Ester 9:1 - Bible in Tzotzil de Chenalhó with Deuterocanon

¹ C'alal ista li yoxlajunebal (13) c'ac'al yochel xlajchabal u Adare, ja' li sc'ac'alil ti ac'o c'otuc ta pasel li mantal yaloj ajvalile, li yajcontra judaetique chapalic xa'ox yu'un tsc'an chulesic o li Judae, pero mu jechuc ic'ot ta pasel. Ja' ijoybij ta stojol stuquic li yajcontraique yu'un ja' itsalatic yu'un li judaetique.

Bible in Tzotzil de Chamula

¹ Ta yoxlajunebal (13) c'ac'al yu'un ti xlajchebal (12) u sbiinoj Adare, ja' sc'ac'alil chapanbil ta xc'ot ta pasel smantal ti ajvalile, sc'ac'alil xtoc ti smalaojic ta stsalatic ti judioetique. Mu jechuc c'ot ta pasel un. Laj stsal scontraic ti judioetique.

Ester 9:1 Iomraidhean Croise

2 Samuel 22:41

Laj avac' jatovicuc loq'uel ta jtojol, jech ivu' cu'un la jcules li boch'otic chilintaicune.

Ester 3:13

Jech la staquic batel ta jujun lum ti bu c'alal sventainoj li ajvalile. Laj yalic batel ti ta jun no'ox c'ac'al ac'o smilic scotol li judaetique, c'alal ta vinic, ta ants, ta ololetic, xchi'uc ac'o yich'beic scotol li c'usitic oy yu'unique. Li sc'ac'alil chc'ot yu'unique ja' ta yoxlajunebal (13) c'ac'al yochel li xlajchabal u Adare.

Ester 3:7

Ta sba u Nisán ta xlajchabal jabil yochel ta ajvalilal li Asueroe, la spasic canal tajimol te ta stojol Amán ta sventa tsna'ic c'usi c'ac'alil, c'usi ual xu' tspasic li c'usi la snope. Ja' ic'ot ta yoxlajunebal (13) c'ac'al yochel li xlajchabal ue, ja' ta yual Adar.

Ester 8:12

Ac'o spasic ta jun no'ox c'ac'al ta scotol c'u smuc'ul banamil sventainoj li ajvalil Asueroe, ja' li jun c'ac'al ti chapanbil xa ono'oxe, ja' li yoxlajunebal (13) c'ac'al yochel li xlajchabal u Adare.

Ester 8:6

Yu'un mu x'ech' chca'ay me chlaj ta milel scotol li jchi'iltaque, xchi'uc me ch-ul scotol li cuts' calaltaque —xut.

Ester 9:17

Le'e ja' ic'ot ta pasel ta yoxlajunebal (13) c'ac'al yochel li u Adare. Ta xchanlajunebal (14) c'ac'ale la xcux yo'ntonic. Toj xcuxet no'ox yo'ntonic; la spasic lec q'uin; laj yaq'uic lec ve'el.

Salmos 18:40

Laj avac' jatovuc batel ta jtojol li cajcontrataque, jech ivu' cu'un la jtsal li boch'otic stsoq'uet yo'ntonic ta jtojole.

Salmos 30:11

Laj xa ac'atajesbun ta ac'ot li at-o'ntone; laj xa aloq'uesbun li c'u'il ti ch'ixlajan ta lapele, ja' xa laj avac'bun li c'u'il sventa q'uine.

Hechos 12:11

Li Pedroe ivul lec xch'ulel, jech laj yal ta yo'nton: “Li' ta orae laj xa jna' ti ta melel la stacbun tal yaj'almantal li Cajvaltique. Ja' la scoltaun loq'uel ta sc'ob li Herodese xchi'uc ta sventa scotol li c'usi smala-malaic chc'ot ta pasel li jchi'iltaque”, xi ta yo'nton.

Deuteronomio 32:36

“Li Muc'ul Diose ta xlic spoj li steclumal c'alal chil mu xa xu' yu'unique. Li Muc'ul Diose ta xc'uxubaj ta yo'nton li yajtuneltac c'alal chil ti chlaj xa li boch'o mu'yuc stsatsalique xchi'uc li boch'o oy stsatsalique.

Apocalipsis 11:18

Liquem sc'ac'al yo'ntonic li cristianoetic ta jujun banamile, pero ic'ot xa sc'ac'alil chavac'be stojic ta sc'ac'al avo'nton. Laj xa sta yorail chachapan li boch'otic chamenique, xchi'uc laj xa sta yorail chavac'be smoton li avajtuneltac, ja' li j'alc'opetique, xchi'uc li boch'otic voc'bilic avu'un ti yich'ojicot ta muq'ue. Chavac'be smotonic c'alal ta muc' ta biq'uit, xchi'uc laj xa sta yorail chavules o li boch'otic la socbeic yo'nton li cristianoetic li' ta banamile”, xiic ta stojol.