Ester 8:16 - Bible in Tzotzil de Chenalhó with Deuterocanon

¹⁶ Jech ec li judaetique sac xi to osil laj yilic, xcuxet xa yo'ntonic, ich'bil ta muc' laj ya'yic.

Bible in Tzotzil de Chamula

¹⁶ Ta sventa ti judioetique, scotolic toj sac jamtajel to c'ot ti banomil laj ya'iique, ti xmuyubajic no'oxe, ti xlaet no'ox ta xa'iique, ti ich'bilic ta muc' laj ya'iique.

Ester 8:16 Iomraidhean Croise

Ester 4:16

“Batan te ta lum Susa; tsobo scotol li jchi'iltactique; ac'o yictaic ixim sventa chacoltaicun. Mu me c'usi xave'ic; mu me c'usi xavuch'ic oxib c'ac'al xchi'uc oxib ac'ubal. Ja' jech ta jpascutic ec xchi'uc li jquiarataque. Ja'o chibat ta stojol li ajvalile ac'o me mu jechuc chal li mantale. Me te lichame, ac'o chamcun”, xut batel.

Ester 9:17

Le'e ja' ic'ot ta pasel ta yoxlajunebal (13) c'ac'al yochel li u Adare. Ta xchanlajunebal (14) c'ac'ale la xcux yo'ntonic. Toj xcuxet no'ox yo'ntonic; la spasic lec q'uin; laj yaq'uic lec ve'el.

Salmos 112:4

Xojoban ta stojol li yantic ti tuc' yo'ntonique, yu'un lec chc'uxubinvan; oy slequil yo'nton xchi'uc tuc' yo'nton.

Salmos 118:27

Li Muc'ul Diose ja' Dios stuc; laj xa yac'butic tal li xojobale. Liquesic xa li q'uine; ich'ic tal li xanetic c'alal to ta xulubtac scajleb smoton li Diose.

Salmos 18:28

Muc'ul Dios, Dios cu'un, vo'ot chavac'bun lec luz ta jtojol; vo'ot ta aventa ti sac osil chquile.

Salmos 30:12

Ja' yu'un ta jq'uejinta o alequilal ta scotol co'nton; mu'yuc bu ta jpajes jba o ta sq'uejintael. Muc'ul Dios, Dios cu'un, sbatel osil chaquich'ot o ta muc', ta jtojbot ta vocol.

Salmos 97:11

Xojoban luz ta stojol li boch'o tuc' yo'ntone; oy xcuxetel yo'nton li boch'o lecuben xa yo'ntone.

Proverbios 11:10

C'alal toj lec chbat yu'un li boch'o tuc' yo'ntonique, toj xcuxet no'ox yo'nton li slumale; c'alal chcham li boch'o chopolique, xcuxet no'ox yo'ntonic.

Proverbios 28:12

C'alal chlic spas mantal li boch'o tuc' yo'ntonique, xcuxet no'ox yo'nton li cristianoetique; yan me ja' chlic spas mantal li boch'o chopol yo'ntonique, ta xi'ic li cristianoetique.

Isaías 35:10

Li boch'otic coltabilic yu'un Muc'ul Diose ta sutic tal; xla'etic no'ox ta q'ueoj chvul ochicuc ta Sión. Sbatel osil tse'ej lo'ilic no'ox ta xcuxetel yo'ntonic; ta xnamaj batel scotol li at-o'ntone xchi'uc li c'usitic c'uxe.