Ester 9:4 - Bible in Tzotzil de Chenalhó with Deuterocanon

⁴ Yu'un li Mardoqueoe toj muc' yabtel yich'oj te ta stojol li ajvalile, xchi'uc puquem batel sc'oplal ta jujun banamiletic, xchi'uc yantic no'ox ta xich' batel lec stsatsal.

Bible in Tzotzil de Chamula

⁴ Yu'un ti Mardoqueoe ja' xa jun vinic cajal yabtel c'otem ta sna ti ajvalile, ti puc xa batel sc'oplal ya'yejal ta scotol ti lumetique, ti jujun c'ac'al ta xich' yip ti yabtele.

Ester 9:4 Iomraidhean Croise

2 Samuel 3:1

Ep c'ac'al puru pleito la spasic li svinictac Saúl xchi'uc li svinictac Davide. Pero li Davide i'epaj li svinictaque; yan li svinictac Saule ibic'taj batel.

1 Crónicas 11:9

Li Davide i'ayin lec tsatsal yo'nton, yu'un te chi'inbil o yu'un li Muc'ul Dios ti ech'em stsatsale.

1 Crónicas 14:17

Li Davide ipuc batel sc'oplal ta buyuc no'ox. Li Muc'ul Diose laj yac' xi'icuc yu'un David scotol li muc'tic lumetique.

Ester 10:2

Scotol li c'usitic ivu' yu'un la spas ajvalile xchi'uc ti c'u x'elan laj yac' ta ich'el ta muc' li Mardoqueoe te ts'ibabil ta svunal c'usitic c'otem ta pasel yu'un li ajvaliletic ta Media xchi'uc ta Persiae.

Salmos 1:3

Li boch'o jech yo'ntone ja' co'ol jech chac c'u cha'al jpets te' ts'unbil ta ti' uc'um, ti lec chac' sat c'alal yorail tsatine, ti mu xlilij li yanale. Scotol li c'usi tspase lec chbat yu'un scotol.

Salmos 18:43

Laj acoltaun ta sventa li jchi'iltac ti jbajmantaletique; laj atic'un ta banquilal yu'un li yantic banamiletique; ta xitun ta stojol li cristianoetic ti mu xcotquinane.

Salmos 92:13

Yu'un xco'laj xchi'uc ts'unbilic ta xch'ulna Muc'ul Dios; te chac' lec xnichic ta yamaq'uil sna li Dios cu'untique.

Éxodo 11:3

Li Muc'ul Diose laj yac' ti ac'o lecubuc yo'nton egiptoetic ta stojol li israeletique. Jech noxtoc li xchi'iltac ta abtel faraone xchi'uc scotol li egiptoetique laj yilic ti tsots yabtel yich'oj li Moisese.

Proverbios 4:18

Yan li sbe boch'otic tuc' yo'ntonique lec sac jaman jech chac c'u cha'al chvoc' tal yibel vinajel ta jujun sobe, jech ta c'unc'un tsacub batel ja' to c'alal sac xa o lec li osile.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Sofonías 3:19

Ta sc'ac'alil le'e ta xcac'be stojolic scotol li boch'otic laj yuts'intaicote. Ta jcolta li chij ti xcoxcun chanove, xchi'uc ta xquic' sutel tal ti butic ch'ayemic batel ta bee. Ta xcac' ta ich'el ta muc'; ta xcac' pucuc sc'oplal ta sbejel banamil.

San Mateo 4:24

Ivinaj sc'oplal ta scotol Siria banamil. Jech te laj yic'beic tal ta stojol scotol li jchameletique; ep ta chop jchameletic laj yiq'uic tal. Laj yiq'uic tal li boch'otic oy ep svocolique, li boch'otic oy c'usi chti'van cha'yique, li boch'otic ochem pucuj ta yo'ntonique, li boch'otic yich'ojic tu'p iq'ue, xchi'uc li boch'otic aluben yoc sc'obique. Scotol icol yu'un li Jesuse.

Josué 6:27

Li Josuee chi'inbil o yu'un Muc'ul Dios, jech ipuc batel sc'oplal.

1 Samuel 2:30

Ja' yu'un li Muc'ul Dios yu'un Israele jech chal: ‘Li vu'une caloj ono'ox ti j'ech'el chatunic o cu'un achi'uc avalab anich'nabe. Pero tana chcal ta jamal ti j'ech'el ta jtuch'boxuc o li avabtelique. Ja' chquich' ta muc' ec li boch'o chiyich'un ta muq'ue. Yan li boch'o chisbajune, mu'yuc stu chquil ec.