Éxodo 1:10 - Bible in Tzotzil de Chenalhó with Deuterocanon

¹⁰ Ja' lec jnoptic c'usi chcut ta jpajestic ti c'u cha'al mu xbolique. Yu'un c'alal me oy boch'o chtal stsacutic ta pleitoe, naca me te bat spas ta co'ol yo'ntonic xchi'uc li cajcontratique, jech co'ol xa yo'ntonic chtal stsacutic ta pleito jcotoltic, xchi'uc naca me stsalutic o”,, xi li ajvalile.

Bible in Tzotzil de Chamula

¹⁰ La' jsa'betic smelolal c'usi ta xcutic yo' jech mu teyuc no'ox yantic ta x'epajic ta jmec. Yu'un mi xlic letoe, xu' chba sco'oltas sjolic xchi'uc ti cajcontratique. Ta stsalotic ta leto. Ja' jech xtoc ta xictaic comel ti jlumaltique.”

Éxodo 1:10 Iomraidhean Croise

Job 5:13

Ja' chac' ti te chucul ac'o c'otuc ta sventa sbijil li boch'otic bij scuyoj sbaique; ja' tsmacbe ta be c'usi chopol xchapanojic li boch'otic chopolique.

Salmos 10:2

Li boch'o chopol yo'ntone ta scoj stoyobbail chuts'inta li boch'o abul sbae, pero te no'ox pech'el chc'ot ta syoc stuquic.

Salmos 105:25

Li Diose lic syanijesbe yo'ntonic li egiptoetique, yu'un ac'o yich' contrainbel li steclumale, jech lic yich' uts'intabel li yajtuneltaque.

Proverbios 1:11

Me oy jech chayalboxuque: “La' chi'inuncutic; jq'ueltic c'u x'elan xu' ta jmiltic li boch'ouc no'ox chjelove; la' cac'betic li boch'o mu'yuc smule,

Proverbios 16:25

Oy be ti tuc' ta tamel yilele, pero ti bu chc'ote ja' sventa lajel.

Proverbios 21:30

Ta stojol Muc'ul Diose mu'yuc stu li jbijiltique, li c'usi lec jna'tique, xchi'uc ti lec jna' xijlo'ilaje.

Números 22:6

Avocoluc la' ta ora; la' lajesbun stsatsalic li cristianoetic li'i. Yu'un ja' xjelov stsatsalic jech chac c'u cha'al vu'uncutic. Oy yic'al ja' to jech xu' cu'un ta jtsal, jech xu' cu'un ta jnuts loq'uel li' ta cosilal. Jna'oj ti lec xu' avu'une. Scotol li boch'o chac'anbe xcuxlejalique xchi'uc li boch'o chatuch'be yorailique, ta xc'ot ono'ox ta pasel avu'un’, uto c'otel —xi li Balaque.

Hechos 23:12

Ta yoc'omal la stsob sbaic jayibuc judioetic; la xchapanic ti ta smilic o li Pabloe. Laj yalic ta stojol Dios ti ac'o tuch'batuc yorailic me muc xcham yu'unique. Ja' yu'un laj yalic ti mu'yuc ta xve'ic, ti mu'yuc c'usi ta xuch'ic oe, ja' to me icham yu'unique.

Hechos 7:19

Li faraón i'oche la slo'la ta sventa sbijil li jmoltotactic ta vo'one. Chopol c'usi lic spasbe. Laj yal mantal ti ac'o sloq'ues ta snaic scotol li yunin queremique, yu'un ac'o chamicuc.

1 Samuel 29:4

Pero li banquilaletic yu'un filistaetique i'ilinic ta stojol li Aquise, jech laj yalbeic: —Ja' lec albo ti ac'o suticuc batel ta yosilic bu avac'ojbee. Mu me li'uc xixchi'inutic ta pleito yu'un naca me li' c'atajuc ta cajcontratic ta yorail pleito cu'untic. Oy yic'al chlic smilbutic cajsoldadotic sventa chich'be batel sjolic ta stojol li Saule yu'un jech lec chlic ilatuc.