Éxodo 10:18 - Bible in Tzotzil de Chenalhó with Deuterocanon

¹⁸ C'alal iloc' batel ta stojol faraón li Moisese, la sc'anbe vocol li Muc'ul Diose.

Bible in Tzotzil de Chamula

¹⁸ C'alal loc' batel ti Moisés ta stojol ti faraone, laj sta ta c'oponel ti Diose.

Éxodo 10:18 Iomraidhean Croise

Éxodo 10:19

Ja' yu'un li Muc'ul Diose la stac tal tsots ic' ta smaleb c'ac'al; ja' la xcuch batel li epal c'ulubetique. Te to c'ot yac' chamuc ta Tsajal Nab. Me jcotuc c'ulub mu'yuc xcom ta scotol li Egiptoe.

Éxodo 8:12

Li Moisés xchi'uc Aarone iloq'uic batel ta stojol li faraone. Jech li Moisese lic sc'anbe Muc'ul Dios ti ac'o loc'uc batel li xch'uch'etic ti stacoj tal ta stojol li faraone.

Éxodo 8:8

Li faraone la stac ta iq'uel li Moisés xchi'uc Aarone, jech laj yalbe: —C'anbeic vocol li Muc'ul Diose, yu'un ac'o sloq'ues batel li xch'uch'etic li' ta jtojolcutic xchi'uc li jchi'iltaque. Xu' ta xcac' ti ac'o bat yac'beic smoton Muc'ul Dios li achi'iltaque —xut.

Éxodo 8:9

Li Moisese jech la stac'be li faraone: —Albun ca'ay baq'uin chac'an ta jc'anbe vocol Muc'ul Dios ta atojol xchi'uc li achi'iltac ta abtele xchi'uc scotol li achi'iltaque. Xu' ta jc'anbe ti ac'o loc'uc batel li xch'uch'etic li' ta atojolique xchi'uc ta apasubmantale. Ja' xa no'ox te ac'o comuc scotol ta uc'umetic —xut.

Números 11:2

Li israeletique lic avanicuc; la sc'anbeic vocol Moisés ti ac'o coltaaticuque. Ja' yu'un li Moisese lic sc'anbe vocol Muc'ul Dios ta sventaic. Jech lic tubuc li c'oq'ue.

San Mateo 5:44

Pero vu'un chacalboxuc: c'uxubino avajcontraic; c'opanbeic Dios ta stojol li boch'otic chayuts'intaoxuque.

San Lucas 6:28

C'anbeic slequilal li boch'o ta xchopolc'optaoxuque. C'opanbeic Dios ta stojol li boch'o chopol c'usi chaspasboxuque.