Ester 8:9 - Bible in Tzotzil de Chenalhó with Deuterocanon

⁹ Ta yoxibal xcha'vinic (23) c'ac'al yochel li yoxibal u Sivane, lic staquic ta iq'uel li jts'ibajometic yu'un muc'ta ajvalile. Ja' jech la sts'ibaic scotol jech chac c'u cha'al laj yal li Mardoqueoe. Ja' laj yich'ic ts'ibabel batel li judaetique, li ajvaliletique xchi'uc li banquilaletic ti xlic ta India c'alal to ta Etiopía banamile; ja' vucub svucvinic (127) muc'tic lumetic ta scotol. Ta sc'op stuquic xchi'uc ta sts'ib stuquic laj yich'ic ts'ibabel batel ta jujun banamil xchi'uc ta jujun lum. Jech ec li judaetique ta sc'op stuquic xchi'uc ta sts'ib stuquic laj yich'ic ts'ibabel batel.

Bible in Tzotzil de Chamula

⁹ Ti jts'ibajometic yu'un ti ajvalile, laj yich'ic tael ta iq'uel ta anil. Taj une, ja' o ta oxib xcha'vinic (23) sc'ac'alil yu'un ti yoxibal u ti sbiinoj Sivane, laj yich' ts'ibael scotol ti c'u s'elan loc' ta ye ta sti' ti Mardoqueoe. Laj yich'ic ts'ibael batel ta sventa ti judioetique, ta sventa ti ajvaliletic jujuvoc' stalelic oyic ta bic'tal jteclumetique, xchi'uc ti yan j'abteletic sbainojic ta sventainel ti vucub xcha'vinic (127) ta chop bic'tal lumetic ti lic ech'el ta India banomile, ti c'ot c'alal to Etiopiae. Ts'ibabil ta sc'op stuquic ti c'u s'elan sna' xc'opojic ti jujuchope. Laj yich' ts'ibael xtoc ta sc'op stuquic ti judíoetic ti c'u s'elan sna' xc'opojique.

Ester 8:9 Iomraidhean Croise

2 Reyes 18:26

Li Eliaquim, li Sebna, xchi'uc li Joae jech laj yalbeic li Rabsacese: —Avocoluc c'opanuncutic ta arameo c'op, yu'un xca'icutic noxtoc. Mu xac'opanuncutic ta hebreo c'op, yu'un scotol li jchi'iltaccutic li' oyic ta ba coraltone cha'yic li c'usi chavalique —xutic.

2 Crónicas 15:10

Te la stsob sba scotolic ta Jerusalén ta yoxibal u, ta svo'lajunebal jabil yochel ta ajvalilal li Asae.

Ester 1:1

Li'i ja' jech ic'ot ta pasel c'alal ja'o ochem ta ajvalilal li Asueroe; ja' sventainoj vucub svucvinic (127) muc'tic lum xlic ta India c'alal to ta Etiopía.

Ester 1:22

Lic spuquic batel cartaetic ta jujun muc'tic lum ti bu c'alal sventainoje. Ta sc'op stuquic xchi'uc ta sts'ib stuquic la sts'ibabeic batel. Laj yalbeic batel ti ja' ac'o spasic o mantal te ta snaic li viniquetique, xchi'uc ti ac'o spuquic te ta jujun slumalic ta sc'op stuquic li mantal le'e.

Ester 10:1

Li ajvalil Asueroe lic sc'anbe spatan scotol li jujusep banamiletic c'alal to ta ti'ti' nabe.

Daniel 4:1

“Vu'un li ajvalil Nabucodonosorune, chacalboxuc acotolic ta jujun lum, ta jujun banamil, ta jujuchop ac'opic ti nacaloxuc ta scotol banamile: Junuc avo'ntonic, lec oyanic o.

Daniel 6:1

Li ajvalil Darioe toj lec laj ya'ay ti tst'uj vacvinic (120) jpasmantaletique, yu'un ja' ac'o sventainic ta jujuvoc' ti c'u smuc'ul sventainoje.

Daniel 6:25

Ja' yu'un li ajvalil Darioe la sts'iba batel vun ta stojol scotol cristianoetic ta jujun lum, ta jujun banamil, ta jujuchop c'op; jech laj yalbe: “Junuc me avo'nton acotolic.