Éxodo 1:14 - Bible in Tzotzil de Chenalhó with Deuterocanon

¹⁴ Solel ven tsots i'ac'bat svocolic ta abtel. Puru vots' ach'el xchi'uc puru pat xamit la spasic. Xchi'uc i'ac'bat spasic scotol yantic abtel ta osil noxtoc. Jech tsots mozoinel laj yich'ic, tsots i'uts'intaatic.

Bible in Tzotzil de Chamula

¹⁴ Mu'yuc ta alel mi xcham o xchi'uquic ti jech tsitsbilic ta tsots abtel ta sjuybel yach'elal ti xamite, xchi'uc ta sbainel scotol ti yan abteletic ta osile. Ac'o mi jech ta spasic scotol ti va'i s'elan taje, staoj o yav oy sc'oplalic ja' to c'uxi xc'otic ta tsutsel ti israeletique.

Éxodo 1:14 Iomraidhean Croise

Génesis 15:13

Ja' yu'un jech i'albat yu'un li Muc'ul Diose: —Tsc'an chana' ti ta to xbat naquiicuc ta yan banamil li amomnich'nabtaque. Te ch-ochic ta mozoil, xchi'uc te ta xich'ic uts'intael chanib ciento (400) jabil.

1 Reyes 12:14

Ja' laj yalbe jech chac c'u cha'al laj yalic li queremetique, jech laj yalbe: “Me ol avicatsic laj yac'boxuc li jtote, li vu'une xjelov to yalal chacac'boxuc. Me nucul no'ox laj yac'boxuc li jtote, li vu'une chacac'boxuc nucul ti oy staq'uinal sni'e”, xut.

Salmos 129:1

Ta jqueremal ono'ox toj ep boch'o laj yac'bicun tsots jvocol. Israeletic, jech xavalic acotolic:

Salmos 68:13

Li vo'oxuque jun avo'ntonic te mocholoxuc ta ti' c'oc', pero ep c'usi laj ataic. Pixil lacomic ta saquil taq'uin, jech chac c'u cha'al stsumut ti pixil lec ta sc'uc'umale; oy c'usi c'onc'ontic xa sba xic' laj ataic jech chac c'u cha'al bats'i lequil c'anal taq'uin.

Salmos 81:6

“Vu'un la jloq'ues li avicats acajanoj ta anecubique; la jxocobtas li ac'obic ti toj tsots yabtele.

Éxodo 1:11

Ja' yu'un li egiptoetique lic sva'anic jayibuc jpasmantaletic sventa ac'o yac'beic spas tsatsal abtel li israeletique. Jech lic yac'beic spasic chib lum; ja' Pitón xchi'uc Ramsés. Li faraone ja' laj yac' tunuc ta snail c'usitic chloc' yu'unic li egiptoetique.

Éxodo 1:13

Li israeletique bats'i abul sbaic ta mozoinel yu'un li egiptoetique.

Éxodo 1:15

Jech noxtoc li faraone la stac ta iq'uel li Sifra xchi'uc Fúa; ja' li jnet'umetic yu'un li yajnil israeletique, jech laj yalbe:

Éxodo 2:23

C'alal i'ech' xa'ox jayibuc c'ac'ale, icham li ajvalil ta Egiptoe. Li israeletique te ono'ox x'oc' x'avanic o ta scoj li tsots mozoinele, xchi'uc te tsc'anilanbeic o vocol li Diose. Ja' yu'un i'aybatic yoq'uel yavanelic yu'un li Diose.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 6:9

Ja' yu'un li Moisese bat yalbe ya'yic yan velta li xchi'iltaque, pero muc xa xich'ic ta muc', yu'un chibajem yo'ntonic ta scoj ti toj tsots mozoinbilique.

Proverbios 28:15

Li chopol vinic ti ochem ta jpasmantal ta stojol me'onetique ja' jech chac c'u cha'al jcot león ti xme'et no'oxe, jech chac c'u cha'al jcot oso ti chvoch'ivane.

Isaías 10:24

Ja' yu'un li Cajvaltic, ja' li Muc'ul Dios ti ech'em svu'ele, jech chal: “Jteclumal, jnaclumetic ta Sión, mu xaxi'ic yu'un li Asiria ti chasmajoxuc ta ste'ic, ti tstoy snamte'ic ta atojolic, jech chac c'u cha'al la spasboxuc li egiptoetique.

Isaías 14:6

Ja' ti laj yuts'inta ta sc'ac'al yo'ntonic jujun lume ti scotol ora puru majel laj yac'beique, ti ta sc'ac'al yo'nton la smozoinic li yantic banamile, ti mu xa xnel li vocol laj yac'beique.

Isaías 51:23

Ja' xa ta xcac'be yuch'ic li boch'o laj yac'bicot avocole, ja' li boch'o jech laj yalbicote: ‘Mochlan ta banamil, te chijelovcutic ta sba avac'ol’, ti xayuticote. Ja' yu'un li vo'ote laj amochan abec'tal ta banamil sventa chastec'oxuc; ja' sbeic ic'ot ya'yel li abec'tale yu'un te ijelovic ta sba avac'ol”, xi li Muc'ul Diose.

Isaías 52:5

Li' ta orae oy c'usi yan chquil noxtoc, ja' ti i'ic'atic batel ta Babilonia noxtoc li jteclumale. Solel mu'yuc smelol c'u x'elan ic'bil ibatic. X'avlajetic no'ox ta stoyobbailic li j'uts'intavanejetique; scotol c'ac'al chopol chc'opojic ta jtojol.

Isaías 58:6

Li lequil ictaej ixim ti lec chquile, ja' ti ac'o atuch'beic yaq'uil li uts'intaele, ti ac'o aloq'uesbeic alal icatsil li boch'o ep yicats avac'ojbeique, ti ac'o acoltaic li boch'o chucbilique, ti ac'o alajesbeic sc'oplal scotol li c'usi chac' vocole,

Levítico 25:43

Mu me uts'il ilbajuc xavilic; aq'uic ta ilel ti avich'ojicun ta muc'; vu'un li Diosun avu'unique.

Levítico 25:46

Xchi'uc xu' te chcom ta smozo anich'nabic c'alal me lachamique; le'e xu' chcomic o ta amozoic. Yan li achi'ilic ta israelale mu xu' chamozoinic, mu xu' chavuts'intaic li boch'o co'ol ats'unubal achi'uquique.

Levítico 25:53

Ja' jech tsc'an pasel jech chac c'u cha'al jun vinic ch-abtej ti ch'acbil stojol ta jujun jabile. Mu me jechuc no'ox ch-abtej jech chac c'u cha'al jun mozo.

Miqueas 3:3

Cuxul chati'beic sbec'tal ya'yel li jteclumale; chacho'beic loq'uel snuculil, chavoch'beic c'alal ta sbaquiltac; chabojilanic jech chac c'u cha'al ti'bol chapanic ta bin.

Nahúm 3:14

Lupo me ep ava'al ta sventa chacuxi ti c'alal te xa setubilote; chapano me lec apojobbail. Meltsano me lec li coralton avu'une; vots'o me lec, teq'uilano me lec li ach'ele; tsaco li smorteal ladrilloe.

Números 20:15

Li jmoltot jyame'cutic ta vo'onee, ibatic ta Egipto. Ep jabil te inaquiic. Pero li egiptoetique laj yuts'intauncutic jech chac c'u cha'al la spasbeic li jmoltot jyame'cutic ta vo'onee.

Hechos 7:19

Li faraón i'oche la slo'la ta sventa sbijil li jmoltotactic ta vo'one. Chopol c'usi lic spasbe. Laj yal mantal ti ac'o sloq'ues ta snaic scotol li yunin queremique, yu'un ac'o chamicuc.

Hechos 7:34

Ta melel quiloj ti ep svocolic li jteclum cu'un te ta Egiptoe. Laj xa ca'ibe li yoq'uel yavanelique. Ja' yu'un liyal tal, tal jcolta. La' me, ta jtacot batel ta Egipto’, x'utat yu'un li Diose.

Deuteronomio 26:6

Pero li egiptoetique laj yuts'intauncutic. Laj yac'buncutic ep jvocolcutic ta mozoil. Solel la xchucuncutic o ta ven tsatsal abtel.

Deuteronomio 4:20

Li Muc'ul Diose ja' la sloq'uesoxuc tal ti c'alal te to'ox tiq'uiloxuc ta yut li horno sventa yunijesbil stsatsal taq'uine, ja' li Egiptoe. Ja' li' laj yac'oxuc yo' bu oyoxuc li' ta orae, yu'un jech yu'unoxuc lac'otic o.

Rut 1:20

Li Noemie jech laj yal: —Mu xa xavalbicun Noemí. Mara xavalbicun, yu'un li Dios ti ech'em svu'ele tsots laj yac'bun jvocol.