Ester 9:10 - Bible in Tzotzil de Chenalhó with Deuterocanon

¹⁰ ja' li xnich'nabtac Amán, mero yajcontra judaetique. Pero li c'usitic oy yu'unique mu'yuc laj yich'beic.

Ester 9:10 Iomraidhean Croise

Génesis 14:23

li c'usi ja' avu'une me jutuc mu'yuc ta xquich' comel. Me jlicuc no, me jlicuc yaq'uil xonobil, mu'yuc ta xquich' comel, yu'un jech mu xu' chlic aval ti vo'ot laj apasun ta jc'uleje.

Génesis 34:27

Te ic'otic ec li yantic xnich'nab Jacobe; te ijelovic yo' bu oy li animaetique. Laj yich'ic batel scotol li c'usitic oy ta lume yu'un ja' tspaquic ti ilaj ta uts'intabel yixlalique.

Ester 3:1

C'alal i'ech' xa'ox jayibuc c'ac'ale, li ajvalil Asueroe laj yac'be muc' yabtel li Amán xnich'on Hamedata smomnich'on Agague; ja' banquilal ic'ot yu'un scotol li j'abteletic yu'une.

Ester 3:13

Jech la staquic batel ta jujun lum ti bu c'alal sventainoj li ajvalile. Laj yalic batel ti ta jun no'ox c'ac'al ac'o smilic scotol li judaetique, c'alal ta vinic, ta ants, ta ololetic, xchi'uc ac'o yich'beic scotol li c'usitic oy yu'unique. Li sc'ac'alil chc'ot yu'unique ja' ta yoxlajunebal (13) c'ac'al yochel li xlajchabal u Adare.

Ester 5:11

Te lic yalbe ya'yic ti toj ep li sc'ulejale, xchi'uc ti toj ep xnich'nabe, xchi'uc ti ac'bil tsots yabtel yu'un li ajvalile, ti ja' no'ox stuc banquilal yu'un scotol li banquilaletic xchi'uc j'abteletic yu'un ajvalile.

Ester 7:4

Yu'un li vu'un xchi'uc scotol li jchi'iltaque chonbiluncutic xa ta c'abal jcotolcutic ti ac'o quich'cutic ulesele. Ti ja'uc no'ox chonbiluncutic sventa mozoile, mu'yuc c'usi chcal; mu xtal jtij xc'uxul ajol ti jechuque —xut.

Ester 7:6

Itac'ov li Estere: —¡Li jcontrainvaneje, li pucujil vinique ja' li bol vinic Amán li' chotole! —xut. C'alal laj ya'ay li Amane, toj batel xch'ulel ta xi'el ic'ot ta stojol li ajvalile xchi'uc li Estere.

Ester 8:11

Li ajvalile laj yal batel mantal ta cartaetic ti ac'o stsob sbaic buyuc no'ox lumal nacalic li judaetique; ac'o spoj abaic c'alal chtal milatuc yu'un li yajcontraic ta jujun muc'tic lum xchi'uc ta bic'tal lumetique.

Ester 9:11

C'alal laj ya'ay ajvalil c'u yepal animaetic te ta muc'ul lum Susa yo' bu nacale,

Ester 9:9

Parmasta, Arisai, Aridai, xchi'uc Vaizata,

Salmos 21:10

J'ech'el chtu'p o sc'oplal ta banamil, j'ech'el ch-ul o sts'unubal li xnich'nab xchi'uc smomnich'nabtaque.

Éxodo 17:16

Jech laj yal: “Li Muc'ul Diose te stsacoj ta sc'ob li bandera yu'une. Te tspas pleito xchi'uc li Amaleque xchi'uc ti jayc'ol yalab xnich'nabique”, xi.

Éxodo 20:5

Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

Daniel 6:24

Li ajvalile laj yal mantal ti ac'o yich'ic iq'uel tal ec li boch'otic la stic'beic smul li Daniele, ti ac'o yich'ic tiq'uel ta xch'en leonetique. Jech laj yich'ic tiq'uel xchi'uc yajnil xnich'nabic. Mu'yuc to chc'otic ta banamil ta ora no'ox ich'amatic ta be yu'un li leonetique; ic'uxbatic o c'alal ta sbaquilic.

Romanos 12:17

Mu me chopoluc spacol xavac'beic li boch'o chopol c'usi chaspasboxuque. Aq'uic persa spasel c'usi lec ta stojol scotol cristianoetic.

Filipenses 4:8

Quermanotac, slajeb xa chacalboxuc tal: Ja' me xanopic scotol li c'usi melele, li c'usi oy stue, li c'usitic tuq'ue, li c'usitic leque, li c'usitic lec ilbile, xchi'uc scotol li c'usitic lec sc'oplale. Scotol li c'usitic leque, ti stac' pasele, ja' no'ox me xanopic o.