Éxodo 1:17 - Bible in Tzotzil de Chenalhó with Deuterocanon

¹⁷ Pero li jnet'umetique yich'ojic ta muc' li Diose. Muc sc'an spasic jech chac c'u cha'al i'albatic yu'un li faraone, jech te cuxul la scomtsanic li unin queremetique.

Bible in Tzotzil de Chamula

¹⁷ Ac'o mi jech albilic un, yu'un ti jvet'ometique xi'taojic ti Diose. Mu'yuc laj spasic jech c'u cha'al albilic mantal yu'un ti ajvalil ta jteclum Egiptoe. Yu'un ch'an no'ox xutic ti queremetique.

Éxodo 1:17 Iomraidhean Croise

Génesis 20:11

Itac'ov li Abrahame: —Yu'un la jnop ti mu'yuc boch'o yich'oj ta muc' Dios li' ta lume, jech xu' chismilicun ta scoj li cajnile.

Génesis 42:18

Ta yoxibal c'ac'al jech laj yalbe: —Li vu'une quich'oj ta muc' li Diose. Pasic jech chac li'i, jech mu xavich'ic milel:

2 Samuel 24:4

Pero li smantal ajvalile icom o ta sbaic li Joab xchi'uc banquilal soldadoetique. Ja' yu'un li Joab xchi'uc banquilal soldadoetique te ta sat ajvalil iloq'uic batel, bat spasic li tsactsacvun ta stojol israeletique.

Nehemías 5:15

Pero li yantic ajvaliletic ti ba'yuc ijelovique laj yac'beic ep svocol li jchi'iltactique, yu'un ta jujun c'ac'al la sc'anic cha'vinic (40) ta sep saquil taq'uin sventa sve'elic, xchi'uc ya'lel sts'usubic. Jech noxtoc li xchi'iltac ta abtele toj muc' la spas sbaic ta stojol li jchi'iltactique. Yan li vu'une mu'yuc jech la jpas, yu'un ja' quich'oj ta muc' li Diose.

Ester 3:3

Li j'abteletic yu'un ajvalile jech la sjac'beic li Mardoqueoe: “¿C'u yu'un mu xach'un li mantal yu'un ajvalile?”, xutic.

Salmos 31:19

Toj bats'i ep slequil avo'nton anac'oj ta sventa li boch'o chayich'icot ta muq'ue; ta sat cristianoetic chavac' ta ilel slequil avo'nton ta stojol li boch'o spatoj yo'ntonic ta atojole.

Éxodo 1:18

Li ajvalil te ta Egiptoe la stac ta iq'uel li jnet'umetique, jech laj yalbe: —¿C'u yu'un ti cuxul laj acomtsanic li queremetique? —xut.

Proverbios 16:6

Ta sventa c'uxubinel xchi'uc smuc'ul o'ntonal ta xch'ay li mulile; ta sventa yich'el ta muc' Muc'ul Dios ta xcom yu'un c'usi chopol li cristianoetique.

Proverbios 8:13

Li boch'o chich' ta muc' Muc'ul Diose ja' xa tscontrain o li c'usi chopole. Li vu'une contra chquil li toybaile, li boch'o toj muc' yac'oj sba, li c'usitic yan chopole, xchi'uc li epalc'ope.

Eclesiastés 12:13

Li slajeb c'usi tsc'an ta jpastic ta sventa scotol li c'usi laj xa ca'itic tale ja' li'i: Ich'o me ta muc' li Diose; ch'unbo scotol li smantaltaque. Ja' no'ox jech oy ta sventa ac'o spas li cristianoetique.

Eclesiastés 8:12

Ac'o me jeloven ta vo'vinic (100) velta tspasic c'usi chopol li jpasmuliletique, pero jal chcuxiic noxtoc. Jechuc, ja' no'ox ta jna' ti lec ono'ox chbatic li boch'o chich'ic ta muc' Diose, ti tspasbeic c'usi tsc'ane.

Daniel 6:13

Ja' yu'un li viniquetique jech laj yalbeic li ajvalile: —Pero li Daniel ti chucbil iloq'uic tal ta Judá xchi'uc xchi'iltaque mu xayich'ot ta muc'; mu xich' ta muc' noxtoc li c'usi chapanbil ti jbel sc'oplal avaloje, yu'un laj quilcutic ti oxib velta ta jujun c'ac'al tsc'opan li Dios yu'une —xutic.

Oseas 5:11

Li Efraine uts'intabil chcom; pech'bil ta teq'uel chcom ta scoj smul, yu'un ja' lec laj ya'ay laj yich' ta muc' li c'usi mu'yuc stue.

Miqueas 6:16

Yu'un ja' laj avich'be ta muc' smantal li Omrie, ja' laj achan c'u x'elan yabtel li smomnich'nab Acabe; ja' laj achan li c'usitic la spasique. Ja' yu'un ta jyavnaijesot o; na'lebilot chacom achi'uc li jnaclumetic avu'une. Chacuchbe o xq'uexlalic li jteclum cu'une”, xi li Diose.

San Mateo 10:28

Mu me xaxi'ic yu'un li boch'o ta smil abec'talique, yu'un li ach'ulelique mu xu' ta smil. Ja' lec ja' xaxi'ic yu'un li Boch'o xu' yu'un ta smil abec'talic xchi'uc ach'ulelic ta muc'ta c'oq'ue.

San Lucas 12:5

Chacalboxuc ava'yic li boch'o tsc'an chaxi'ic yu'une. Ja' xi'anic yu'un li Boch'o xu' yu'un chmilvan, ti oy svu'el sventa chjipvan ochel ta muc'ta c'oq'ue. Melel chacalboxuc tsc'an ja' chaxi'ic yu'un.

Hechos 5:29

Itac'ov li Pedro xchi'uc xchi'iltaque: —Ja' tsots sc'oplal ba'yuc ta jch'unbecutic smantal Dios; mu ja'uc tsc'an ba'yuc ta jch'unbecutic smantal cristiano.

1 Samuel 22:17

Li Saule ta ora jech laj yalbe li jchabivanej yu'une: —Milo scotol li paleetic yu'un Muc'ul Diose yu'un ja' la snaban sbaic ta stojol ec li Davide. Laj yilic ti jatubal tspasique, pero muc xiyalbicun ca'ay —xut. Pero li jchabivanej yu'une muc sc'an smil li paleetic yu'un Muc'ul Diose.