sba xnich'nabic chchiq'uic ta c'oc' ta sventa smoton sdiosique, yu'un jech ac'o niquicuc ta xi'el, jech chlic sna'ic ti vu'un Muc'ul Diosune’, uto.

Ezequiel 20:28

C'alal la jtiq'uic ochel ta banamil ti bu calojbeic ono'ox ta jamal chcac'beique, laj yilic ti oy lec bic'tal vitsetic, ti oy lec te'etic lec pimic sc'obc'obe; ja' te lic yaq'uic chic'bil matanaletic xchi'uc yantic matanaletic ti ep chisa'bun sc'ac'al co'ntone. Te la xchiq'uic pom noxtoc ti lec muic yiq'ue, xchi'uc te laj yaq'uic ya'lel ts'usubetic noxtoc.

Joel 1:3

Albo ya'yic li anich'nabique; li anich'nabique ac'o yalbe ya'yic ec li xnich'nabique; li amomnich'nabique ac'o yalbe ya'yic ec li yalab xnich'nabique.

Efesios 6:4

Vo'oxuc totil me'iletic, mu me xasa'beic sc'ac'al yo'nton li avol anich'onique. Tuc' xats'itesic, tojobtasic lec, chanubtasic lec ta sventa li Cajvaltique.

Deuteronomio 4:9

Ja' yu'un q'uelo me abaic. Mu me xch'ay ta avo'ntonic li c'usitic avilojique. Ja' me xanopilanic o. Albo me ya'yic li anich'nabique xchi'uc li amomnich'nabique.