Éxodo 10:1 - Bible in Tzotzil de Chenalhó with Deuterocanon

¹ Li Muc'ul Diose jech laj yalbe li Moisese: —Batan yan velta ta stojol li faraone yu'un jtsatsubtasojbe xa yo'ntonic xchi'uc li xchi'iltac ta abtele, yu'un jech ac'o yilic li muc'tic sq'uelubil jtsatsal ta jpase.

Bible in Tzotzil de Chamula

¹ Ti Diose xi laj yalbe ya'i ti Moisese: —Batan, ba q'uelo ti faraone. Yu'un laj xa cac' pucujibuc yo'nton xchi'uc ti yaj'abteltaque yo' jech ta xcac'be yilic ti jmuc'ul jtsatsal ti xu' cu'un ta jpas ti ch'ayal ta xc'ot o'ntonal yu'une.

Éxodo 10:1 Iomraidhean Croise

Salmos 7:11

Li Diose ja' tuq'uil jchapanvanej; scotol ora chopol chil li boch'otic chopol c'usi tspasique.

Éxodo 10:20

Pero li Muc'ul Diose la stsatsubtasbe yo'nton noxtoc li faraone, jech muc scolta batel li israeletique.

Éxodo 3:20

Ja' yu'un vu'un ta xcac' ta ilel jvu'el jtsatsal. Li Egiptoetique ta xcac'be stojic ta sventa li sq'uelubiltac jtsatsal ta jpas ta stojolique: ja' to jech chayac'oxuc loq'uel tal li faraone.

Éxodo 4:21

Li Muc'ul Diose jech laj yalbe li Moisese: —C'alal chac'ot ta Egiptoe, xc'ot apas scotol ta stojol faraón li sq'uelubiltac jtsatsal chacac'bot apase. Yu'un li vu'une ta jtsatsubtasbe yo'nton li faraone, jech mu xac' loc'uc batel li achi'iltaque.

Éxodo 7:4

Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Éxodo 9:12

Pero li Muc'ul Diose la stsatsubtasbe yo'nton li faraone yu'un mu me xich'be ta muc' sc'opic li Moisés xchi'uc Aarón jech chac c'u cha'al albil ono'ox yu'un Dios li Moisese.

Éxodo 9:16

Pero li' to cuxulot cu'un, yu'un jech chcac'bot avil c'u x'elan li jvu'ele, yu'un jech ac'o vinajuc batel jbi ta scotol banamil.

Éxodo 9:27

Li faraone lic stac ta iq'uel li Moisés xchi'uc Aarone, jech laj yalbe: —Laj xa jna' ti oy jmule. Vu'un ta jmul xchi'uc li jchi'iltaque; mu ja'uc oy smul li Muc'ul Diose.

San Juan 12:40

“Chmacbat satic, tstsatsubtasbat yo'ntonic, yu'un jech mu me xilic, mu me xc'ot ta yo'ntonic; jech mu sutes yo'ntonic, jech mu xcolic o”, xi ono'ox li Isaiase.

Romanos 9:17

Yu'un jech ts'ibabil ta sc'op Dios ti jech i'albat li Faraone: “La jtic'ot ta ajvalilal sventa ac'o avil c'u x'elan li jvu'ele, yu'un jech ac'o vinajuc batel jbi ta sbejel banamil”, x'utat.

Romanos 9:18

Ja' yu'un lec chvinaj ti xu' chc'uxubin boch'o tsc'an chc'uxubin li Diose; xu' tstsatsubtasbe yo'nton li boch'o tsc'an tstsatsubtasbe yo'ntone.

Josué 11:20

Yu'un li Muc'ul Diose la spasbe ta tsots yo'ntonic scotol li yajcontra israeletique yu'un jech ac'o scontrainic li israeletique. Ja' yu'un li israeletique laj yulesic o scotol; mu'yuc abul sba laj yilic, yu'un jech ono'ox albil yu'un Muc'ul Dios li Moisese.

1 Samuel 4:8

Toj abul jbatic. ¿Boch'o xu' chiscoltautic loq'uel ta sc'ob li Dios ti ech'em stsatsale? Yu'un ja' li Dios ti la smil ta tsatsal chamel li egiptoetic te ta xocol banamile.