Éxodo 1:7 - Bible in Tzotzil de Chenalhó with Deuterocanon

⁷ Pero ta sventa ti bats'i ep ibol yalab xnich'nabique, jech ibolic ta jyalel, laj yich' lec stsatsalic. Solel inoj yu'unic li banamil bu ic'otique.

Bible in Tzotzil de Chamula

⁷ Ja' no'ox un, ti israeletique ep ti yalab xnich'nabique. Ja' yu'un un, epajic ta jmec. Tsalvanic comel ta j'ech'el, yu'un naca israeletic xc'uletic ti ta lume.

Éxodo 1:7 Iomraidhean Croise

Génesis 1:20

Li Diose jech laj yal noxtoc: “Ac'o ayinuc c'usiuc no'ox chanul ta vo'etic, xchi'uc ac'o oyuc mutetic ti xvilet ta toyol chanovique”, xi. Jech ic'ot ta pasel.

Génesis 1:28

Laj yac'be bendición. Jech laj yalbe: “Bolanic; epajanic. Nojesic li banamile; ventainic o. Pasic ta mantal scotol li choyetique, li mutetique, xchi'uc scotol li chonetic ti xquilet ta banamil chanovique”, xut.

Génesis 12:2

Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

Génesis 13:16

Vu'un ta xcac' boluc ep amomnich'nab jech chac c'u cha'al spucucal banamil. Jech c'u cha'al mu stac' atel li pucuque, ja' jech mu stac' atel li amomnich'nabtaque.

Génesis 15:5

Li Muc'ul Diose laj yic' loq'uel ta amac' li Abrame jech laj yalbe: —Q'uelo lec avil li vinajele. Ato jaybej li c'analetique. Jq'ueltiquic me xu' avu'un yatel, yu'un jech to yepal chbat li amomnich'nabtaque —xut.

Génesis 17:16

Ta xcac'be bendición, yu'un ta xlic xchi'in jun anich'on. Melel xcal ti chcac'be bendicione. Ja' me'il chc'ot yu'un ep ta chop cristianoetic. Li syal'alabtaque oy ta xlic ochicuc ta ajvalilal ta lumetic —xut.

Génesis 22:17

ti ta melel ta xcac'bot ep bendicione. Ta xcac' boluc ep amomnich'nab jech chac c'u cha'al c'analetic ta vinajel, jech chac c'u cha'al yi'tic ta ti'nab. Li stuquique tsalbil ta xc'ot yu'un li yajcontraique.

Génesis 26:22

Li Isaaque iloc' batel; ibat nacluc ta nom. Te c'ot sjoc' yan joc' noxtoc. Ta sventa ti mu'yuc xa ilic c'op tee, jech “Xocol osil” laj yac'be sbi li joq'ue, yu'un jech laj yal: “Li' ta orae, Muc'ul Dios jech la sc'an ti lec xa xocol cosil li'i, yu'un jech ta jtacutic li c'usitic chtun cu'uncutique”, xi.

Génesis 26:4

Li amomnich'nabtaque ta xcac' epajuc jech c'u cha'al c'analetic ta vinajel. Ja' ta xcac'beic scotol li banamil li'i. Jech noxtoc ja' ta sventa amomnich'nab chich'ic bendición scotol li muc'tic lumetic ta banamile.

Génesis 28:14

Ta to xlic bolicuc li amomnich'nabtaque; ja' jech ta xc'otic jech c'u cha'al spucucal banamil. Ta to spuc sbaic batel ta xchanjotal xocon vinajel. Xchi'uc vo'ot ta aventa achi'uc amomnich'nabtac ta xich'ic bendición scotol li cristianoetic ta sbejel banamile.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 46:3

Jech i'albat yu'un li Diose: —Vu'un Diosun, ja' li Dios yu'un atote. Mu me xaxi' ti chabat ta Egiptoe yu'un te chc'ot jboles ep amomnich'nab. Jun muc'ta lum ta xbat cu'un.

Génesis 47:27

Jech te inaquiic o ta Egipto li israeletique. Ja' laj yich'ic o li osil te ta Gosén banamile. C'alal te nacalique, ibolic ta jyalel.

Génesis 48:16

xchi'uc ti ja' la scoltaun ta sventa li c'usitic chopole, ac'o yac'be bendición li chib queremetic li'i. Ac'o ja'uc ta sventaic ti te chich' na'ilanel o jbie, xchi'uc sbi li jmoltot Abrahame, xchi'uc sbi li jtot Isaaque. Xchi'uc ac'o boluc ep xnich'nabic; ac'o epajuc sts'unubalic ta banamil”, xi.

Génesis 48:4

‘A'yo ava'ay, vu'un ta xcac' boluc ep anich'nab. Ja' te ta stojol amomnich'nabtac ta xlic ep muc'tiquil lumetic. Xchi'uc ja' ta xcac'beic li banamil li'i. Ja' yu'unic ta xc'ot o’, xiyutun li Diose.

Génesis 9:1

Li Diose laj yac'be bendición li Noé xchi'uc xnich'nabe. Jech laj yalbe: “Bolanic, epajanic; nojesic li banamile.

Nehemías 9:23

Laj abolesbe yalab xnich'nabic jech chac c'u cha'al c'analetic ta vinajel, xchi'uc laj avic' batel ta banamil ti bu avalojbe ono'ox jmoltot jyame'cutic ta vo'one chavac'be yich'ique.

Salmos 105:24

Li Diose te laj yac' epajicuc, solel ibolic ta jyalel; xjelov to jech xu' yu'unic jech chac c'u cha'al li yajcontraique.

Salmos 107:38

Ta x'ac'batic lec bendición, ta sbolesatic lec, xchi'uc mu'yuc ta sbic'tajesbatic li sts'unub yovolique.

Éxodo 1:12

Pero c'alal ja'o chich'ic tsots uts'intaele, yo'to ep ibolic ta jyalel. Li egiptoetique toj ep ixi'ic.

Éxodo 12:37

Li israeletique iloq'uic batel ta Ramsés ibatic ta Sucot. Ti c'u yepal iloq'uic batele ja' vaquib ciento (600,000) ta mil li viniquetic ti xu' xa yu'unic pleitoe. Ja' mu'yuc atbil li antsetic xchi'uc li ololetique.

Éxodo 5:5

Jech laj yal noxtoc li faraone: —Li' ta orae bats'i epic xa li israeletic li' ta cosilale, pero vo'oxuc tal apajesic ta abtel —xi.

Ezequiel 16:7

Laj cac' ch'ian jech chac c'u cha'al ts'i'laletic ta banamil. Jech lach'i, lec muc' labat. Lec c'ac'al ants labat. Lec ich'i li achu'e xchi'uc li stsotsil ajole. Pero solel jeche' t'analot.

Hechos 13:17

Li Dios cu'untic, vu'utic li israelutique, ja' la st'uj li jmoltot jyame'tic ta vo'onee. C'alal te oyic ta Egipto banamile, laj yac' c'oticuc ta jun muc'ta lum. Ts'acal to iloq'uesatic tal ta stsatsal Dios, yu'un muc ja'uc ono'ox slumalic.

Deuteronomio 10:22

C'alal ic'otic ta Egipto banamil li jmoltot jyame'tic ta vo'onee, ja' no'ox oy lajuneb xchanvinic (70) ta scotolic, pero li Muc'ul Dios cu'untique, laj xa yac' bolcutic jech chac c'u cha'al c'analetic ta vinajel.

Deuteronomio 26:5

Ts'acal jech xavalic ta stojol li Muc'ul Dios cu'untique: ‘Li jmoltot jyame' ta vo'onee, unin juteb to'ox tsobolic, mu'yuc to'ox epic. Ja' arametic ti puru xanubal tspasique. Ibatic ta Egipto, te c'ot naquiicuc. Pero ts'acal ipasic ta jun muc'ta lum. I'epajic, itsatsubic ta jyalel.